မြန်မာ့လက်ရွေးစင်တိုက်စစ်မှူး အောင်သူသည် ထိုင်းလိဂ်-၁ ကလပ် အူထိုင်းထာနီအသင်းအတွက် ယခုရာသီ ပထမဆုံးသွင်းဂိုးတစ်ဂိုးကို သွင်းယူပေးနိုင်ခဲ့ကြောင်း သိရသည်။
အူထိုင်းထာနီအသင်းသည် ပြီးခဲ့သည့် ဇန်နဝါရီ ၁၉ ရက်က ယခုရာသီ ထိုင်းလိဂ်-၁ အမှတ်ပေးပြိုင်ပွဲ ပွဲစဉ်(၁၈) အဖြစ် အဝေးကွင်းသွားရောက်၍ နာခွန်ရတ်ချာဆီမာအသင်းနှင့် ယှဉ်ပြိုင်ကစားခဲ့ရာ(၂-၃) ဂိုးဖြင့် ရှုံးနိမ့်ခဲ့သည်။
ယင်းပွဲတွင် အောင်သူသည် အူထိုင်းထာနီအသင်း၌ ပွဲထွက်ကစားသမားအဖြစ် ကစားခွင့်ရခဲ့ပြီး ပွဲကစားချိန်(၁၀) မိနစ်မှာပင် အသင်းအတွက် ဦးဆောင်ဂိုးကို ခေါင်းတိုက်သွင်းယူပေးခဲ့ခြင်းဖြစ်သည်။
အောင်သူသည် ယင်းပွဲတွင် ပွဲချိန်ပြည့်ကစားခွင့်ရခဲ့ပြီး ပွဲကစားချိန်(၈၈) မိနစ်တွင် အဝါကတ်ပြခံခဲ့ရသည်။
အောင်သူ၏ အူထိုင်းထာနီအသင်းသည် ယခုပွဲရှုံးနိမ့်မှုကြောင့်အမှတ်ပေးဇယား အဆင့်(၁၄) နေရာသို့ ရောက်ရှိခဲ့ပြီး တန်းဆင်းဇုန်းအတွင်း ကျရောက်သွားခဲ့ပြီဖြစ်သည်။
အောင်သူသည် အူထိုင်းထာနီအသင်းသို့ ပြီးခဲ့သည့် ၂၀၂၃- ၂၀၂၄ ရာသီကတည်းက ရောက်ရှိနေသူဖြစ်ပြီး ယခုရာသီကုန်အထိ သက်တမ်းတိုးကာ ကစားခွင့်ရရှိနေခြင်းဖြစ်သည်။
အောင်သူသည် ပြီးခဲ့သည့်ရာသီတွင် အူထိုင်းထာနီအသင်းအတွက် ပြိုင်ပွဲစုံ ၂၉ ပွဲ ကစား ပေးထားပြီး ၄ ဂိုးသွင်းယူပေးထားကြောင်း သိရသည်။
အောင်သူသည် ယခုရာသီတွင်မူ အူထိုင်းထာနီအသင်းအတွက် ၆ ပွဲသာ ကစားရသေးပြီး သွင်းဂိုးမှာလည်း ပထမဆုံးရရှိခြင်းဖြစ်ကြောင်း သိရသည်။
ယခုတစ်ပတ် ကျင်းပခဲ့သည့် ထိုင်းလိဂ်-၁၊ ထိုင်းလိဂ်-၂ ပြိုင်ပွဲများတွင် မြန်မာကစားသမားများထဲမှ အောင်သူ၊ မောင်မောင်လွင်၊ လွင်မိုးအောင်၊ ဝင်းနိုင်ထွန်း၊ အောင်ကောင်းမာန်တို့ ပါဝင်ကစားခွင့်ရခဲ့ပြီး သန်းပိုင်းမှာမူ ကစားခွင့်မရခဲ့ကာ ဇော်မင်းထွန်းမှာမူ အသင်းအပြောင်းအရွှေ့ပြုလုပ်နေခြင်းဖြစ်သည်။
ယခုတစ်ပတ်တွင် လွင်မိုးအောင်၏ ရရောင်း၊ ဝင်းနိုင်ထွန်း၏ ချင်းရိုင်အသင်းများ နိုင်ပွဲရခဲ့ပြီး မောင်မောင်လွင်၏ လမ်ဖွန်၊ သန်းပိုင်၏ ကန်ချနာဘူရီပါ၀ါအသင်းများ သရေကျခဲ့ကာ အောင်သူ၏ အူထိုင်းထာနီ၊ အောင်ကောင်းမာန်၏ ဖရေးယူနိုက်တက်အသင်းတို့မှာမူ ရှုံးပွဲများကြုံတွေ့ခဲ့ကြကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
