UFC လိုက်ဝိတ်တန်းချန်ပီယံ ရုရှား MMA ကစားသမား မာခါချက်ဗ်က အနားမယူမီ ၀ိတ်တန်းသုံးခုချန်ပီယံဖြစ်ရန် မျှော်မှန်းထားကြောင်း ကြုံးဝါးပြောဆိုခဲ့သည်။
မာခါချက်ဗ် (၃၃ နှစ်) သည် UFC 311 ပြိုင်ပွဲတွင် ဘရာဇီးကစားသမား မွိုင်ကာနိုကို ပထမအချီမှာပင် လည်ပင်းချုပ်ကွက်ဖြင့် အနိုင်ယူကာ လိုက်ဝိတ်တန်းချန်ပီယံခါးပတ်ကို လေးကြိမ်မြောက် ကာကွယ်နိုင်ခဲ့သည်။
၎င်းသည် ၂၀၂၂ ခုနှစ် အောက်တိုဘာတွင် လစ်လပ်နေသည့် လိုက်ဝိတ်တန်းချန်ပီယံခါးပတ်ကို စတင်ရယူနိုင်ခဲ့ပြီး ချန်ပီယံကာကွယ်ပွဲ လေးပွဲဆက်တိုက် အနိုင်ရထားရာ ခါဘိနာမာဂိုမီဒေါ့ဗ် (မာခါချက်ဗ်၏နည်းပြ)၊ ဘီဂျေပန်း၊ ဘန်ဆန်ဟန်ဒါဆန် (သုံးကြိမ်စီ) တို့ကိုကျော်ဖြတ်၍ စံချိန်သစ်ခဲ့သည်။
''ဘယ်တော့ဖြစ်လာမလဲဆိုတာတော့ ကျွန်တော်မသိပါဘူး။ ဒါပေမဲ့ ဒုတိယမြောက် ခါးပတ်မရဘဲနဲ့တော့ ဒီအားကစားနည်းကို ကျွန်တော်စွန့်လွှတ်မှာ မဟုတ်ပါဘူး။ အခုအချိန်မှာ ကျွန်တော့်ရည်မှန်းချက်က ခါးပတ်နှစ်ခုချန်ပီယံဖြစ်ဖို့ပါ။ အဲဒါက လာမယ့်ပွဲလား၊ ဘယ်တော့လဲဆိုတာ ကျွန်တော်မသိပါဘူး။ ကျွန်တော်ကတော့ တိုက်ခိုက်နေတုန်း၊ အနိုင်ယူနေတုန်းပါပဲ။ ကျွန်တော့်ခါးပတ်ကိုလည်း ကာကွယ်သွားမှာပါ။ ကျွန်တော့်ကို အခွင့်အရေးပေးတဲ့အချိန်ကျရင် ခါးပတ်နှစ်ခုချန်ပီယံဖြစ်လာမှာပါ။ ကျွန်တော်က ၀ိတ်တန်းသုံးခုမှာလည်း ချန်ပီယံဖြစ်နိုင်ပါတယ်။ ကျွန်တော့်ကို အခွင့်အရေးသာပေးလိုက်ပါ'' ဟု မာခါချက်ဗ်က ပြောကြားသည်။
၎င်းအနေဖြင့် ဖယ်သာဝိတ်နှင့် မစ်ဒယ်ဝိတ်တန်းတွင် ထိုးသတ်ရန် ပစ်မှတ်ထားနေခြင်းဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
