Photo: BBC
အမေရိကန်သမ္မတဟောင်း ဒေါ်နယ် ထရန့်သည် နိုင်ငံတော်ထိပ်တန်းလျှို့ဝှက် စာရွက်စာတမ်းများကို ကိုင်တွယ်ခဲ့သည့် ကိစ္စရပ်မှအစ အပြာမယ်ဟောင်းတစ်ဦးကို ငွေပေးနှုတ်ပိတ်ခဲ့သည့်ဖြစ်ရပ်အဆုံး အမှုအ ခင်းများစွာဖြင့် စစ်ဆေးခံနေရသည်။
ယင်းစစ်ဆေးမှုများကို ခြေရာခံသိရှိနိုင် ရန်မှာ မလွယ်ကူလှဘဲ ဒေါ်နယ်ထရန့်အတွက် ပုဂ္ဂိုလ်ရေးအရရော၊ နိုင်ငံရေးအရပါ သက်ရောက်မှုအကြီးမားဆုံးဖြစ်နိုင်သည့် အမှုအ ခင်းက လေးခုရှိနေသည်။
အပြာမယ်အမှုနှင့် ထရန့်ပိုင်ကုမ္ပဏီစစ်ဆေးခံရမှု
ဒေါ်နယ်ထရန့်နှင့်ပတ်သက်ငြိစွန်းမှု ရှိခဲ့သည်ဟု ဖွင့်ချပြောဆိုထားသူ အပြာမယ် ဟောင်း စတော်မီဒန်နီယယ်ကို ထရန့်ကိုယ်စား နှုတ်ပိတ်ခပေးခဲ့သည့်ကိစ္စကို နယူးယောက်အစိုးရရှေ့နေများက စစ်ဆေးလျက် ရှိသည်။ ထရန့်ကမူ ၎င်းတို့ချင်း မပတ်သက်ဟု ငြင်းဆိုထားသည်။
ထို့ပြင် ထရန့်၏ မိသားစုပိုင်ကုမ္ပဏီ Trump Organization ၏ လုပ်ငန်းများလည် ပတ်နေမှုကိုလည်း အစိုးရရှေ့နေများက စောင့်ကြည့်စစ်ဆေးခဲ့သည်။ နယူးယောက်အ စိုးရရှေ့နေချုပ် လတ်ထီရှာဂျိမ်းစ်က အရပ် ဘက် စစ်ဆေးမှုတစ်ရပ် (သို့သော် ပြစ်မှုဆိုင် ရာစွဲချက်များ တင်နိုင်ခြင်းမရှိသည့်စစ်ဆေး မှု) ကို ဦးဆောင်နေပြီး မန်ဟက်တန်ခရိုင် ရှေ့နေ အယ်လ်ဗင်ဘရတ်က ပြစ်မှုဆိုင်ရာစစ် ဆေးမှုကို ဦးဆောင်ခဲ့သည်။ ရှေ့နေနှစ်ဦး စလုံးက ပြီးခဲ့သည့် ၁၀ စုနှစ်များအတွင်း ထရန့်ကုမ္ပဏီ လိမ်လည်မှုများကျူးလွန်ခဲ့ခြင်း ရှိ၊ မရှိကို နှစ်ချီ စုံစမ်းလာသူများဖြစ်သည်။
စတော်မီဒန်နီယယ်အမှုတွင် ဥပဒေ ကြောင်းအရ ခိုင်လုံသည့်ကျိုးကြောင်းပြချက် မရှိဟု ထရန့်ရှေ့နေအဖွဲ့မှ တစ်ဦးက AP သတင်းဌာနကို ပြောသည်။ Trump Organization အမှုများကမူ နိုင်ငံရေးသဘော အရင်း ခံနေသည်ဟု ထရန့်ရှေ့နေအဖွဲ့ကဆိုသည်။မစ္စတာဂျိမ်းစ်နှင့် မစ္စတာဘရတ်တို့နှစ်ဦး ကိုလည်း ထရန့်က အကြိမ်ကြိမ်ဝေဖန်ခဲ့သည်။
စတော်မီဒန်နီယယ်အမှုတွင် ဒေါ်နယ် ထရန့်သည် သက်သေထွက်ဆိုရန် ဖိတ်ကြား ခံခဲ့ရသည်။ထို့ကြောင့် လေ့လာကျွမ်းကျင်သူ များက ထရန့်သည် မကြာမီ ပြစ်မှုဆိုင်ရာစွဲ ချက်များ ရင်ဆိုင်ရနိုင်သည်ဟု သုံးသပ်နေ ကြသည်။
