တူရကီ ငလျင်မတိုင်မီ အဗ္ဗဒူလာဆီနယ် သည် အန္တရာယ်ရှိသော သို့မဟုတ် ခက်ခဲ သောအခြေအနေများတွင် တည်တည်ငြိမ် ငြိမ်ရှိသည့် အထင်ကြီးလောက်သောစွမ်းရည် ရှိသူတစ်ဦးဖြစ်သည်။သို့သော် ယခုနေ့ရက် များတွင် အိမ်အတွင်း၌ နေထိုင်သော်လည်း စိတ်လှုပ်ရှား ကြောက်ရွံ့မှုကို ခံစားနေရပြီး ကောင်းကင်ပေါ်မှ ပျံသွားသည့် လေယာဉ်သံ ကိုပင် စိုးရိမ်နေမိသည်။
“ကျွန်တော် အရင်တုန်းက အကြောက် အလန့်မရှိတဲ့လူတစ်ယောက်ပါ။ဒါပေမဲ့အခုတော့ အသံလေးတစ်သံကတောင် ကျွန် တော့်ကို ရင်တုန်အောင် ခြောက်လှန့်နိုင်ပါ တယ်”ဟု အသက် ၅၇ နှစ်အရွယ်အလေးမ သမားဟောင်းတစ်ဦးဖြစ်သူဆီနယ်ကပြော ကြားခဲ့သည်။
“အရာရာတိုင်းက ငလျင်လှုပ်ခတ်တဲ့အ ချိန်ကို ပြန်ပြောင်းသတိရနေစေတယ်။လေ ယာဉ်တစ်စီးရဲ့ အသံတောင်မှပေါ့”ဟု၎င်းးက ပြောကြားခဲ့သည်။
လွန်ခဲ့သည့်လက ပြင်းအား ၇ ဒသမ ၈ ရှိ အင်အားပြင်ငလျင်ကြီးသည် မြို့အများအ ပြားကို လှုပ်ခတ်ခဲ့ပြီး တူရကီနိုင်ငံအရှေ့ တောင်ပိုင်းနှင့် ဆီးရီးယားရှိ နေရာအများအ ပြားမှ လူပေါင်း ၅၀၀၀၀ ကျော် သေဆုံးစေ ခဲ့သည်။
အပျက်အစီးတန်ကြေးတစ်ခု တည်းတွင် ပင် ဒေါ်လာ ၁၀၀ ဘီလျံ ကျော်ရှိ ပြီး ပြန်လည် ထူထောင်မှုကုန်ကျစရိတ်များအတွက် နောက်ထပ်ငွေကြေးအများအပြားလို အပ် သည် ဟု ထိပ်သီးကုလသမဂ္ဂတာဝန်ရှိသူတစ် ဦးက ပြောကြားခဲ့သည်။
ငလျင်ဗဟိုချက်အနီးရှိ တူရကီမြို့တစ် မြို့ဖြစ်သော ခါရာမန်မာရက်စ်မြို့တွင်အ သက်ရှင်ကျန်ရစ်သူများသည် စိတ်ဒဏ်ရာ၏ ခြောက်လန့်မှုအောက် နေထိုင်နေကြသည်။
“အခုဆိုရင် တစ်လတောင်ရှိပါပြီ။ဒါပေ မဲ့ ကျွန်တော့်အတွက် ဒါက မနေ့တစ်နေ့ကလို ပဲ ခံစားနေရတယ်”ဟု အဒမ်ဆီရင်းကလူ ပေါင်းရာချီသေဆုံးခဲ့သည့် အထက်မြင့်အ ဆောက်အအုံတွင် အပျက်အစီးများကိုဖယ် ရှားနေသည့် စက်ကိရိယာကြီးများကို ကြည့်ရှု လျက်ပြောကြားခဲ့သည်။
“ကျွန်တော်တို့တွေ ဒီတုန်လှုပ်ခြောက် ခြားမှုကို မကျော်လွှားနိုင်ပါဘူး။ ငလျင်လှုပ် ချိန်တုန်းက ကျွန်တော်အထက်မြင့်အဆောက် အအုံရဲ့ ၁၁ ထပ်မြောက်မှာရှိနေတာပါ”ဟု ဇနီးဖြစ်သူ ကိုယ်ဝန်ငါးလရှိနေပြီဖြစ်သည့်ဆီ ရင်းက ပြောကြားခဲ့သည်။
“အထပ်တိုင်းအထပ်တိုင်းက ငိုကြွေး နေပြီး အကူအညီအော်ဟစ်တောင်းခံသူတွေရဲ့ အသံကို အခုချိန်ထိ ကြားယောင်နေဆဲပါ။ဒီ နာကျင်မှုက ဘယ်တော့မှ ပျောက်သွားမှာမဟုတ်ဘူး”ဟု၎င်းကဆိုသည်။
လူပေါင်း ၁ ဒသမ ၁ သန်းရှိ ယင်းမြို့တွင် လက်ရှိအချိန်၌ နေရာတိုင်းတွင် အပျက်အစီး များကို ဖယ်ရှားရှင်းလင်းနေသည်။
