မြန်မာ့တပ်မတော်နှင့် MNDAA အကြား အပစ်အခတ်ရပ်စဲသည်ဟု တရုတ်နိုင်ငံက ပြောကြားမှုနှင့်အတူ ကိုးကန့်ဒေသရှိ တရုတ်နယ်စပ်ဂိတ်များကို တရုတ်နိုင်ငံဘက်မှ ပြန်လည်ဖွင့်လှစ်ခဲ့ကြောင်း သိရသည်။
ထို့အတူ "ဝ" ဒေသမှ ကိုးကန့်ဒေသသို့ ကုန်ပစ္စည်းများအား သယ်ယူဖြတ်သန်းခွင့်ပြုကို "ဝ"အဖွဲ့က ပိတ်ထားမှုအား တရုတ်အစိုးရ၏ ညွှန်ကြားချက်အရ "ဝ" ဒေသမှ ကိုးကန့်ဒေသဘက်ကို လွတ်လပ်စွာ ကုန်စည်ဖြတ် သန်းခွင့် စတင်ခွင့်ပြုလိုက်ပြီဖြစ်ကြောင်း UWSA က ဇန်နဝါရီ ၂၀ ရက်ထုတ်ပြန်ခဲ့ကြောင်း "ဝ"လူငယ်ကွန်ရက်အသံကွန်ရက် သတင်းဌာနက ဖော်ပြထားသည်။
ကိုးကန့်ဒေသနှင့် "ဝ"ဒေသ ဟိုပန်ကို ဆက်သွယ်ထားသည့် ဖောင်ဆိပ်တံတားပေါ်ရှိ မော်တော်ယာဉ်၊ လူနှင့် ကုန်စည်များ ထိန်းချုပ်ခြင်း အပြည့်အဝ လွတ်လပ်ခွင့် ပေးဆောင်ရန် ခွင့်ပြုလိုက်ကြောင်း တရုတ်နိုင်ငံ၏ မြန်မာနိုင်ငံဆိုင်ရာရုံးက အကြောင်းကြားစာရရှိခဲ့ကြောင်း၊ ဇန်နဝါရီ ၂၀ ရက်က စတင်ကာ ကိုးကန့်နယ်မြေအတွင်း ကုန်စည်ဖြတ်သန်းခွင့်ပြုလိုက်ကြောင်းနှင့် စစ်ဘက်ဆိုင်ရာ ထောက်ပံ့ရေးပစ္စည်းကလွှဲလို့ သာမန်ပြည်သူများ၏ နေ့စဉ်ထွက်ကုန်နှင့် နေ့စဉ်ဘဝ ဆိုင်ရာ ထောက်ပံ့ရေး ပစ္စည်းများအားအားလုံးကို ပုံမှန်အတိုင်းရောင်းဝယ်ဖောက်ကားနိုင်ကြောင်း UWSA ၏ထုတ်ပြန်ချက်တွင်ပါရှိသည့်ဟု "ဝ"လူငယ်ကွန်ရက်အသံကွန်ရက်သတင်းဌာနက ဖော်ပြသည်။
"တရုတ်ရဲ့ မူဝါဒ ဂိတ်ပိတ်မှုကြောင့် ကျွန်တော်တို့ ဝ ပြည်အတွင်းမှာ ဆီပြတ်လပ်မှုတချို့ကြုံခဲ့ပါတယ်။ ဒါပေမယ့် မနေ့ကစတင်ပြီး တရုတ်ကဂိတ်တွေပြန်ဖွင့်လို့ ဆီတွေလည်းတချို့ပြန်ဝင်နေကြပါပြီ။ အိမ်ဆောက်ပစ္စည်း တချို့လည်းဝင်လာကြပြီလို့တော့ သိရတယ်။ တခြားစက်ပစ္စည်းတွေတော့ မကြားသေးဘူး" ဟု UWSP လားရှိုးရုံးဆက်ဆံရေးတာ၀န်ခံ ဦးညီရန်းက ပြောကြားသည်။
လက်ရှိတွင် တရုတ် - မြန်မာ နယ်စပ်ဂိတ်ငါးခုဖြစ်သည့် ကျင်စန်းကျော့၊ ချင်းရွှေဟော်၊ ရန်လုံကျိုင်း၊ မုန်းကိုးနှင့် နမ့်ခမ်း ဂိတ်များကို MNDAA၊ TNLA၊ AA တို့က ထိန်းချုပ်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
