လူတစ်ဦးသည် လေးစက္ကန့်တိုင်းတွင် ငတ်မွတ်မှုဖြင့် သေဆုံးနေရသည်ဟု ခန့်မှန်းရကြောင်း စက်တင်ဘာ ၂၀ ရက်တွင် NGO အဖွဲ့ ၂၀၀ ကျော်က သတိပေးလိုက်ပြီး အတောမသတ်မြင့်တက်လာနေသော ကမ္ဘာ့ငတ်မွတ်မှု ပြဿနာအဆုံးသတ်စေရန် တိကျပြတ်သားသည့် နိုင်ငံတကာအရေးယူဆောင်ရွက်မှုပြုလုပ်ရန် ယင်းအဖွဲ့များက တိုက်တွန်းခဲ့သည်။
ကုလသမဂ္ဂအထွေထွေညီလာခံအတွက် နယူးယောက်မြို့တွင် စုရုံးရောက်ရှိနေသော ကမ္ဘာ့ခေါင်းဆောင်များကို လိပ်မူထားသည့် အိတ်ဖွင့်ပေးစာတွင် Oxfam၊ Save the Children နှင့် Plan Enternational တို့အပါအဝင် နိုင်ငံ ၇၀ မှ NGO အဖွဲ့ ၂၃၈ ဖွဲ့က ငတ်မွတ်မှုအဆင့်များမြင့်တက်လာခြင်းကို နာကြည်းသည်ဟု ဖော်ပြခဲ့ကြသည်။
“များပြားလှတဲ့ လူ ၃၄၅ သန်းဟာ ယခုအခါ ဆိုးဆိုးရွားရွား ငတ်မွတ်မှုကို ကြုံတွေ့နေကြရပါတယ်။ ဒီအရေအတွက်ဟာ ၂၀၁၉ ခုနှစ် နောက်ပိုင်းနှစ်ဆဖြစ်လာတာဖြစ်ပါတယ်” ဟု ထုတ်ပြန်ချက်တွင် NGO အဖွဲ့များ က ဖော်ပြခဲ့သည်။
“၂၁ ရာစုမှာ အငတ်ဘေးကို ဘယ်တော့မှ ခွင့်ပြုမှာမဟုတ်ဘူးလို့ ကမ္ဘာ့ခေါင်းဆောင်တွေက ကတိတွေပေးထားလင့်ကစား အငတ်ဘေးဟာ ဆိုမာလီယာနိုင်ငံမှာ ထပ်မံဖြစ်ပွားဖို့ နီးစပ်နေပါတယ်။ ကမ္ဘာတစ်ဝန်းမှာ ပြည်သူသန်း ၅၀ ဟာ နိုင်ငံ ၄၅ နိုင်ငံမှာ ငတ်မွတ်ဖို့ တဲတဲကလေးသာလိုပါတယ်” ဟု ၎င်းတို့က ဖော်ပြခဲ့သည်။
လူ ၁၉၇၀၀ လောက်သည် နေ့တိုင်းငတ်မွတ်မှုဖြင့် သေဆုံးနေသည်ဟု ခန့်မှန်းရကြောင်း ဖော်ပြလျက် ယင်းသို့သေဆုံးနေသည့်နှုန်းသည် လေးစက္ကန့်တိုင်းတွင် လူတစ်ဦး အစာငတ်၍ သေဆုံးသည့်အနေအထား ဖြစ်သည်ဟု NGO အဖွဲ့များက ဖော်ပြခဲ့သည်။
“ယနေ့အချိန်မှာ စိုက်ပျိုး၊ ရိတ်သိမ်းနည်းပညာနယ်ပယ်မှာ နည်းပညာအားလုံးရှိနေခြင်းနဲ့အတူ ၂၁ ရာစုမှာ ကျွန်တော်တို့က အငတ်ဘေးဆိုတဲ့အကြောင်း ပြောနေရဆဲဆိုတာဟာ အလွန်ဆိုးရွားပါတယ်” ဟု Yemen Family Care Association မှ မိုဟာနာအာမက်အလီအယ်လ်ဂျာဘာလီက ပြောကြားခဲ့သည်။
“ဒါဟာ နိုင်ငံတစ်နိုင်ငံကြောင့် တိုက်တစ်တိုက်ကြောင့် ဖြစ်ရတာမဟုတ်ပါဘူး။ ငတ်မွတ်မှုဟာ အကြောင်းတစ်ခုတည်းကြောင့် ဘယ်တော့မှ ဖြစ်တာမဟုတ်ပါဘူး။ ဒါဟာလူသားထုတစ်ရပ်လုံးရဲ့ မတရားမှုကြောင့် ဖြစ်ရတာဖြစ်ပါတယ်” ဟု ၎င်းက ပြောကြားသည်။
စားနပ်ရိက္ခာချက်ချင်း ပံ့ပိုးခြင်းနှင့် ဒုက္ခရောက်နေသူများကို ကာလရှည်ပံ့ပိုးမှုများ အမြန်ဆုံးပေးခြင်းတို့ လုပ်ဆောင်ရန် ၎င်းက တောင်းဆိုခဲ့သည်။
“ချက်ချင်းလက်ငင်းအသက်ကယ်ပေးတဲ့ စားနပ်ရိက္ခာကို ပံ့ပိုးပေးတာရော၊ လူတွေအနေနဲ့ သူတို့အနာဂတ်နဲ့သူတို့ရဲ့မိသားစုကို စောင့်ရှောက်နိုင်စေဖို့၊ သူတို့ကို သူတို့ပံ့ပိုးနိုင်စေဖို့ ကာလရှည်ထောက်ပံ့မှုပေးတာရော အလေးပေးလုပ်ဆောင်ရာမှာ ကျွန်တော်တို့အနေနဲ့ အချိန်ကြာကြာစောင့်နေလို့ မရပါဘူး” ဟု မိုဟာနာအာမက်အလီအယ်လ်ဂျာဘာလီက အေအက်ဖ်ပီသတင်းဌာနကို ထုတ်ဖော်ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
