မင်္ဂလာစျေး၊ ယုဇနပလာဇာရှိ ဆိုင်ခန်းများအားလုံး မေ ၁၆ ရက်တွင် ပြန်လည်ဖွင့်လှစ်မည် ဖြစ်ကြောင်း မင်္ဂလာတောင်ညွန့်မြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောကြားသည်။
“ကျွန်တော်တို့က ရောဂါကူးစက်မှာစိုးတဲ့ အတွက်လည်း သတိဝီရိယထားပြီး စောင့်ကြည့်နေရတယ်။ ဒီအချိန်က အရေးကြီးတဲ့ကာလ တစ်ခုလည်း ဖြစ်တယ်။ တစ်ဖက်မှာလည်း စျေးရောင်းတဲ့ ပြည်သူတွေ အခက်အခဲ မဖြစ်အောင်လို့ စျေးကိုပြန်ဖွင့်ဖို့ အတွက်ကို ဆောင်ရွက်ရပါတယ်။ ဒီလိုဆောင်ရွက်တဲ့ အခါမှာလည်း တော်တော်ကို ကျွန်တော်တို့ စိုးရိမ်စိတ်နဲ့ ဆောင်ရွက်ရတာ ဖြစ်ပါတယ်။ စျေးသူစျေးသားတွေ အနေနဲ့လည်း စျေးပြန်ရောင်းနိုင်ဖို့ စီးပွားရေး ပြေလည်ဖို့ တစ်ဖက်မှာလည်း ရောဂါကူးစက်မှုကို ထိန်းချုပ်နိုင်ဖို့ ကျွန်တော်တို့ သတ်မှတ်ထားတဲ့ စည်းကမ်းတွေအတိုင်း လိုက်နာဆောင်ရွက်ပေးဖို့ လိုအပ်ပါတယ်။ ဒီလိုဝိုင်းဝန်း ပူးပေါင်းပေးမှပဲ ကျွန်တော်တို့ လုပ်ငန်းတွေကို အဆင်ပြေပြေ ချောချောမွေ့မွေ ့လုပ်ဆောင်သွားနိုင်မှာ ဖြစ်ပါတယ်” ဟု မင်္ဂလာတောင်ညွန့်မြို့နယ် မဲဆန္ဒနယ် အမှတ်(၁) တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောကြားသည်။
ထိုသို့ ပြန်လည်ဖွင့်လှစ်နိုင်ရန်အတွက် စျေးများဌာန တောင်ပိုင်းခရိုင်မှူး၊ စျေးလေး စျေးတာဝန်ခံများ၊ စျေးသာယာရေးများနှင့် တိုင်းဒေသကြီး လွှတ်တော်ကိုယ်စားလှယ် ဦးလှဌေးတို့မှ မေ ၁၃ ရက်တွင် တွေ့ဆုံဆွေးနွေးခဲ့ကြရာ အချက် (၁၁) ချက်ဖြင့် အထက်ပါအတိုင်း ဆုံးဖြတ်ခဲ့ခြင်းဖြစ်သည်။
ဆိုင်ခန်းများအားလုံး ပြန်လည်ဖွင့်လှစ်ရန် ဆုံးဖြတ်ခဲ့သည့် အချက်(၁၁)ချက်တွင် စျေးဖွင့်ချိန်ကို နံနက် ၈ နာရီမှ ညနေ ၄ နာရီ ဟု ပြင်ဆင်သတ်မှတ်ခြင်း၊ ဆိုင်တစ်ဆိုင်တွင် ဆိုင်ရှင်တစ်ဦး ဝန်ထမ်းနှစ်ဦးခန့်သာ ထားရှိရန်၊ Mask တပ်ဆင်ရန်၊ စက်လှေကားကိုသာ အသုံးပြုရန်၊ ဆိုင်တိုင်းတွင် Hand Gel ဘူးများ ထားရှိပေးရန်၊ လူစုလူဝေး မဖြစ်စေရန် ရှောင်ကြဉ်ဖို့နှင့် ကုန်တင်ကုန်ချများကို သတ်မှတ်ထားသော နေရာများတွင်သာ ပြုလုပ်ရန်တို့ ပါရှိသည်။
အဆိုပါ အချက်အလက်များကို လိုက်နာဆောင်ရွက်ခြင်း မရှိပါက ဆိုင်ဖွင့်ခွင့် ယာယီပိတ်သိမ်းသွားမည် ဖြစ်ကြောင်း မင်္ဂလာတောင်ညွန့်မြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောကြားသည်။
“ကျွန်တော်တို့ မနေ့က စျေးသာယာရေး အဖွဲ့တွေနဲ့ စုပေါင်းဆွေးနွေးပြီးတော့ စည်းကမ်းချက် ၁၁ ချက်ကို ရေးဆွဲထားတာ ရှိပါတယ်။ အဲဒီစည်းကမ်းချက် ၁၁ ချက်ကို လိုက်နာဆောင်ရွက်ရမယ်။ အဲဒီစည်းကမ်း ချက်တွေကို လိုက်နာဆောင်ရွက်ခြင်း မရှိရင် မလိုက်နာတဲ့ ဆိုင်တွေကို ရောဂါကာလတွေမှာ ယာယီပိတ်သိမ်း သွားပါမယ်” ဟု ဦးလှဌေးက ဆိုသည်။
မင်္ဂလာတောင်ညွန့်မြို့နယ်ရှိ စျေးဝယ်စင်တာများကို ယာယီပိတ်သိမ်းရန် မြို့နယ်စီမံခန့်ခွဲမှု ကော်မတီက မတ် ၃၁ ရက်မှ စတင်၍ ညွှန်ကြားထားခြင်းဖြစ်သည်။ ယခင်က အဆိုပါ စျေးဝယ်စင်တာများတွင် ဆေးဆိုင်နှင့် အခြေခံ စားသောက်ကုန် အနည်းငယ်သာ ဖွင့်လှစ်ထားရှိခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
