တပ်မတော်ကာကွယ်ရေးဦးစီးချုပ်အား မဖွယ်မရာရေးသားဖော်ပြခြင်းအပါအဝင် ၆၆(ဃ) ဖြင့် စွဲချက်တင်ခံထားရသော ပန်ဆယ်လို ရုံးချိန်းမလာသဖြင့် လာမည့်ရုံးချိန်းတွင် စတင်စစ်ဆေးသွားမည်ဖြစ်ကြောင်း တရားလိုဘက်မှ တရားလွှတ်တော်ရှေ့နေ ဒေါ်ခင်ခင်ဌေးက ပြောကြားသည်။
မေ ၁၄ ရက် ရုံးချိန်းတွင် စွပ်စွဲခံရသူ ပန်ဆယ်လိုမှာ ရုံးချိန်းသို့ လာရောက်ခြင်းမရှိဘဲ ၎င်း၏ရှေ့နေရောက်လာပြီး ရုံးချိန်းယူကာ မေ ၂၇ ရက်ရုံးချိန်းတွင် မပျက်မကွက် စစ်ဆေးခံမည်ဖြစ်ကြောင်း တရားလွှတ်တော်ရှေ့နေ ဒေါ်ခင်ခင်ဌေးက ပြောကြားသည်။
“ကျွန်မတို့ စွပ်စွဲခံရသူ ပန်ဆယ်လိုကို စစ်ဖို့ ချိန်းတာ ဒါသုံးချိန်းမြောက်ပေါ့။ ဒီနေ့မှာတော့ စွပ်စွဲခံရသူ ပန်ဆယ်လိုတော့ မလာဘူး။ သူ့ရှေ့နေရောက်လာပါတယ်။ နောက်တစ်ချိန်းမှာ မဖြစ်မနေ စစ်ပါ့မယ်ဆိုပြီး ရုံးချိန်းပြန်ယူသွားတယ်။ ကျွန်မတို့ဘက်ကလည်း စွပ်စွဲခံရသူရှေ့နေနဲ့ ညှိပြီးတော့ သူတို့အမှန်တကယ် စစ်ဆေးခံနိုင်မယ့် ရုံးချိန်းကို ယူလိုက်တော့ မေ ၂၇ ရက်ပေါ့။ အဲဒီနေ့မှာတော့ စွပ်စွဲခံရသူဘက်က မဖြစ်မနေ အစစ်ခံပါ့မယ်လို့ ရှေ့နေက အဲဒီလိုရုံးချိန်းယူသွားပါတယ်” ဟု တရားလိုဘက်မှ တရားလွှတ်တော်ရှေ့နေ ဒေါ်ခင်ခင်ဌေးက ပြောကြားသည်။
ယင်းအမှုနှင့်ပတ်သက်၍ တရားလိုပြ သက်သေရှစ်ဦးကို တရားစွဲအဖွဲ့က တင်ပြခဲ့ပြီး တရားရုံးကသုံးဦးကို စစ်ဆေးခဲ့ရာ စစ်ဆေးပေါ်ပေါက်သဖြင့် စွဲချက်တင်ခဲ့ခြင်းဖြစ်ကြောင်း သိရသည်။
အမှုအားမတ် ၁၂ ရက်တွင် စွဲချက်တင်ပြီးနောက် အမှုစစ်ဆေးခြင်းအား မြန်ဆန်စေရန် CMP စနစ်ဖြင့် ဆောင်ရွက်ရန် အစည်းအဝေးပြုလုပ်ခဲ့ကြောင်း တရားလွှတ်တော်ရှေ့နေ ဒေါ်ခင်ခင်ဌေးက ဆက်လက်ပြောကြားသည်။
“CMP ဆိုတာက ဘယ်နေ့မှာစွပ်စွဲခံရ သူကိုစစ်မယ်။ ဘယ်နေ့မှာ သက်သေတွေကို စစ်မယ်။ ဘယ်နေ့လျှောက်လဲပေးမယ်။ ဘယ်နေ့အမိန့်ချမယ်ပေါ့။ CMP လုပ်တာ မတ် ၂၀ ရက်က လုပ်တယ်။ ပထမဆုံးစွပ်စွဲခံရသူ ပန်ဆယ်လိုကို စစ်ဖို့ချိန်းတဲ့ရုံးချိန်းကဧပြီ ၂ ရက် နဲ့ ၂၂ ရက်မှာ စွပ်စွဲခံရသူမလာဘူး။ COVID ကာလလည်း ဖြစ်နေတာ့မလာဘူး။ ကျွန်မတို့က ရုံးချိန်းတိုင်းလာပါတယ်။ ကျွန်မတို့ တရားလိုဘက်က ရွှေ့ဆိုင်းတာ၊ တရားလိုပြသက်သေ ပျက်ကွက်လို့ ရုံးချိန်းထပ်ယူရတာ မရှိပါဘူး” ဟု တရားလွှတ်တော်ရှေ့နေ ဒေါ်ခင်ခင်ဌေးက ပြောကြားသည်။
အိမ့်ပိုးဥ(ခ) ပန်ဆယ်လို အကောင့်ပိုင်ရှင်သည် ၎င်း၏လူမှုကွန်ရက်စာမျက်နှာတွင် မင်္ဂလာဒုံမြို့နယ် ထောက်ကြန့်၌ ရိုက်နှက်ခံရသော ဘုန်းကြီးကိစ္စနှင့်ပတ်သက်၍ ဘာသာသာသနာ ညှိုးနွမ်းစေသည့် အသုံးအနှုန်းများကို ရေးသားပြောဆိုခဲ့ခြင်း၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ပတ်သက်၍ မဖွယ်မရာ ရေးသားဖော်ပြမှု၊ ဆရာတော်ဦးဝီရသူအား ပုတ်ခတ်ပြောဆို ရေးသားခြင်းတို့ကြောင့် တာမွေရဲစခန်းတွင် အမှုဖွင့်တိုင်တန်းခဲ့ခြင်းဖြစ်ကြောင်း ၂၀၁၇ ခုနှစ် ဒီဇင်ဘာ ၁၆ ရက်တွင် တရားလိုဦးမောင်မောင်တာက သတင်းစာရှင်းလင်းပွဲတွင် ပြောကြားခဲ့သည်။
အိမ့်ပိုးဥ (ခ) ပန်ဆယ်လိုအကောင့်ပိုင်ရှင်အား ဦးမောင်မောင်တာက ၂၀၁၇ ခုနှစ် ဒီဇင်ဘာ ၁၇ ရက်တွင် တာမွေမြို့မရဲစခန်းတွင် တိုင်တန်းခဲ့ခြင်းဖြစ်ပြီး ရဲစခန်းက ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်၍ ရဲလုပ်ထုံးလုပ်နည်းအတိုင်း စစ်ဆေးခဲ့ကာ ၂၀၁၈ ခုနှစ် ဇူလိုင် ၁၇ ရက်တွင် တာမွေမြို့ နယ်တရားရုံးတွင် တရားစွဲဆိုခဲ့ခြင်းဖြစ်ကြောင်း သိရသည်။
အောင်မျိုးသန့်
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