အစိုးရရှေ့နေများက စွဲချက်တင်လိုက် မည်ဆိုပါက ယင်းသည် အမေရိကန်သမ္မတ ဟောင်းတစ်ဦးအပေါ် ပထမဆုံး ပြစ်မှုဆိုင်ရာတရားစွဲဆိုမှုဖြစ်လာလိမ့်မည်။
Trump Organization ပြစ်မှုဆိုင်ရာ စစ်ဆေးမှုတွင် စီရင်ချက်ချမှတ်ထားပြီးဖြစ်ပြီး လိမ်လည်မှု၊ လုပ်ငန်းမှတ်တမ်းများ မမှန်မ ကန်ပြုလုပ်မှုတို့ဖြင့် ပြစ်မှုထင်ရှားကာ အမေ ရိကန်ဒေါ်လာ ၁ ဒသမ ၆ သန်း ဒဏ်တပ်ခဲ့ သည်။
အရပ်ဘက်စစ်ဆေးမှုတွင် ထရန့်နှင့် သားသမီးသုံးဦးကို ရှေ့နေ ဂျိမ်းစ်က တရားစွဲ ခဲ့ပြီး ဒေါ်လာသန်း ၂၅၀ တောင်းထားသည်။ထို့ပြင် ထရန့်နှင့် သားသမီးများကို နယူး ယောက်ရှိ မည်သည့်စီးပွားရေးလုပ်ငန်းများ ၌မဆို ခေါင်းဆောင်ပိုင်းနေရာမှ တာဝန်ယူ ခွင့်မပေးရန် တောင်းဆိုထားပြီး ယင်းအမှုကို မန်ဟက်တန်တရားသူကြီးက ယခုနှစ်နှောင်း ပိုင်းတွင် အဆုံးအဖြတ်ပေးမည်ဖြစ်သည်။
မာရာလာဂိုစံအိမ်သို့ အစိုးရစာရွက်စာတမ်းများ ယူသွားမှု
ထရန့် သမ္မတအဖြစ်မှ ဖယ်ပေးလိုက် ပြီးနောက် ထိပ်တန်းလျှို့ဝှက်စာရွက်စာတမ်း များ အိမ်ဖြူတော်တွင် မရှိတော့သည့်ကိစ္စကို အမေရိကန်တရားရေးဌာနက ဖော်ထုတ် စစ် ဆေးနေသည်။အိမ်ဖြူတော်မှထွက်ခွာသွား ရပြီးနောက် ယင်းစာရွက်စာတမ်းများကို ဖလော်ရီဒါပြည်နယ်ရှိ ထရန့်၏နေအိမ် မာရာ လာဂိုသို့ ယူသွားခြင်းဖြစ်ပြီး ယင်းစာရွက်များ ကို မည်သည့်ပုံစံဖြင့် သိမ်းဆည်းထားကာ မည်သူက ထိတွေ့ခွင့်ရှိသည်ကို အာဏာပိုင် များက စစ်ဆေးနေသည်။
မနှစ်က သြဂုတ်တွင် ယင်းကမ်းခြေအိမ် ကို စီးနင်းရှာဖွေမှုအတွင်း စာရွက်စာတမ်း ၁၁ယဝ၀၀ ရှာတွေ့ခဲ့ပြီး အရေးကြီး စာတမ်း ၁၀၀ နီးပါး ပါခဲ့သည်။ အချို့တွင် ထိပ်တန်း လျှို့ဝှက်ချက်ဟု မှတ်သားထားသည်။
အရေးကြီးအဖြစ် သတ်မှတ်သည့် စာ ရွက်စာတမ်းများတွင် များသောအားဖြင့် အများပြည်သူ သိရှိပါက နိုင်ငံတော်လုံခြုံရေး ကို ထိခိုက်စေနိုင်သည်ဟု ယူဆရသည့် အ ချက်အလက်များ ပါနေတတ်သည်။
