Top News

အစ္စလာမ္မစ်ပြက္ခဒိန်တွင် အထွတ်အမြတ်အထားဆုံးကာလအတွင်း ကိုရိုနာဗိုင်း ရပ်စ်ကူးစက်ပျံ့နှံ့မှုများအား ထိန်းချုပ်ရန် ကြိုးပမ်းမှုအဖြစ် အင်ဒိုနီးရှားက လေကြောင်း နှင့်ရေကြောင်း ခရီးသွားလာမှုအားလုံးကို ဇွန်အထိ ပိတ်ပင်သွားမည်ဖြစ်ကြောင်း တာဝန်ရှိသူများက ဧပြီ ၂၃ တွင် ပြောကြားခဲ့သည်။

ထိုယာယီပိတ်ပင်မှုသည် မွတ်စလင် အများစုနေထိုင်သော အင်ဒိုနီးရှားအတွက် ရာမာဒန် ဥပုသ်လ၏ ပထမဆုံးနေ့ဖြစ်သည့် ဧပြီ ၂၄ တွင် စတင်သက်ဝင်မည်ဖြစ်ပြီး ဇွန် ၁ အထိ အကျုံးဝင်မည်ဖြစ်ကြောင်း ထိုတာ ဝန်ရှိသူများက ပြောကြားခဲ့ကြသည်။

လူသန်းနှင့်ချီက ၎င်းင်းတို့၏နေရပ်များ နှင့် ဘိုးဘွားများ၏ ကျေးရွာများသို့ ခရီးသွား လာကြသည့် ရာမာဒန်ကာလ၏ အဆုံးသတ် ဖြစ်သော အားလပ်ရက် Eid al - fitr အတွက် နှစ်စဉ် လူများ အစုလိုက်အပြုံလိုက် သွားလာမှုအတွင်း အုံလိုက် ကျင်းလိုက် ဗိုင်း ရပ်စ် ကူးစက်မှုများ ဖြစ်ပွားမည်ကို စိုးရိမ် လျက် အင်ဒိုနီးရှားအစိုးရက ထိုခရီးသွားလာ မှုများအား ပိတ်ပင်ခဲ့ပြီးနောက် တစ်ရက် အကြာတွင် ထိုလေကြောင်းနှင့် ရေကြောင်း ဖြင့် ခရီးသွားလာမှုများအား ပိတ်ပင်မှု ထွက် ပေါ်လာခဲ့သည်။

ထိုနောက်ဆုံး ပိတ်ပင်မှုသည် အရေး ပေါ်အခြေအနေ၊ သံတမန်ရေး သို့မဟုတ် ကုန်စည်ပို့ဆောင်မှုများကိုမူ အကျုံးမဝင် ကြောင်း အစိုးရက ထုတ်ပြန်ခဲ့သည်။

ပြည်ပတွင် နေထိုင်သော အင်ဒိုနီးရှား နိုင်ငံသားများအား နေရပ်သို့ပြန်လည်ခေါ်ယူ မှုနှင့် အင်ဒိုနီးရှားတွင် နေထိုင်သည့် နိုင်ငံ ခြားသားများအား ၎င်းတို့၏နိုင်ငံများသို့ ပြန် ပို့မှုသည်လည်း ခြွင်းချက်ဖြင့် ခွင့်ပြုထားမည် ဖြစ်သည်။

ယခုပိတ်ပင်မှုသည် ပြည်တွင်းနှင့်နိုင်ငံ တကာ စီးပွားဖြစ်လေကြောင်းခရီးသွားလာ မှု နှစ်ခုစလုံးကို အကျုံးဝင်ကြောင်း၊ သို့သော် ခြွင်းချက်အချို့လည်း ရှိကြောင်း သယ်ယူပို့ ဆောင်ရေးဝန်ကြီးဌာန၏ ပြောခွင့်ရပုဂ္ဂိုလ် အဒီတာအီရာဝါတီက ပြောကြားခဲ့သည်။

ခရီးသွားလာမှုစျေးကွက် ကျဆင်းနေ ချိန်တွင် အင်ဒိုနီးရှား၏အကြီးဆုံးလေကြောင်း လိုင်းများဖြစ်သော Garuda နှင့် Lion Air တို့က ၎င်းတို့၏စီးပွားဖြစ် ပျံသန်းသည့်ခရီး စဉ်များအား လျှော့ချထားပြီးဖြစ်သည်။

သို့သော် ရေလမ်းဖြင့် ခရီးသွားလာမှု ကို ပိတ်ပင်မှုသည် ကူးတို့များဖြင့် သွားလာမှု က အဓိက သယ်ယူပို့ဆောင်မှုပုံစံဖြစ်နေ သော ကျွန်းစုပေါင်း ၁၇၀၀၀ ခန့်ရှိ အင်ဒိုနီး ရှားတွင် လူသန်းပေါင်းများစွာ၏ သွားလာမှု ကို အဟန့်အတားဖြစ်စေနိုင်သည်။

မြို့တော်ဂျကာတာအပါအဝင် အဓိက မြို့ကြီးများမှ ဒေသခံများသည် နေအိမ်ထဲ တွင်သာ နေကြရန် အစိုးရက နှိုးဆော်ထား ပြီးဖြစ်သည်။

အင်ဒိုနီးရှားတွင် ဧပြီ ၂၃ အထိ ဗိုင်းရပ်စ် ကူးစက်ခံရသူ ၇၇၇၅ ဦးနှင့် သေဆုံးသူ ၆၄၇ ဦး ရှိနေသည်။ သို့သော် ကမ္ဘာတွင် ဗိုင်းရပ်စ် အတွက် စစ်ဆေးမှု အလွန်အမင်းနည်းပါး သည့်နိုင်ငံများ၌ ပါဝင်ခြင်းကြောင့် အမှန် တကယ် ကူးစက်မှုနှင့် သေဆုံးမှုသည် ယင်း ထက် များပြားနိုင်သည်။