Top News

အိန္ဒိယတွင် တစ်လကျော်ကြာ ကာဖျူးထုတ်ပြန်ခဲ့သော်လည်း COVID- 19 ကူးစက်မှုအရေအတွက်သည် တဖြည်းဖြည်း မြင့်တက်လာနေသောကြောင့် နိုင်ငံတစ်ဝန်းချမှတ်ထားသော Lockdown  စီမံချက်များအား တင်းတင်းကျပ်ကျပ် လိုက်နာရန်နှင့် လူအချင်းချင်း ခွာခွာကင်းကင်းနေရန် စံများကို ထိန်းသိမ်းကြရန် ဝန်ကြီးချုပ် နရင်ဒရာမိုဒီက နိုင်ငံသားများအား ဧပြီ ၂၆ တွင် မေတ္တာ ရပ်ခံခဲ့သည်။

အိန္ဒိယသည် စစ်ပွဲကာလထဲရောက်နေပြီး ပြည်သူသန်းရာပေါင်းများစွာသည် လူအားဖြင့် ဗိုင်းရပ်စ်တိုက်ဖျက်မှုကို ထိန်းထားရန် တိုက်တွန်းလိုကြောင်းနှင့် ဗိုင်းရပ်စ်ပျံ့နှံ့မှုအား အပြည့်အဝ ထိန်းချုပ်ထားနိုင်ပြီဟု လှည့်စားမှုကို မယုံကြည်ကြရန် တိုက်တွန်းလိုကြောင်း မိုဒီက ရေဒီယိုမိန့်ခွန်းတွင် ပြောကြားခဲ့သည်။

မိမိတို့သည် ယုံကြည်မှုလွန်ကဲသည့် ထောင်ချောက်ထဲ မကျရောက်သင့်ကြောင်း၊ မိမိတို့၏မြို့၊ ကျေးရွာ၊ လမ်းများ၊ ရုံးခန်းများတွင် ကိုရိုနာဗိုင်းရပ်စ်ကူးစက်မှု မဖြစ်သေးသဖြင့် ထိုရောဂါရောက်ရှိလာမည်မဟုတ်ဟု ယုံကြည်ချက်ကို အားပေးအားမြှောက် မပြုသင့်ကြောင်း တိုက်တွန်းလိုသည်ဟု မိုဒီက ထိုမိန့်ခွန်းတွင် ပြောကြားခဲ့သည်။

အိန္ဒိယ၏ လူဦးရေသိပ်သည်းမှု၊ ရေဆိုးစွန့်ထုတ်စနစ် အခြေခံအဆောက်အအုံများ အားနည်းမှုနှင့် ပြည်တွင်းရွှေ့ပြောင်း အခြေချသွားလာမှုနှုန်း မြင့်မားမှုတို့ကြောင့်ကို ရိုနာဗိုင်းရပ်စ်ကူးစက်ပျံ့နှံ့မှုကို လျင်မြန်စေ ခဲ့သည်။

အိန္ဒိယတွင် လတ်တလော၌ COVID- 19 ကူးစက်မှု ၂၆၄၉၆ မှုနှင့် သေဆုံးသူ ၈၂၄ ဦး ရှိထားသည်။

Lockdwon စီမံချက်များအား လိုက်နာမှုရှိမရှိ စောင့်ကြည့်မှုကို အာရုံစိုက်ရန် အဖွဲ့များကိုလည်း အာဏာပိုင်များက ဖွဲ့စည်းခဲ့သည်။

လူဦးရေ ၁.၃ ဘီလျံရှိသော အိန္ဒိယတွင် တစ်နိုင်ငံလုံး Lockdown  ကို မိုဒီက မတ် ၂၅ တွင် ချမှတ်ခဲ့သည်။

ကမ္ဘာ့အကြီးဆုံး Lockdown ပြုလုပ်မှုသည် COVID- 19 ပျံ့နှံ့မှုအား လျှော့ချရန် မတတ်နိုင်ကြောင်းနှင့် စမ်းသပ်စစ်ဆေးမှုများ အရှိန်မြှင့်နေစဉ် ကူးစက်သူအရေအတွက် မြင့်တက်လာနေကြောင်း ကျွမ်းကျင်သူများက ထောက်ပြခဲ့ကြသည်။

လူအချင်းချင်း ခွာခွာကင်းကင်းနေရေး ဂရုစိုက်ရန် လိုအပ်ကြောင်း၊ မျက်နှာအား အကာအကွယ် သို့မဟုတ် နှာခေါင်းစည်းဖြင့် ဖုံးအုပ်ခြင်းနှင့် လက်များအား ထပ်ခါထပ်ခါ ဆေးခြင်းများသည် လာမည့်ရက်များတွင် ထိုရောဂါအား တိုက်ဖျက်ရန် အကောင်းဆုံး ဆေးဝါးဖြစ်လာမည်ဖြစ်ကြောင်း မိုဒီက ပြောကြားခဲ့သည်။

ဧပြီ ၂၅ တွင် အိန္ဒိယ၌ လူနေဒေသများရှိ စျေးဆိုင်ငယ်များအား ဖွင့်လှစ်ခွင့်ပြုခဲ့သော်လည်း ဝန်ထမ်းအရေအတွက် ထက်ဝက်လျှော့ချရမည်ဖြစ်ပြီး အလုပ်ချိန်အတွင်း နှာခေါင်းစည်းနှင့် လက်အိတ်များ ဝတ်ဆင်ထားရမည်ဖြစ်ကြောင်း သတ်မှတ်ခဲ့သည်။

အရက်နှင့် အခြားမရှိမဖြစ် အရေးပါသောပစ္စည်းများမဟုတ်သည့် ကုန်များအား ရောင်းချခြင်းကို ဆက်လက်ပိတ်ပင်ထားပြီး ဧရာမစျေးကြီးများရှိ စျေးဆိုင်များ သို့မဟုတ် ကုန်အမှတ်တံဆိပ်မျိုးစုံနှင့် ကုန်အမှတ်တံ ဆိပ်တစ်ခုတည်းကို အခြေပြုသော ကုန်တိုက်များအား မေ ၃ ရက်အထိ ဖွင့်ခွင့်ပြုမည် မဟုတ်သေးပေ။

မိုဒီ၏ မွေးရပ်ဇာတိဖြစ်သော ဂူဂျရတ်ပြည်နယ်တွင် အာဏာပိုင်များက ဆော့ဖ်ဝဲလ်နှင့် အိုင်တီကုမ္ပဏီများအား ၎င်းတို့၏ ဝန်ထမ်းရာခိုင်နှုန်း ၅၀ အထိဖြင့် လည်ပတ်မှုပြန်လည်စတင်ရန် ဧပြီ ၂၅ တွင် ခွင့်ပြုခဲ့သည်။ သို့သော် လုပ်ငန်းအဖွဲ့အစည်းအချို့ကမူ လုပ်သားအင်အား ၁၀ ရာခိုင်နှုန်းမှ ၁၅ ရာခိုင်နှုန်းအထိဖြင့်သာ လည်ပတ်ရန် တိုက်တွန်းခဲ့သည်။