နာပိုလီနည်းပြ ကွန်တီက PSG အသင်းထံသို့ရောင်းချခဲ့သည့် အသင်းတောင်ပံတိုက်စစ်ကစားသမား ခါဗရာစကယ်လီယာ၏နေရာတွင် အစားထိုးရန် လိုအပ်ပြီး အသင်းကမခေါ်ပေးပါက ရှိသည့်လူစာရင်းနှင့်တိုက်ပွဲဝင်သွားမည်ဖြစ်ကြောင်း ပြောကြားခဲ့သည်။
နာပိုလီအသင်းသည် အသင်းမှ ထွက်ခွာတောင်းခဲ့သည့် အဓိကကစားသမားဖြစ်သူ ခါဗရာစကယ်လီယာအား ယခုဇန်နဝါရီတွင် ပြင်သစ်ထိပ်သီး PSG အသင်းထံ ယူရိုသန်း (၇၀) + Add-ons ကြေးဖြင့် ရောင်းထုတ်ခဲ့သည်။
နာပိုလီအသင်းသည် ခါဗရာစကယ်လီယာ၏နေရာတွင် အစားထိုးရန်အတွက် မန်ယူတိုက်စစ်ကစားသမားများဖြစ်သည့် ရပ်ရှ်ဖို့ဒ်နှင့် ဂါနာချိုတို့ကို ချိတ်ဆက်နေသော်လည်း ယခုအချိန်ထိ အဆင်ပြေခြင်းမရှိသေးပေ။
ယင်းအနေအထားတွင် ကွန်တီက ခါဗရာစကယ်လီယာ၏ နေရာတွင် အစားထိုးရန် လိုအပ်ကြောင်း ပြောကြားခဲ့ခြင်းဖြစ်ပြီး အသင်းက မခေါ်ပေးပါက ရှိသည့်လူစာရင်းနှင့်တိုက်ပွဲဝင်သွားမည်ဟု ပြောကြားခဲ့ခြင်းဖြစ်သည်။
ကွန်တီက ''ကစားသမားသစ် ခေါ်ယူဖို့ကို အသင်းက ဆုံးဖြတ်ပါလိမ့်မယ်။ ကစားသမားအပြောင်းအရွှေ့မှာ ကျွန်တော် ဝင်မပါပါဘူး။ သူတို့အနေနဲ့ ကျွန်တော့်ကို လာမေးမယ်ဆိုရင်တော့ ကျွန်တော့် ထင်မြင်ချက်ကိုပြန်ပြောမှာပါ။ ကျွန်တော်တို့အနေနဲ့ မှန်ကန်တဲ့ လုပ်ရပ်တွေကို လုပ်ဖို့ လိုအပ်ပါတယ်။ ဒီလိုမှမဟုတ်ဘူးဆိုရင်တော့ ကျွန်တော့်အနေနဲ့ ရှိတဲ့လူစာရင်းနဲ့ တိုက်ပွဲဝင်သွားမှာပါ။ နာပိုလီအသင်းဟာ စီးရီးအေချန်ပီယံဆု ယူပေးခဲ့တဲ့ ကစားသမားတွေကို ဆုံးရှုံးခဲ့ရပါတယ်။ ဒီရာသီမှာ အိုဆင်မန်၊ ဇီလင်စကီးနဲ့ ခါဗရာစကယ်လီယာတို့ ထွက်သွားတယ်။ ဒါကို ဆင်ခြေပေးနေလို့ မရပါဘူး။ ကျွန်တော် အကောင်းဆုံးကြိုးစားရမှာပါ''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
