Top News

ပါကစ္စတန်နိုင်ငံ၏ ရေဘေးသင့်ဒေသများတွင် ရေမှတစ်ဆင့်ကူးစက်သည့်ရောဂါများနှင့် အခြားရောဂါများကို ဆရာဝန်များနှင့် ဆေးဘက်ဝန်ထမ်းများက တိုက်ဖျက်နေရချိန်တွင် လူပေါင်းထောင်ချီသေဆုံးစေခဲ့သည့် ရေလွှမ်းမိုးမှုများဖြစ်ပွားပြီးချိန်တွင် ရောဂါဖြစ်ပွားမှုများသည် ဒုတိယဘေးအန္တရာယ် တစ်ခုကဲ့သို့ ဖြစ်လာနိုင်သည်ဟု ကမ္ဘာ့ကျန်းမာရေးအဖွဲ့ (WHO) က စက်တင်ဘာ ၁၇ ရက်တွင် သတိပေးခဲ့သည်။

ရေလွှမ်းမိုးမှုကို အဆိုးရွားဆုံးခံစားခဲ့ရသည့် ပြည်နယ်များတွင် ရေများစတင်ကျဆင်း နေပြီဖြစ်သော်လည်း အများစုမှာ အိုးမဲ့အိမ်မဲ့ ဖြစ်ခဲ့ကာ ယာယီကယ်ဆယ်ရေးစခန်းများနှင့် တဲများထိုးပြီး နေထိုင်နေရပြီး အစာအိမ်နှင့် အူလမ်းကြောင်း ကူးစက်ရောဂါများ၊ သွေး လွန်တုတ်ကွေးရောဂါများနှင့် ငှက်ဖျားရောဂါ ကူးစက်မှုများ မြင့်တက်နေသည်။ညစ်ညမ်းသည့် ရေပုပ်များသည် ခြင်များပေါက်ပွားရာ နေရာများ ဖြစ်လာခဲ့သည်။

ရာသီဥတုဖောက်ပြန်ပြောင်းလဲမှုနှင့် ဆက်နွှယ်မှုရှိနေသည်ဟု ကျွန်းကျင်သူများက သုံးသပ်ခဲ့သည့် ဇွန်လလယ်ပိုင်းကတည်းက ရွာသွန်းခဲ့သည့် မုတ်သုံမိုးများကြောင့် ပါကစ္စ တန်နိုင်ငံတစ်ဝန်း လူပေါင်း ၁၅၀၀ ကျော်သေ ဆုံးခဲ့ကာ သန်းနှင့်ချီသည့် မြေဧကများ ရေ အောက်ရောက်ခဲ့ကာ လူပေါင်း ၃၃ သန်း ကျော် ရေဘေးသင့်ခဲ့ကြသည်။

ရေလွှမ်းမိုးမှုများကြောင့် သေဆုံးသူများ အနက် ကလေးသူငယ် ၅၅၂ ဦးခန့်ပါဝင်ခဲ့ သည်။

“ရာသီဥတုဖောက်ပြန်ပြောင်းလဲမှုနဲ့ ဆက်နွှယ်မှုရှိတဲ့ ဒီဘေးအန္တရာယ်အပြီးမှာ ရောဂါကူးစက်မှုတွေနဲ့ သေဆုံးမှုတွေရဲ့ ဂယက် ပါကစ္စတန်မှာ ဒုတိယဘေးအန္တရာယ် တစ်ခုဖြစ်လာနိုင်ခြေနဲ့ပတ်သက်ပြီး ကျွန် တော်အရမ်းစိုးရိမ်ပါတယ်။ ဒါဟာ ကျန်းမာ ရေးစနစ်အပေါ် ဆိုးရွားစွာသက်ရောက်ခဲ့ပြီး လူပေါင်းသန်းချီကို အားနည်းချိနဲ့စေပါတယ်” ဟု WHO ညွှန်ကြားရေးမှူးချုပ် တက်ဒရို အာဒါနွန် ဂေဘရီယေဆုက အစီရင်ခံစာတွင် ပြောကြားခဲ့သည်။