တူရကီနိုင်ငံတစ်ဝန်းမှ ရောက်ရှိလာကြ သော အလုပ်သမားများသည် အပျက်အစီး များကို ရေဖြန်းကြပြီး အပျက်အစီးများတင် ဆောင်လာသည့် ကုန်တင်ယာဉ်များသည်မြို့ အပြင်ဘက်ရှိ ဖို့မြေတွင် သွားရောက်စွန့်ပစ် ရန် လမ်းတစ်လျှောက် သွားလာနေကြသည်။
ဖုန်လုံးကြီးများ
ရှင်းလင်းသည့်နေရာများမှ ထွက်ပေါ် လာသော ဖုန်မှုန့်ကြီးများသည် လေတိုက်၍ ကီလိုမီတာများစွာ အကွာမှမြင်ရသော မီးခိုး လုံးတိမ်တိုက်များ ဖြစ်ပေါ်စေပြီး တောင်များ ဝန်းရံထားသော ဒေသတွင်း မြင်နိုင်စွမ်းကို မှုန်ဝါးသွားစေသည်။
“နေ့စဉ် အပျက်အစီး တန် ၂၀၀ ကနေ ၂၅၀ အထိ ဖယ်ရှားနေပါတယ်။ပတ်ဝန်းကျင် ကို အနှောင့်အယှက်မဖြစ်အောင်နဲ့ ဖုန်တွေ မထအောင် ကျွန်တော်တို့တွေ ရေဖြန်းပေးပါ တယ်”ဟု အရှေ့ပိုင်းဆီဗက်စ်ပြည်နယ်ရှိသစ် တောဦးစီးဌာနမှ အီရန်ဂျန်က ပြောကြားခဲ့ သည်။
“ကျွန်တော်တို့တွေ အလောင်းတစ်စုံ တစ်ရာကို မတွေ့မိပါဘူး။ ဒါပေမဲ့မနေ့ကအ နံ့ဆိုးဆိုးကြီးတစ်ခု ရလိုက်တယ်။ဒီနေရာမှာ နောက်ထပ် ၁၀ ရက်လောက်ဆို ပြီးသွားလိမ့် မယ်လို့ ကျွန်တော်ထင်ပါတယ်”ဟု၎င်းင်းကဆို သည်။
လုပ်ငန်းဆောင်ရွက်သူများသည်အ ပျက်အစီးများကို ဖယ်ရှားချိန်တွင် တစ်ခါတစ် ရံ၌ တန်ဖိုးရှိသည့်ပစ္စည်းများကို တွေ့ရှိလေ့ ရှိသည်ဟု ဆိုသည်။
ပင်လယ်နက်ဒေသရှိ ရေလုပ်ငန်းအာဏာပိုင်အဖွဲ့မှ လီဗန့်တိုပယ်အမည်ရှိအမျိုး သားက ၎င်း၏အဖွဲ့သည် ဒေါ်လာများ၊ယူရို များ၊ရွှေနှင့် စာရွက်စာတမ်းအထောက်အထားများအပြည့်ပါဝင်သည့် မီးခံသေတ္တာတစ် လုံးကို တွေ့ရှိခဲ့သည်ဟု ပြောကြားခဲ့သည်။
“ကျွန်တော်တို့ ဒီပစ္စည်းတွေကို ဘယ် တော့မှမထိပါဘူး။ ဒီပစ္စည်းတွေကို ရဲတပ်ဖွဲ့ ထံ အပ်နှံပြီး ရဲတပ်ဖွဲ့က ပိုင်ရှင်ကို ရှာပေးပါ လိမ့်မယ်”ဟု ၎င်းင်းကဆိုသည်။
အန္တရာယ်ရှိပြီး ငလျင်လှုပ်ခတ်ပြီး နောက် နောက်ဆက်တွဲငလျင် ၁၁,၀၀၀ ကျော်လှုပ်ခတ်နေသော်လည်းအသက် ၅၄ နှစ်အရွယ်အမျိုးသားသည် စွန့်စားကာပစ္စည်း များကိုပြန်လည်ရယူနိုင်ရန်၎င်းင်း၏အဆောက် အအုံခုနစ်ထပ်သို့ တက်သွားခဲ့သည်။
“ဒါက အရမ်းစွန့်စားရတယ်ဆိုတာကျွန် တော်သိပါတယ်”ဟု ဗီလီအက်ဂေါ့ဇ်ကဝန်ခံ ပြောကြားခဲ့သည်။မတူညီသည့် ယာယီတဲငါး ခုတွင် နေထိုင်နေကြသည့် ၎င်းင်း၏မိသားစုဝင် ၁၃ ဦးသည် လက်ရှိတွင် ကျေးလက်နေအိမ် တစ်အိမ်သို့ ပြောင်းရွှေ့နေထိုင်ခဲ့ကြသည်။
ရွေးချယ်စရာမရှိ