သမ္မတဟောင်းထရန့်ကမူ တရားရေး ဌာန၏စစ်ဆေးမှုကို နိုင်ငံရေးအရင်းခံသည့် လုပ်ရပ်၊ မလိုလားသူကို ရှင်းလင်းရေးလုပ်ရပ် ဟု ရှုတ်ချခဲ့သည်။ သို့သော် အစိုးရစာရွက် စာတမ်းများ ဘာကြောင့် မာရာလာဂိုအိမ်တွင် ရောက်နေသည်ဆိုသည့် အဓိကမေးခွန်းကို ထရန့် မဖြေရှင်းနိုင်သေးပေ။
တရားရေးဌာနက သမ္မတဟောင်းသည် နိုင်ငံကိုထိခိုက်အောင် အသုံးချနိုင်သည့်
နိုင်ငံတော်လုံခြုံရေး အကြောင်းအရာများကို သိမ်းယူထားခြင်းအားဖြင့် သူလျှိုမှုဥပဒေကို ချိုးဖောက်ခြင်းဖြစ်သွားနိုင်သည်ဟု ယူဆ နေသည်။
ယင်းအမှုအတွက်လည်း ထရန့်ရှေ့နေ အဖွဲ့က တရားရေးဌာနနှင့် ခေါင်းချင်းဆိုင် တွေ့နေရသည်။
ထရန့်နှင့်ပတ်သက်သည့် ပြစ်မှုဆိုင်ရာ စစ်ဆေးမှုများအားလုံးကို ကြီးကြပ်ရန် တရား ရေးဌာနက သီးခြားရှေ့နေတစ်ဦးလည်း ခန့် အပ်တာဝန်ပေးထားသည်။ တရားရေးဌာန၏ အမျိုးစုံသော စစ်ဆေးမှုများကို ဂျက်စမစ်ဆို သူ ၎င်းင်းရှေ့နေက ဦးဆောင်ကာ သမ္မတ ဟောင်းကို တရားစွဲ၊ မစွဲပါ နောက်ဆုံးတွင် ဆုံးဖြတ်ပေးမည်ဖြစ်သည်။
လွှတ်တော်အဆောက်အအုံ တိုက်ခိုက်ခံရမှု
ဂျိုးဘိုင်ဒင်၏ ရွေးကောက်ပွဲအောင်နိုင်မှု အတည်ဖြစ်ရေးကို ဟန့်တားနှောင့်ယှက်ရန် ရည်ရွယ်ချက်ဖြင့် ၂၀၂၁ ခုနှစ်၊ ဇန်နဝါရီ ၆ ရက်နေ့က အမေရိကန်လွှတ်တော်အဆောက် အအုံကို ထရန့်ထောက်ခံအားပေးသူများ ဝင်ရောက်သောင်းကျန်းခဲ့သည့်ဖြစ်စဉ်တွင် သမ္မတဟောင်းထရန့် ပါဝင်ပတ်သက်နေ သည်ဆိုခြင်းကို ဖက်ဒရယ်အစိုးရဌာန အချို့ က စစ်ဆေးဖော်ထုတ်လျက်ရှိသည်။
ယင်းဖြစ်စဉ်အတွက် ကွန်ဂရက်လွှတ် တော်ကော်မတီက ထရန့်ကို ဆူပူမှုဖြစ်အောင် လှုံ့ဆော်သူအဖြစ် စွပ်စွဲလိုက်သည်။ တရား ရေးဌာနကလည်း ဇန်နဝါရီ ၆ ရက်ဖြစ်စဉ်နှင့် သမ္မတဟောင်း၏ ရွေးကောက်ပွဲရလဒ် ပယ် ဖျက်ရန် ကြိုးပမ်းခဲ့မှုများကို သီးခြားစစ်ဆေး မှုတစ်ရပ် ပြုလုပ်လျက်ရှိသည်။
ထရန့်ကမူ ယင်းဆူပူမှုအတွက် ၎င်းင်း တွင်တာဝန်မရှိဟု ငြင်းဆိုခဲ့ကာ လွှတ်တော် ကော်မတီကို ဥပဒေဘောင်မဝင်သည့်အဖွဲ့၊ ဟန်ဆောင်ကော်မတီဟု တန်ပြန်ထိုးနှက်ခဲ့ သည်။ထို့ပြင် မဲမသမာမှုများရှိသည်ဆိုသည့် ၎င်းင်း၏မခိုင်လုံသည့် ပြောဆိုချက်များကို ထပ်တလဲလဲပြောဆိုနေသည်။
