ပရီးမီးယားလိဂ်တွင် သွင်းဂိုးအများဆုံး၊ ဂိုးဖန်တီးမှုအများဆုံး ဂျပန်ကစားသမားအဖြစ် မီတိုမာ ရပ်တည်နိုင်ခဲ့
မန်ယူအသင်းအား (၃-၁)ဂိုးဖြင့် အနိုုင်ရရှိခဲ့သည့်ပွဲတွင် ဘရိုက်တန်အသင်းအတွက် ဒုတိယဂိုးသွင်းယူပေးခဲ့သည့် မီတိုမာသည် ပရီးမီးယားလိဂ်၌ သွင်းဂိုးအများဆုံး၊ ဂိုးဖန်တီးမှုအများဆုံး ဂျပန်ကစားသမားအဖြစ် ရပ်တည်နိုင်ခဲ့ကြောင်း သိရသည်။
မီတိုမာသည် ယခုပွဲမတိုင်မီက ဂိုးသွင်းအများဆုံး ဂျပန်ကစားသမားအဖြစ် လက်စတာကစားသမားဟောင်း အိုကာဇာကီနှင့် ပူးတွဲရပ်တည်နေခဲ့ရာမှ ယခုအခါ (၁၅)ဂိုးမြောက် သွင်းယူကာ တစ်ဦးတည်းလွတ်လွတ်ကျွတ်ကျွတ်ရပ်တည်နိုင်ခဲ့ခြင်းဖြစ်သည်။
၎င်းတို့၏နောက်တွင် ယိုရှီဒါ၊ မီနာမီနိုနှင့် ရှင်ဂျီကာဂါ၀ါတို့က (၆)ဂိုးစီဖြင့် တတိယဂိုးသွင်းအများဆုံး ကစားသမားများအဖြစ် ရပ်တည်နေကြသည်။
မီတိုမာသည် ဂိုးဖန်တီးမှု (၁၂)ကြိမ် ပြုလုပ်ထားသဖြင့် ပရီးမီးယားလိဂ်၏ ဂိုးဖန်တီးမှုအများဆုံး ဂျပန်ကစားသမားအဖြစ်လည်း ဦးဆောင်လျက်ရှိသည်။
မီတိုမာ၏နောက်တွင် ရှင်ဂျီကာဂါ၀ါနှင့် အီနာမိုတိုတို့က ဂိုးဖန်တီးမှု(၆)ကြိမ်ဖြင့် ဒုတိယအများဆုံးဖြစ်နေကြောင်း သိရသည်။
မီတိုမာသည် ယခုရာသီတွင် ဘရိုက်တန်အသင်း၏ အဓိကကစားသမားတစ်ဦးအဖြစ် ခြေစွမ်းပြနေသောကြောင့် ပရီးမီးယားလိဂ်ထိပ်သီးအသင်းအချို့က ၎င်းကို ခေါ်ယူရန် စိတ်ဝင်စားနေကြောင်း သိရသည်။
မီတိုမာကို ခေါ်ယူလိုသည့် အသင်းများထဲတွင် မန်ယူနှင့် မန်စီးတီးအသင်းတို့လည်း ပါဝင်နေပြီး ၎င်းသည် ဘရိုက်တန်နှင့် ၂၀၂၇ ခုနှစ်အထိ စာချုပ်ချုပ်ဆိုထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
