ယူကရိန်းကအနောက်နိုင်ငံမှ လက်နက်များ ပိုမိုရရှိရန် ကြိုးစားနေသည့်အနေအထားတွင် မိမိတို့၏ တပ်ဖွဲ့များသည် မကြာခင်က ရုရှားစွန့်ခွာခဲ့သော နယ်မြေထဲအထိရောက်အောင် အရှေ့ဖျားသို့ ချီတက်သွားခဲ့ကြသည်ဟု ယူကရိန်းက ထုတ်ဖော်ပြောကြားခဲ့ရာ ဒွန်းဘက်စ်ဒေသရှိ ကျူးကျော်သူ ရုရှားတပ်များကို ထိုးစစ်ဆင်ရန် လမ်းပွင့်သွားသည်။
“ကျူးကျော်သူတွေဟာ ထိတ်ထိတ်ပျာပျာဖြစ်နေတယ်ဆိုတာ ထင်ရှားပါတယ်” ဟု စက်တင်ဘာ ၁၉ ရက် နှောင်းပိုင်းရုပ်သံမိန့် ခွန်းတွင် ယူကရိန်းသမ္မတဗိုလိုဒီမာဇယ်လန်းစကီးက ပြောကြားခဲ့ပြီး ယခုအခါ မိမိသည် လွတ်မြောက်နယ်မြေများတွင် စစ်သားများ မြန်မြန်ဆန်ဆန်လှုပ်ရှားစေရေးကို အာရုံစိုက်ဆောင်ရွက်ထားသည်ဟု ဖြည့်စွက်ပြောကြားခဲ့သည်။
“ဒီနေရာမှာ မြန်နှုန်းဆိုတာဟာ ကျွန်တော်တို့တပ်တွေ ရွေ့လျားနေတဲ့နှုန်းကို ပြောတာဖြစ်ပါတယ်။ ပုံမှန်အေနေအထားပြန်ရောက်အောင် မြန်မြန်ဆန်ဆန်ဆောင်ရွက်နေတာကိုလည်း ပြောတာဖြစ်ပါတယ်” ဟု ဇယ်လန်းစကီးက ပြောကြားခဲ့သည်။
နိုင်ငံများအနေဖြင့် လက်နက်များနှင့် အကူအညီများ မြန်မြန်ဆန်ဆန်ပို့ပေးရေးကို ဆော်သြရန် မိမိသည် စက်တင်ဘာ ၂၁ ရက်တွင် ကုလသမဂ္ဂအထွေထွေညီလာခံကို ပြောကြားမည့် ဗီဒီယိုမိန့်ခွန်းကို အသုံးပြုမည်ဟု ယူကရိန်းခေါင်းဆောင်က အရိပ်အမြွက် ပြောကြားခဲ့သည်။
“ကာကွယ်ရေး၊ ဘဏ္ဍာရေး၊ စီးပွားရေးဆိုင်ရာသံတမန်ရေးစတဲ့ အဆင့်အသီးသီးမှာ ယူကရိန်းရဲ့လိုအပ်ချက်တွေ ပြည့်မီစေဖို့ ကျွန်တော်တို့ အရာရာကိုလုပ်ဆောင်နေပါတယ်” ဟု ဇယ်လန်းစကီးက ပြောကြားခဲ့သည်။
ယူကရိန်းကြည်းတပ်သည် ဘီလိုဟိုရီဗကာရွာကို အလုံးစုံပြန်လည်ထိန်းချုပ်ခဲ့ပြီး လူဟန်ပြည်နယ်ကိုလည်း ရုရှားကျူးကျော်သူများလက်မှ ပြန်လည်သိမ်းယူရန် ပြင်ဆင်နေသည်ဟု လူဟန်ပြည်နယ်အုပ်ချုပ်ရေးမှူးဆာ ဟီဂိုင်ဒေးက ပြောကြားခဲ့သည်။
အဆိုပါကျေးရွာသည် လွိုင်ဆစ်ချန့်မြို့၏ အနောက်ဘက်ကီလိုမီတာ ၁၀ အကွာတွင်တည်ရှိပြီး ဇူလိုင်လအတွင်း ပြင်းထန်သည့်တိုက်ပွဲများ သီတင်းပတ်ပေါင်းများစွာ ဖြစ်ပွားခဲ့ပြီးနောက် ရုရှားလက်ကို ကျရောက်ခဲ့သည့် ရွာဖြစ်သည်။
“(နယ်မြေ) စင်တီမီတာတိုင်းအတွက် တိုက်ခိုက်သွားမှာဖြစ်ပါတယ်။ ရန်သူဟာ ခံစစ်ကို ပြင်ဆင်နေပါတယ်။ ဒါကြောင့်ကျွန်တော်တို့အနေနဲ့ ရိုးရိုးရှင်းရှင်း ချီတက်လို့မရပါဘူး”ဟု ၎င်းက Telegram တွင် ရေးသားခဲ့သည်။
မိုးကြိုးတန်ပြန်ထိုးစစ်အတွင်း ယူကရိန်းတပ်များက ခါကိဗ်ဒေသတစ်ခုလုံးနီးပါးကို ပြန်လည် သိမ်းပိုက်ခဲ့သည်ဆိုသော်လည်း အော့စကီးမြစ်ခြားထားသဖြင့် နှစ်ပိုင်းကွဲနေသော Kupiansk မြို့တွင် ရုရှားတပ်များက ယင်းမြို့ကို ဆက်လက်ထိန်းထားရေးအတွက် တိုက်ခိုက်လျက်ရှိသည်။
မကြာသေးခင်က အဆိုပါမြို့တွင် ယူကရိန်းအောင်ပွဲရခဲ့သဖြင့် သမ္မတဗလာဒီမာပူတင်၏ United Russia ပါတီက စိုက်ထူထားသော ဆိုင်ဘုတ်ကြီးများမှာ ပျက်စီးနေသော စျေးဆိုင်များ၏ မျက်နှာစာများတွင် ဆက်လက်ရှိနေဆဲဖြစ်ကာ ကောင်းကင်ယံတွင် လက်နက်ကြီးပစ်သံများ ကြားနေရသည်ဟု သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