ရေအရင်းအမြစ် ပြတ်တောက်ခဲ့သဖြင့် ပြည်သူများသည် သန့်ရှင်းမှုမရှိသည့်ရေများ ကို သောက်သုံးရမည့်အခြေအနေကို ရောက် ရှိနေပြီး မိမိတို့အနေနှင့် မရှိမဖြစ်လိုအပ်သည့် ကျန်းမာရေးဝန်ဆောင်မှုများကို အလျင် အမြန်ထောက်ပံ့ပေးနိုင်မည်ဆိုပါက ယခုအ ကျပ်အတည်းတွင် သက်ရောက်မှုများကို သိ သာစွာ လျှော့ချနိုင်လိမ့်မည်ဟု ၎င်းက ထပ် လောင်းပြောကြားခဲ့သည်။

ထို့ပြင် ဂျူလိုင် ၁ ရက်ကတည်းက ရေ လွှမ်းမိုးမှုဖြစ်ပွားခဲ့သည့် နေရာဒေသများရှိ ယာယီဆေးခန်းများ တွင် ဆေးဝါးကုသမှုခံခဲ့ ရသူစုစု ပေါင်း ၂.၃ သန်းရှိသည်ဟု တာဝန် ရှိသူများက ပြောကြားခဲ့သည်။

ပါကစ္စတန် တောင်ပိုင်းနှင့် အနောက် တောင်ပိုင်းဒေသများတွင် စံချိန်တင် မုတ်သုံ မိုးများရွာသွန်းမှု၊ မြောက်ပိုင်းဒေသတွင် ရေ ခဲမြစ်များ အရည်ပျော်မှုတို့ကြောင့် ရေလွှမ်းမိုး မှုများဖြစ်ပွားကာနေအိမ်များ၊ စိုက်ခင်းများ၊ တံတားများ၊ လမ်းများနှင့် မွေးမြူရေးခြံများ အပါအဝင် ပျက်စီးဆုံးရှုံးမှုတန်ဖိုးမှာ ဒေါ်လာ ၃၀ ဘီလျံခန့် ရှိခဲ့ သည်ဟု အာဏာပိုင်များက ပြောကြားခဲ့သည်။

ယင်းကဲ့သို့ ဆိုးရွားသည့်မိုးရွာသွန်းမှုများ သည် လူသားများကြောင့် ဖြစ်ပွားခဲ့ရသည့် ရာသီဥတုဖောက်ပြန်ပြောင်းလဲမှုနှင့် ဆက် နွှယ်မှုရှိနိုင်သည်ဟု လေ့လာချက်တစ်ရပ်တွင် ကျွမ်းကျင်သူများက ပြောကြားခဲ့သည်။

မကြာသေးမီဆယ်စုနှစ်များအတွင်း အ ဆိုးရွားဆုံးခံခဲ့ရသည့် ဒေသများတွင် မိုးရွာ သွန်းမှုသည် ၇၅ ရာခိုင်နှုန်းမြင့်တက်ခဲ့ပြီး  သြဂုတ်လက ပါကစ္စတန်နိုင်ငံ၏ ဆင်းပြည်နယ်နှင့် ဘာလိုချီစတန်ပြည်နယ်များတွင် စံချိန်တင် မိုးရွာသွန်းမှုများသည် လူသားများ ၏ လုပ်ဆောင်မှုများနှင့် ဆက်နွှယ်သည့် ရာ သီဥတုဖောက်ပြန် ပြောင်းလဲမှုကြောင့် ဖြစ် နိုင်သည်ဟု World Weather Attribution အဖွဲ့မှ ရာသီဥတုဆိုင်ရာ နိုင်ငံတကာသိပ္ပံ ပညာရှင်များပါဝင်သည့် အဖွဲ့က သုံးသပ်ခဲ့ ကြသည်။