မြန်မာတပ်မတော်နှင့် မြန်မာအမျိုးသား ဒီမိုကရက်တစ်မဟာမိတ်တပ်မတော်(MNDAA)တို့က ဇန်နဝါရီ ၁၈ ရက်တွင် စတင်သည့် အပစ်အခတ်ရပ်စဲရေးတရားဝင် သဘောတူညီချက်ကို လက်မှတ်ရေးထိုးခဲ့သည်ဟု တရုတ်နိုင်ငံခြားရေးဝန်ကြီးဌာနက ပြောကြားခဲ့ရာ ယင်းသဘောတူညီချက်ကြောင့် မြန်မာနှင့်တရုတ်နယ်စပ်အနီး၌ တိုက်ပွဲများ ရပ်သွားပြီဖြစ်သည်။
နှစ်ဘက်စလုံးက တရုတ်အနောက်တောင်ပိုင်း ကူမင်းမြို့တွင် ဆွေးနွေးခဲ့ကြသည်ဟု ဇန်နဝါရီ ၂၀ ရက် ပုံမှန်သတင်းစာရှင်းလင်းပွဲတွင် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်းက ပြောကြားခဲ့သည်။
ငြိမ်းချမ်းရေးကို မြှင့်တင်ရန်၊ တရုတ်နိုင်ငံ၏ကြိုးပမ်းဆောင်ရွက်မှုများကို နှစ်ဘက်စလုံးက ကျေးဇူးတင်သည်ဟု ပြောကြားခဲ့ကြောင်း မော်နင်းက ပြောကြားခဲ့သည်။
"မြန်မာနိုင်ငံမြောက်ပိုင်းမှာ အခြေအနေအေးဆေးသွားတာဟာ မြန်မာနိုင်ငံက သက်ဆိုင်ရာအဖွဲ့အစည်းအားလုံးနဲ့ဒေသတွင်း နိုင်ငံအားလုံးတို့ရဲ့ ဘုံအကျိုးစီးပွားဖြစ်ပါတယ်။ မြန်မာနဲ့တရုတ်နယ်စပ်ဒေသမှာ လုံခြုံရေး၊ တည်ငြိမ်ရေး၊ နယ်စပ်ဒေသဖွံ့ဖြိုး ရေးတို့ကို အထောက်အပံ့ပေးပါတယ်" ဟု ၎င်းက ပြောကြားခဲ့သည်။
တရုတ်နိုင်ငံက မြန်မာနိုင်ငံမြောက်ပိုင်း တွင် ငြိမ်းချမ်းရေးနှင့် အပြန်အလှန်ဆွေးနွေးရေးတို့ကို တက်ကြွစွာ ဆက်လက်မြှင့်တင်သွားမည်ဖြစ်ပြီး ငြိမ်းချမ်းရေးလုပ်ငန်းစဉ်ကို ထောက်ပံ့ကူညီမှုများ ဆက်လက်ပေးသွား မည်ဟု မော်နင်းက ပြောကြားခဲ့သည်။ MNDAA သည် ၎င်းတို့၏နယ်မြေဟုဆိုသည့် နယ်မြေထဲမှ တပ်မတော်ကို တိုက်ခိုက်နေသော တိုင်းရင်းသားလူနည်းစု လက်နက်ကိုင်အဖွဲ့တချို့ထဲက တစ်ဖွဲ့ဖြစ်သည်။
MNDAA သည် TNLA ၊AA တို့ နှင့်အတူ ညီနောင်သုံးဖော်ဟုခေါ်သည့် မဟာမိတ်အဖွဲ့တွင် ပါဝင်သော လက်နက်ကိုင်အဖွဲ့ များဖြစ်သည်။ ညီနောင်သုံးဖော်သည် ၂၀၂၃ ခုနှစ် အောက်တိုဘာလကုန်ပိုင်းတွင် တပ်မ တော်ကို ထိုးစစ်ဆင်ကာ တရုတ်နယ်စပ်အနီးရှိ နယ်မြေများကို သိမ်းပိုက်ခဲ့သည်။ တရုတ်သည် ၂၀၂၄ ခုနှစ် ဇန်နဝါရီလတွင် မြောက်ပိုင်းနယ်စပ်ဒေသများ၌ အပစ်အခတ်ရပ်စဲရေးကို ယခင်က ကြားဝင်ဆောင်ရွက်ပေးခဲ့သည်ဆိုသော်လည်း လအနည်းငယ်အကြာတွင် အပစ်အခတ်ရပ်စဲရေး ပျက်ပြားခဲ့သည်။ MNDAA အနေဖြင့် တရုတ်နယ်စပ်အနီးရှိ တပ်မတော်စခန်းကြီးတစ်ခုကို ထိန်းချုပ်ခဲ့သည်ဟု လွန်ခဲ့သော ဇူလိုင်လတွင် ပြောကြားခဲ့သည်။
■Ref; Reuters
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
