PSG အသင်းနည်းပြ တူဟယ်လ်က ယနေ့ညကစားမည့် ကလပ်ဘရုဂေးနှင့် အသင်းတိုက်စစ်မှူးများဖြစ်သည့် ကာဗာနီနှင့် ဘာပေတို့မှာ မိနစ် (၉၀)အပြည့် ကစားနိုင်ဦးမည်မဟုတ်ကြောင်း ပြောကြားခဲ့သည်။
PSG အသင်းနည်းပြ တူဟယ်လ်က ယနေ့ညကစားမည့် ကလပ်ဘရုဂေးနှင့် အသင်းတိုက်စစ်မှူးများဖြစ်သည့် ကာဗာနီနှင့် ဘာပေတို့မှာ မိနစ် (၉၀)အပြည့် ကစားနိုင်ဦးမည်မဟုတ်ကြောင်း ပြောကြားခဲ့သည်။
ကာဗာနီသည် တင်ပါးဒဏ်ရာကြောင့် အနားယူနေရသူဖြစ်ပြီး ပြီးခဲ့သည့်သောကြာနေ့က ကစားခဲ့သည့် နိုက်စ်နှင့်ပွဲတွင် အရန်စာရင်း၌ ပါဝင်ခဲ့သည်။ ထို့အတူ ဘာပေမှာလည်း နိုက်စ်အသင်းကို (၄-၁)ဂိုးဖြင့် အနိုင်ရသည့်ပွဲတွင် လူစားဝင်အဖြစ်သာ ပါဝင်ခဲ့ကြောင်း သိရသည်။
တူဟယ်လ်က ယနေ့ည (မြန်မာစံတော်ချိန် ဗုဒ္ဓဟူးနံနက် ၁:၃ဝနာရီ)တွင် ကစားမည့် ကလပ်ဘရုဂေးနှင့်ပွဲ၌ ကာဗာနီနှင့် ဘာပေတို့ကို ပွဲထွက်အဖြစ် အသုံးပြုဖွယ်ရှိနေသော်လည်း ၎င်းတို့မှာ မိနစ်(၉၀)အပြည့်ကစားရန် ကြံ့ခိုင်မှုမရှိသေးကြောင်း ဆိုခဲ့ခြင်းဖြစ်သည်။
တူဟယ်လ်က "ကလပ်ဘရုဂေးနဲ့ အသုံးပြုနိုင်တဲ့ ကစားသမား (၂၀)လောက်ရှိပါတယ်။ ဒါပေမဲ့ ဘာပေအနေနဲ့ မိနစ် (၉၀)အပြည့် ကစားနိုင်ဖို့ မဖြစ်နိုင်သေးပါဘူး။ ဒီတော့ သူ့ကို ပွဲစကတည်းက ထုတ်သုံးမလား။ နောက်ပိုင်းမှာ သုံးမလားဆိုတာကို စဉ်းစားရမှာပါ။ ကာဗာနီကလည်း ဘာပေလို အခြေအနေမျိုးပါပဲ။ ဒါပေမဲ့ သူတို့ (၂)ယောက်ရှိနေတာကို ကျွန်တော်တို့ကို အားတက်စေပါတယ်"ဟု ပြောကြားခဲ့သည်။
PSG အသင်းသည် ယခုရာသီ ချန်ပီယံလိဂ်ပြိုင်ပွဲတွင် အုပ်စု (A)၌ ကလပ်ဘရုဂေး၊ ဂါလာတာစာရေး၊ ရီးယဲလ်မက်ဒရစ်အသင်းတို့နှင့် အတူ ကျရောက်နေပြီး ပွဲစဉ် (၂)ပွဲကစားပြီးချိန်တွင် (၂)ပွဲစလုံး အနိုင်ရကာ ရမှတ် (၆)မှတ်ဖြင့် အမှတ်ပေးဇယားထိပ်ဆုံးမှ ဦးဆောင်နေသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
