အစ္စရေး-ဟားမာ့စ် အပစ်အခတ်ရပ်စဲရေးကာလအတွင်း ဂါဇာကမ်းမြောင်ဒေသတွင်းသို့ လိုအပ်သောအကူအညီများ ပေးရန်အဆင်သင့်ဖြစ်နေသော်လည်း ထိုသို့ပြုလုပ်ရန် နယ်မြေအနှံ့ စနစ်တကျဝင်ရောက်ခွင့်လိုအပ်ကြောင်း ကမ္ဘာ့ကျန်းမာရေးအဖွဲ့(WHO)က ဇန်နဝါရီ ၁၉ ရက်တွင်ပြောကြားခဲ့သည်။
ဇန်နဝါရီ ၁၉ ရက်တွင် စတင်အကျုံးဝင်သော အပစ်အခတ်ရပ်စဲရေးမတိုင်မီ အစ္စရေးနှင့် ပါလက်စတိုင်းလက်နက်ကိုင်အဖွဲ့ကြား တစ်နှစ်ကျော်ကြာ ဖြစ်ပွားသည့် စစ်ပွဲကြောင့် ဂါဇာကမ်းမြောင်ဒေသ၏ ကျန်းမာရေးအခြေခံအဆောက်အအုံများစွာ ပျက်စီးခဲ့သည်။
WHO အကြီးအကဲ တက်ဒရိုအာဒါနွန် ဂီဘရီယေဆုက အပစ်အခတ်ရပ်စဲရေးကို ကြိုဆိုကြောင်း လူမှုမီဒီယာတွင် တင်ခဲ့ပြီး ယင်းသည် ပဋိပက္ခအတွင်း နေထိုင်ရှင်သန်နေရသော လူပေါင်းသန်းချီအတွက် ကောင်းမွန်သော မျှော်လင့်ချက်ကို ယူဆောင်လာလိမ့်မည်ဟု ပြောကြားခဲ့သည်။
သို့သော် ဂါဇာတွင် ကြီးမားသော ကျန်းမာရေးလိုအပ်ချက်များကို ဖြေရှင်းမှုနှင့် ကျန်းမာရေးစနစ် ပြန်လည်တည်ဆောက်မှုတို့သည် ရှုပ်ထွေးပြီး စိန်ခေါ်မှုရှိသော တာဝန်တစ်ရပ် ဖြစ်လာလိမ့်မည်ဖြစ်ကြောင်း တက်ဒရိုက ထပ်မံပြောကြားခဲ့သည်။
ကုလသမဂ္ဂ ကျန်းမာရေးအဖွဲ့အစည်းအနေဖြင့် ပါလက်စတိုင်းနယ်မြေ၏ အရေးပါသော လိုအပ်ချက်များကို ဖြေရှင်းဆောင်ရွက်ပေးရန် တုံ့ပြန်မှုများကို တိုးမြှင့်ဆောင်ရွက်ပေးရန် အဆင်သင့်ဖြစ်နေသော်လည်း လုပ်ငန်းဆောင်ရွက်မှုများကို အနှောင့်အယှက်ဖြစ်နေသော လုံခြုံရေးအဟန့်အတားများကို ဖယ်ရှားရန် အရေးကြီးကြောင်း ထုတ်ပြန်ချက်တွင်ဖော်ပြထားသည်။
"WHO အနေနဲ့ ဂါဇာတွင်းက လူတွေဆီရောက်ရှိနိုင်ဖို့ အဆင်ပြေတဲ့ မြေပြင်အခြေအနေတစ်ရပ်လိုအပ်ပါတယ်။ ဆိုလိုတာကတော့ နယ်စပ်တွေနဲ့ လမ်းကြောင်းတွေအားလုံးကနေ အကူအညီပေးမှာ ဖြစ်တဲ့အတွက် ဂါဇာထဲကို အရေးပါတဲ့အကူအညီတွေ ဝင်ရောက်ဖို့ ကန့်သတ်ချက်တွေကို ရုပ်သိမ်းပေးဖို့ လိုအပ်ပါတယ်" ဟု တက်ဒရိုကဆိုသည်။
အပစ်အခတ်ရပ်စဲရေးမတိုင်မီ အစ္စရေးသည် ဂါဇာတွင်းသို့ အကူအညီဝင်ရောက်မှုအလုံးစုံကို အပြည့်အ၀ ထိန်းချုပ်ထားခြင်းဖြစ်သည်။
■Ref :AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