ငလျင်ကြောင့် အိမ်ခြေရာမဲ့ဖြစ်သွား သည့် လူနှစ်သန်းနီးပါးသည် လက်ရှိတွင်ယာ ယီတဲများ၊ ကုန်သေတ္တာအိမ်များ၊ အပန်းဖြေ အိမ်များ သို့မဟုတ် အဆောင်များတွင်နေထိုင် နေကြရပြီး ယင်းသည်လူအများအပြား၏လို အပ်ချက်များနှင့် အလှမ်းဝေးကွာလျက်ရှိ သည်။အာဏာပိုင်များက သတိပေးချက်များ ထုတ်ပြန်ထားသော်လည်း အချို့လူများသည် ယာယီတဲများ မရှိတော့သောကြောင့်ပျက်စီး နေသောအိမ်များတွင် ညအချိန်အိပ်စက်ကြ ရသည်။
ငလျင်ဘေးမှအသက်ရှင်လွတ် မြောက် ကြသူများ သည် အကူအညီပေးသည့် ကုန် တင်ကားများထံမှ အစားအစာသို့မဟုတ် သောက်စရာများ ရရှိရန် တန်းစီနေကြသည့် မြို့၏အဓိကရင်ပြင်တွင် ၎င်းင်း၏အိမ်နီးချင်း များနှင့်အတူ ယာယီတဲတစ်ခုကိုအသည်း အသန်ရှာဖွေနေ သည့် ဆိုလ်မက်ဇ် တူဂါကာ က”ကျွန်တော်တို့ ကြောက်ပါတယ်။ဒါပေမဲ့ အခြားရွေးချယ်စ ရာမှမရှိတာ”ဟု ပြောကြား ခဲ့သည်။
ကလေးနှစ်ဦးနှင့် ဇနီးဖြစ်သူနှင့်အတူ ယာယီတဲများတွင်နေထိုင်သည့် အသက်၃၁ နှစ်အရွယ် လျှပ်စစ်ကျွမ်းကျင် အီဘရာဟင် ရောလာက “ရာသီဥတုက ကောင်းနေတော့ ကျွန်တော်တို့တွေ အဆင်ပြေပါတယ်။ဒါပေ မဲ့ မိုးရွာလာရင်တော့ ဘာဖြစ်မလဲမသိဘူး” ဟု ၎င်းင်း၏နှစ်လသားအရွယ်ကလေးကိုချီ လျက် ပြောကြားခဲ့သည်။
ငလျင်ဒဏ်သင့်ပြည်နယ်၁၁ ခုရှိ ယာယီ တဲများတွင် တစ်ကိုယ်ရည်သန့်ရှင်းမှု အား နည်းသည့်အခြေအနေကြောင့်အမျိုးသမီး များသည် လိင်အင်္ဂါပိုင်းဆိုင်ရာပြဿနာများ ရှိနေကြသည်ဟု ဒေါက်တာမယ်တမ်ဂမ်း ဘီဂီက ဆိုသည်။အသက် ၅၇ နှစ်အရွယ်ဂါဇီ လီ ဆမ်းမားက”တဲ တစ်လုံးမှာ လူခြောက် ယောက်ရှိပါတယ်။ကျွန်မတို့ဒီနေရာမှာပဲ ထိုင်တယ်၊စားတယ်၊ဒီနေရာမှာပဲ အိပ်ရ ပါ တယ်”ဟု၎င်းင်းက ပြော ကြားခဲ့သည်။
ငလျင်လှုပ်ခတ်ခဲ့ပြီးနောက် ဒေသအ ကြီးအကဲ ထွက်ပြေးခဲ့ချိန်တွင် ဆံပင်ညှပ် ဆရာ အရစ်ဖ်ဂူကီရန်သည် ၎င်းင်းတို့ရပ်ကွက် ၏အစားအစာအခက်အခဲကို သူ့နည်းသူ့ဟန် ဖြင့်ဖြေရှင်းပေးခဲ့သည်။
သူသည် ကလေးခါးတောင်ကျိုက်ပိတ် စများနှင့် ပဲများအပါအဝင် အစားအစာများ ကို အဆောက်အအုံရှိ အခန်းအများအပြား တွင် သိုလှောင်ခဲ့ပြီးလိုအပ်နေသူများကို လိုက်လံပို့ဆောင်ပေးနေသော်လည်း ချက် ပြုတ်သည့်အသုံးအဆောင်များပြတ်လပ်နေ သည်ဟု ပြောကြားခဲ့သည်။
“အခြားနေ့တွေတုန်းက ကျောက်မီး သွေးတွေတင်ဆောင်လာတဲ့ ယာဉ်တစ်စီး တောင်အောက်ကို ဆင်းလာပါတယ်။ကျွန် တော်သွားမယူခင် ဒေသခံတွေက အိတ်အ များအပြားကို သယ်သွားကြပါတယ်”ဟု၎င်းင်း က ပြောကြားခဲ့သည်။
Ref: AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