လွှတ်တော်ကော်မတီက ထရန့်ကို ပြစ်မှု ဆိုင်ရာစွဲချက်လေးခုတင်ရန် ဆုံးဖြတ်လိုက်ပြီး တရားရေးဌာနကို ဆက်လက်လွှဲအပ်လိုက် သည်။
စွဲချက်တင်၊ မတင်ကို နောက်ဆုံး ဆုံး ဖြတ်ရန်မှာ တရားရေးဌာန၏တာဝန်ဖြစ်ပြီး၊ လွှတ်တော်စီးနင်းမှုတွင်ပါဝင်ခဲ့သူ ရာနှင့်ချီကို တရားရေးဌာနက စွဲချက်တင်ခဲ့ပြီးဖြစ်သည်။
ယင်းစစ်ဆေးမှုတွင် သမ္မတဟောင်းကို ဆင့် ခေါ်ထားခြင်း မရှိသေးသော်လည်း ဆင့်ခေါ် မည့်အလားအလာတော့ ရှိသည်။
ရွေးကောက်ပွဲရလဒ်ကို ပယ်ဖျယ်ရန် ကြိုးပမ်းခဲ့မှု
၂၀၂၀ အမေရိကန်သမ္မတရွေးကောက် ပွဲတွင် အပြတ်အသတ် မဟုတ်သည့် အရှုံး ရလဒ်ကို ပယ်ဖျက်ရန် ထရန့်က ကြိုးပမ်းခဲ့မှု များကို အစိုးရရှေ့နေများက အချိန် ရှစ်လယူ စစ်ဆေးခဲ့သည်။ သမ္မတဟောင်း ထရန့်နှင့် ရွေးကောက်ပွဲဆိုင်ရာထိပ်ပိုင်းအရာရှိတို့၏ ၂၀၂၁ ခုနှစ်၊ ဇန်နဝါရီ ၂ ရက်နေ့က တစ်နာရီ ကြာ ဖုန်းပြောဆိုမှုသတင်း ထွက်လာပြီး နောက် စစ်ဆေးမှုများစတင်ခဲ့ခြင်းဖြစ်သည်။
ယင်းဖုန်းပြောဆိုမှုအတွင်း ဒေါ်နယ်ထရန့်က မဲအရေအတွက် ၁၁ç၇၈၀ မဲ ရချင်သည်ဟု တစ်ဖက်အရာရှိကို ပြောခဲ့သည်။ အကြိတ်အ နယ်ပြိုင်ရမည့် ပြည်နယ်တွင် ၎င်းင်းကို အနိုင် ရစေမည့် မဲအရေအတွက်ကို ရည်ညွှန်းပြော ခဲ့ခြင်းဖြစ်သည်။
အခြားအမှုများတွင် ၎င်းင်းပြောခဲ့သည့် အတိုင်းပင် ယခုအမှုတွင်လည်း မလိုလားသူ ကို ဖယ်ရှားသည့်လုပ်ရပ်ဟု ထရန့်က ရှုတ်ချ ပြောခဲ့သည်။ စစ်ဆေးမှုကိုဦးဆောင်သည့် ဖူလ်တန်ကောင်တီအစိုးရရှေ့နေချုပ် ဖန်နီဝီ လစ်ကိုလည်း ထရန့်က ငယ်ရွယ်ပြီး ရည်မှန်း ချက်ကြီးသည့် အစွန်းရောက်ဒီမိုကရက်သမား ဟု ခေါ်ဝေါ်ခဲ့သည်။
ယင်းအမှုကအလွန်ကြီးပြီး စွဲချက်တင် အရေးယူခံရပါက ကျူးလွန်သူသည် ထောင် ဒဏ်ကျခံရနိုင်သည်ဟု အမျိုးသမီးရှေ့နေချုပ် ဝီလစ်က ၀ါရှင်တန်ပို့စ်ကို ပြီးခဲ့သည့်လက ပြောသည်။
သမ္မတဟောင်းကို တိုက်ရိုက်စစ်ဆေးမှု များ ပြုလုပ်နေခြင်း ရှိ၊မရှိကို မသိရသော်လည်း သမ္မတဟောင်း၏မဟာမိတ်အချို့က စစ်ဆေး မှုတွင် ပါခဲ့ကြပြီးဖြစ်သည်။
Ref: BBC
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
