Top News

အသင်းခေါင်းဆောင် မက်ဆီ ဒဏ်ရာကြောင့် ပွဲထွက်နိုင်ခြင်းမရှိသည့် ပွဲစဉ်များတွင် တစ်ပွဲပျမ်းမျှ (၁.၄၁)မှတ်သာ ရရှိခဲ့သည့် ဘာစီလိုနာအသင်းသည် မက်ဆီ စတင်ပွဲထွက်ခဲ့ပြီးနောက်ပိုင်း ရာနှုန်းပြည့်နိုင်ပွဲရရှိခဲဲ့့ကြောင်း သိရသည်။

ဘာစီလိုနာအသင်းသည် မက်ဆီဒဏ်ရာကြောင့် အနားယူနေရသည့်ကာလအတွင်း လာလီဂါပွဲစဉ်များတွင် နိုင်ပွဲရာခိုင်နှုန်း (၄၀)သာရှိခဲ့ကာ အမှတ်ပေးဇယားအဆင့် (၇)နေရာအထိ ကျဆင်းသွားခဲ့သည်။

သို့ရာတွင် ဗီလာရီးယဲလ်အသင်းနှင့် ကစားခဲ့သည့်ပွဲစဉ်တွင် မက်ဆီသည် ပထမဆုံးအကြိမ် ပြန်လည်ကစားခဲ့ပြီး ယင်းပွဲ၌ (၂-၁) ဂိုး ဖြင့်အနိုင်ရရှိခဲ့သည်။

ယင်းနောက် ဂီတာဖေး၊ ဆီဗီလာ၊ အီဘာတို့ကို ဆက်တိုက်အနိုင်ရကာ အမှတ်ပေးဇယားထိပ် ဆုံးနေရာကို ပြန်လည်ရယူနိုင်ခဲ့ခြင်းဖြစ်ပြီး ယခုရာသီ ၎င်းင်း ကစားသည့် ပွဲစဉ်များတွင် ဘာစီလိုနာအသင်း၏ နိုင်ပွဲရရှိ မှုနှုန်းမှာ (၁၀၀)ရာခိုင်နှုန်းအထိ ရှိလာခဲ့ခြင်းလည်းဖြစ်သည်။

ယင်းအတွက်ကြောင့် မက်ဆီအား စပိန်မီဒီယာများက ဝိုင်းဝန်းချီးကျူးနေကြပြီး အသက် (၃၂)နှစ်အရွယ် ရှိလာပြီဖြစ်သည့်တိုင် ဘာစီလိုနာအသင်း၏ မရှိမဖြစ်ကစားသမားတစ်ဦးဖြစ်နေဆဲဖြစ်ကြောင်းလည်း ရေးသားခဲ့ကြသည်။

ဘာစီလိုနာအသင်း၏ နည်းပြဖြစ်သူ ဗယ်လ်ဗာဒီကလည်း မက်ဆီ၏ အသင်းအတွက် အရေးပါမှုအပေါ် ချီးကျူးပြောဆိုမှုများပြုလုပ်ခဲ့ပြီး မက်ဆီသည် ယခုအချိန်အထိ ကြံ့ ခိုင်မှုမပြည့်ဝသေးခြင်းကြောင့် အလွန်အကျွံ မမျှော်လင့် ကြရန်လည်း သတိပေးပြောကြားခဲ့သည်။

ဗယ်လ်ဗာဒီက ''မက်ဆီက အခုအချိန်အထိ ရာနှုန်းပြည့် ကြံ့ခိုင်ဖို့အတွက် ကြိုးစားနေရဆဲပါ။ သူဟာ ပွဲတစ်ပွဲမှာ မိနစ် (၉၀)ပြည့် က စားပြီး ဂိုးသွင်းနိုင်ခဲ့ပေမယ့် နောက်တစ်ပွဲမှာ အနားပေးသင့်ရင်လည်း ပေးရမှာပါ။ ကျွန်တော်တို့အသင်းကလည်း မက်ဆီမကစားနိုင်တဲ့ပွဲတွေမှာ စွမ်းဆောင်ရည်ပိုကောင်းလာဖို့အတွက် ပြင်ဆင်ထားဖို့လိုပါတယ်။ သူ့ရဲ့အကောင်း ဆုံးပုံစံကို ပြန်ရဖို့ ဖြည်းဖြည်းချင်းသွားနေပြီး မကြာခင် အကောင်းဆုံးပုံစံကိုမြင်ရမှာပါ''ဟု ပြောကြားခဲ့သည်။