အင်္ဂလန်လက်ရွေးစင် နောက်ခံလူဟောင်း ၀ိန်းဘရစ်ချ်နှင့် YouTuber မှ ပရော်ဖက်ရှင်နယ်လက်ဝှေ့သမားအဖြစ် ထိုးသတ်နေသည့် KSI တို့ မတ်လအတွင်း လက်ဝှေ့ပွဲထိုးသတ်မည်ဖြစ်ကြောင်း သိရသည်။
အဆိုပါပွဲစဉ်ကို မတ် ၂၉ ရက်တွင် မန်ချက်စတာမြို့၌ ကျင်းပမည်ဖြစ်ကြောင်း KSI တည်ထောင်ထားသည့် Misfits Boxing အဖွဲ့အစည်းက ဇန်နဝါရီ ၁၈ ရက်တွင် ထုတ်ပြန်ခဲ့ပြီး ပွဲကျင်းပမည့်နေရာကို ထပ်မံကြေညာမည်ဖြစ်သည်။ ၀ိန်းဘရစ်ချ် (၄၄ နှစ်) သည် ဆောက်သမ်တန်၊ ချယ်လ်ဆီး၊ ဖူလ်ဟမ်၊ မန်စီးတီး၊ ဝက်စ်ဟမ်း၊ ဆန်းဒါးလန်း၊ ဘရိုက်တန်၊ ရက်ဒင်း စသည့်ကလပ်များတွင် ကစားခဲ့ဖူးသူဖြစ်ပြီး ၂၀၁၄ ခုနှစ် မေလ၌ ကစားသမားဘဝမှ အနားယူခဲ့သည်။
ထို့နောက် ၀ိန်းဘရစ်ချ်သည် ၂၀၁၈ ခုနှစ် မတ်လတွင် BBC သတင်းဌာန၏ Sports Relief အစီအစဉ်အတွက် ရုပ်သံတင်ဆက်သူ စပန်ဆာမက်သယူးနှင့် သရုပ်ပြလက်ဝှေ့ပွဲထိုးသတ်ဖူးပြီး သုံးချီထိုးသတ်ပြီးနောက် ဒိုင်အားလုံး၏ အဆုံးအဖြတ်ဖြင့် အနိုင်ရခဲ့သည်။
အင်္ဂလန်နိုင်ငံသား Influencer ဖြစ်သူ KSI (၃၁ နှစ်) မှာလည်း ၂၀၁၈ ခုနှစ်မှစ၍ လက်ဝှေ့ပွဲစဉ်များထိုးသတ်လျက်ရှိပြီး အပျော်တမ်းပွဲစဉ် နှစ်ပွဲတွင် တစ်ပွဲနိုင်၊ တစ်ပွဲသရေ၊ ပရော်ဖက်ရှင်နယ်ပွဲစဉ် ခြောက်ပွဲတွင် လေးပွဲ နိုင်၊ တစ်ပွဲရှုံးနိမ့်ကာ တစ်ပွဲမှာမူ ရလဒ်ပယ် ဖျက်ခံထားရသည်။
ပြီးခဲ့သည့်နှစ်များအတွင်း Influencer များနှင့် ပရိုအားကစားသမားများ၏ လက်ဝှေ့ပွဲစဉ်များကို ပရိသတ်စိတ်ဝင်စားမှုမြင့်တက်လာပြီး နိုဝင်ဘာလအတွင်း မိုက်တိုင်ဆန်နှင့် ဂျိတ်ပေါလ်တို့၏ပွဲကို ကွင်းအတွင်းကြည့်ရှုသူ ၇၀၀၀၀ ကျော် ရှိခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
