Top News

ကိုရိုနာဗိုင်းရပ်စ်ပိုးအသစ်ကြောင့် ဧပြီ ၂၆ ရက်၌ ကမ္ဘာတစ်ဝန်း သေဆုံးသူစုစု ပေါင်း ၂၀၀,၀၀၀ ကျော်သွားစဉ် ကမ္ဘာ့ကျန်း မာရေးအဖွဲ့ (WHO)  က ပြန်လည်နာလန် ထလာသည့် လူနာများအတွက် “ရောဂါပြီး ကြောင်းလက်မှတ်” (Immunity Passport) နှင့်ပတ်သက်၍ သတိပေးလိုက်သည်။

နိုင်ငံများအနေဖြင့် ၎င်းတို့၏ စီးပွားရေးကို ပြန် လည်ဖွင့်လှစ်ရန် ပြင်ဆင်နေချိန်၌ ယင်းရောဂါပြီးသူများကို ဖြစ်နိုင်ဖွယ် လက်နက်ကိရိယာအဖြစ် ရှုမြင်နေကြသောကြောင့် ယင်း ကဲ့သို့ သတိပေးလိုက်ခြင်းဖြစ်သည်။

WHO က ယင်းကဲ့သို့  Passport ထုတ်ပေးခြင်း (နာလန်ထလာသူများကို ရောဂါပြီးကြောင်း သတ်မှတ်ခြင်း) ကို ဆန့်ကျင်ရခြင်း မှာ နာလန်ထလာသူများအနေဖြင့်လည်း ရောဂါပြန်မဖြစ်ဟု မပြောနိုင်သောကြောင့် ဖြစ်သည်။

“အခုလက်ရှိမှာ COVID-19 ကနေ ပြန်လည်ကျန်းမာလာပြီး ပဋိပစ္စည်း (Anti Body) ရသွားသူတွေအနေနဲ့ ဒုတိယအကြိမ် ရောဂါကူးစက်ခံရမှုကနေ ကာကွယ်နိုင် တယ်ဆိုတဲ့ သက်သေအထောက်အထား မရှိပါဘူး” ဟု WHO က ထုတ်ပြန်ချက်တစ်ရပ်တွင် ပြောကြားထားသည်။

ယခုလောလောဆယ်ဆယ်တွင် ကမ္ဘာတစ်လွှားမှ သန်းပေါင်း ရာနှင့်ချီသော မွတ်စလင်များသည် ရာမာဒန်ဥပုသ်လ၏ ဒုတိယမြောက်နေ့ကို ဗလီပြင်ပတွင် ဖြတ်သန်းနေရပြီး Social Distancing မူဝါဒကြောင့် ဥပုသ်ထွက်ချိန်၌ မိသားစု စားပွဲသောက်ပွဲ ကြီးများကို ရှောင်ကြဉ်နေရသည်။

သြစတြေးလျနှင့် နယူးဇီလန်နိုင်ငံသား များသည်လည်း ကျဆုံးစစ်သားများကို ဂုဏ် ပြုရန်အတွက် ပုံမှန်စစ်ရေးပြနှင့် လူထုအ ခမ်းအနားများ မပါဘဲ Anzac Day အထိမ်းအမှတ်ကို ပြုလုပ်ခဲ့ရသည်။

Social Distancing မူဝါဒအောက်တွင် လူအများသည် မိမိတို့၏ နေအိမ်များရှေ့တွင်သာ ကျဆုံးစစ်သားများကို အလေးပြုခဲ့ကြရသည်။

သီရိလင်္ကာမှသည် ဘယ်လ်ဂျီယံနှင့် အမေရိကအထိ တစ်စိတ်တစ်ပိုင်း ပြန်ဖွင့်ရန်ဆီ ဦးတည်နေကြပြီး COVID-19 ကူး စက်ပျံ့နှံ့မှုကြောင့် ကမ္ဘာ့လူဦးရေ၏ ထက်ဝက်ခန့် သည် Lockdown သို့မဟုတ် ကန့် သတ်ထိန်းချုပ်မှု ပုံသဏ္ဌာန်တစ်ရပ်ရပ် အောက်၌ နေထိုင်နေရဆဲဖြစ်သည်။

ကမ္ဘာပေါ်တွင် စုစုပေါင်း ရောဂါကူး စက်ခံရသူအရေအတွက်သည် ၂.၈၆ သန်း ရှိလာပြီး သေဆုံးသူအရေအတွက်သည် လည်း ၂၀၀,၀၀၀ ကျော်လာကာ ဧပြီ ၁၀ ရက်ကထက် နှစ်ဆတက်၍ လာသည်။

ဥရောပတိုက်သည် အပြင်းထန်ဆုံး ခံရသည့် နေရာဖြစ်ပြီး သေဆုံးသူအရေအ တွက် ၁၂၂,၁၇၁ ဦးဖြစ်ရာ အီတလီသည် ၂၆,၃၈၄ ဦးဖြင့် ဥရောပ၌ သေဆုံးသူ အများဆုံးဖြစ်သည်။

ကုမ္ပဏီများနှင့် အစိုးရအဖွဲ့များ ယခု ဗိုင်းရပ်စ်ပိုးအတွက် ကုထုံးဖြစ်စေ၊ ကာ ကွယ်ဆေးဖြစ်စေ ရရှိရန် အပြိုင်ကြိုးပမ်း နေမှုများကို ကမ္ဘာကြီးက စောင့်ဆိုင်းနေရ ဆဲဖြစ်သည်။

ဗိုင်းရပ်စ်ပိုး ပေါ့စတစ်ဖြစ်ပြီး အသက်  မသေသူများသည်လည်း ရောဂါပိုး ပြန် လည်ကူးစက်မခံရဟု အသေအချာ မပြော နိုင်ကြောင်း WHO က ဧပြီ ၂၅ ရက်တွင် သတိပေးခဲ့ခြင်း ဖြစ်သည်။

အချို့အစိုးရအဖွဲ့များက စီးပွားရေး ရပ်တန့်ထားရသည်မှာ သီတင်းပတ်အတန် ကြာပြီးနောက် လူများကို အလုပ်ပြန်ဝင်နိုင် စေမည့် ခြေလှမ်းတစ်ရပ်အဖြစ် ရောဂါမှ ပြန်လည်နာလန်ထလာပြီးသူများကို Immunity Passport များ ပေးရန်ကဲ့သို့ နည်းလမ်းများကို သုံးသပ်နေကြချိန်၌ ယခု ကဲ့သို့ WHO ၏ သတိပေးချက် ထွက်ပေါ်လာခြင်း ဖြစ်ကြောင်း သိရသည်။