ပြင်းထန်ငလျင် နှစ်ကြိမ်လှုပ်ခဲ့သည့် နှစ်ပတ်လည်နေ့ဖြစ်သော စက်တင်ဘာ ၁၉ ရက်တွင် မက္ကဆီကိုအနောက်ပိုင်း၌ အင်အားပြင်းငလျင်လှုပ်ခဲ့ရာ အနည်းဆုံးလူတစ်ဦး သေဆုံးခဲ့ပြီး ငလျင်လှုပ်သည့်နေရာနှင့် ကီလိုမီတာရာချီဝေးသော မက္ကဆီကိုစီးတီးတွင် အထိတ်တလန့်ဖြစ်ခဲ့သည်။
အမျိုးသားငလျင်ဌာန၏ ထုတ်ပြန်ချက်အရ ပြင်းအား ၇.၇ ရှိ ငလျင်သည် အဆောက်အအုံများကို တုန်ခါစေခဲ့ပြီး လူများ မက္ကဆီကိုစီးတီး၏ လမ်းများပေါ် ပြေးထွက်ခဲ့ရသည်။
“နှလုံးဖောက်ပြီလို့ ကျွန်မထင်ခဲ့တာပါ” ဟု မက္ကဆီကိုစီးတီးတွင်နေထိုင်သည့် အသက် ၅၈ နှစ်အရွယ် ဂါဘရီရယ်လာရာမီရက်ဇ်က ပြောကြားသည်။ လွန်ခဲ့သောငါးနှစ်က လူရာဂဏန်းသေဆုံးခဲ့ရသည့် ငလျင်ကို မက္ကဆီကို စီးတီးမြို့ခံများ ထိတ်လန့်နေဆဲဖြစ်သည်ဟု ဆိုသည်။
“၂၀၁၇ ငလျင်မှာ ပျက်စီးခဲ့တဲ့ အဆောက်အအုံတွေကို ပြန်လည်ပြင်ဆင်တာ မျိုးမလုပ်ရသေးတာကြောင့် ဒီနေရာဟာ အလွန်အားနည်းတဲ့နေရာဖြစ်ပါတယ်။ ဒါကြောင့် တစ်စစီဖြစ်သွားမှာကို စိုးရိမ်ရခြင်းနဲ့အတူ ဒီနေရာဟာ ပိုလို့တောင်ဆိုးရွားသွားနိုင်ပါတယ်” ဟု ၎င်းက ဖြည့်စွက်ပြောကြားခဲ့သည်။
မက္ကဆီကို အနောက်ပိုင်းပြည်နယ် ကိုလီမာရှိ စျေးဝယ်စင်တာတစ်ခုတွင်အပျက်အစီးများ ပြုတ်ကျသဖြင့် လူတစ်ဦးသေဆုံးခဲ့သည်ဟု သမ္မတအန်းဒရက်စ်မန်နျူရယ်လိုပက်ဇ်က Twitter တွင် ရေးခဲ့သည်။
မက္ကဆီကိုစီးတီးတွင် ပြင်းထန်ပျက်စီးမှု တစ်စုံတစ်ရာရှိသည်ဟု မယုံကြည်ရကြောင်း ၎င်းက ရေးခဲ့သည်။
ငလျင်ဗဟိုချက်သည် မက္ကဆီကိုစီးတီးမြို့တော်၏ အနောက်ဘက် မိုင်၂၅၀ ဝန်းကျင် (ကီလိုမီတာ ၄၀၀)နှင့် မီချိုအာကန်ပြည်နယ်ရှိ ကိုလ်ကိုမန်တောင်ပိုင်းနှင့် ၅၉ ကီလိုမီတာဝေးသော ပစိဖိတ်ကမ်းရိုးတန်းအနီးတွင် တည်ရှိသည်ဟု ငလျင်ပညာရှင်များ၏ ထုတ်ပြန်ချက်အရ သိရသည်။
ငလျင်၏ အနက်မှာ ၁၅ ကီလိုမီတာ(ကိုးမိုင်)ဟု ခန့်မှန်းထားသည်။
“ဒါဟာကြောက်စရာကောင်းတဲ့ တိုက်ဆိုင်မှုဖြစ်ပါတယ်။ ဘာကြောင့် ဒီကနေ့မှာ ငလျင်ထပ်လှုပ်ရတာလဲ” ဟု အသက် ၇၃ နှစ်ရှိ လော်ရာရီဆန်ဒစ်က ၎င်းနေထိုင်ရာ မက္ကဆီကိုစီးတီးရှိ အဆောက်အအုံတစ်ခု၏ အပြင်ဘက်တွင် ပြောကြားခဲ့သည်။
ယခုငလျင်သည် စက်တင်ဘာ ၁၉ ရက်တွင် မက္ကဆီကိုနိုင်ငံ၌ တတိယအကြိမ်လှုပ်သော အင်အားပြင်းငလျင်ဖြစ်သည်။
သို့ရာတွင် ချိန်သားကိုက်ငလျင်လှုပ်ခြင်းမှာ တိုက်ဆိုင်မှုဆိုသည်ထက်မပိုဟု အမျိုးသားငလျင်ဌာနက ထုတ်ပြန်ခဲ့သည်။
“ဒါကို ရှင်းပြဖို့ သိပ္ပံဆိုင်ရာ အကြောင်းပြချက်မရှိပါဘူး” ဟု ၎င်းက ဖြည့်စွက်ပြောကြားခဲ့ရာ ဒေသခံအချို့အနေဖြင့် အခြားသောအဖြေများကို ရှာရသည့်အနေအထား ဖြစ်စေခဲ့သည်။
“ဒါဟာ တော်တော်တိုက်ဆိုင်လွန်းပါတယ်။ ဒါဟာ ဘုရားသခင်ထံက အချက်ပြတာဖြစ်နိုင်ပါတယ်” ဟု အသက် ၅၇ နှစ်ရှိ ဖက်ဒရီကိုဂါစီယာက ပြောကြားသည်။
၁၉၈၅ နှင့် ၂၀၁၇ ငလျင်ဘေးအန္တရာယ်များ အထိမ်းအမှတ်အဖြစ် အခမ်းအနားကျင်းရာတွင် အရေးပေါ်ကယ်ဆယ်ရေးလေ့ကျင့်မှုအစီအစဉ်များကို မက္ကဆီကိုစီးတီးတွင် လုပ်ဆောင်ခဲ့ပြီးနောက် တစ်နာရီမပြည့်မီ မက္ကဆီကိုစီးတီး၏ မြေငလျင်အချက်ပေးသံများ ထွက်ပေါ်လာခြင်းဖြစ်သည်။
၁၉၈၅ စက်တင် ဘာ ၁၉ ရက်တွင် မက္ကဆီကိုစီးတီး၌ ပြင်းအား ၈.၁ ရှိ ငလျင်လှုပ်ခဲ့သဖြင့် လူ ၁၀၀၀၀ ကျော် သေဆုံးကာ ၂၀၁၇ စက်တင်ဘာ ၁၉ ရက် ငလျင်တွင်လည်းလူ ၃၄၀ သေဆုံးခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
