ပခုက္ကူကြက်သွန်နီစျေးကွက်အတွင်း ယခုဖေဖော်ဝါရီလ ပထမပတ်တွင် ဝယ်လက်နည်းပါးသည့်အတွက် စျေးထပ်မံကျဆင်းလာရာ ကြက်သွန်နီတစ်ပိဿ အမြင့်ဆုံး ၁၀၀၀ ကျပ်ဝန်းကျင်သာ ပေါက်စျေးရှိကြောင်း သိရသည်။
ဖေဖော်ဝါရီလဆန်းပိုင်းတွင် ပခုက္ကူကြက်သွန်နီစျေးကွက်အတွင်း တစ်ပိဿအမြင့်ဆုံး ၁၃၅၀ ကျပ်ထိ ပေါက်စျေးရှိခဲ့သော်လည်း နောက်ပိုင်းတွင် နယ်စပ်ဝယ်လိုအား လျော့နည်းလာခြင်းကြောင့် စျေးနှုန်းထပ်မံကျဆင်းလာခြင်းဖြစ်ကြောင်း သိရသည်။
ပခုက္ကူကြက်သွန်နီစျေးကွက်သို့ ပိဿချိန် ၆သောင်းခန့် ဝင်ရောက်သည့် ဖေဖော်ဝါရီလ ၆ ရက်နေ့တွင် ဂျွန်စေးတစ်ပိဿ ၆၀၀ ကျပ် ၊ ဂျွန်လတ်တစ်ပိဿ ၇၀၀ - ၈၀၀ ကျပ် နှင့် ဂျွန်ကြီးတစ်ပိဿ ၉၀၀ - ၁၀၀၀ ကျပ် ပေါက်စျေးရှိကြောင်း သိရသည်။
' ကြက်သွန်စျေးက ဆက်တိုက်ကျနေတယ်။ ပြီးခဲ့တဲ့ ဇန်နဝါရီအကုန်မှာ တစ်ပိဿ ၁၆၀၀ လောက်ထိ ရှိသေးတယ်။ အဲဒီနောက် အဝယ်က လျော့သွားလိုက် စျေးချရောင်းလိုက်နဲ့ စျေးက ဆက်တိုက်ကျလာတယ်။ တစ်ချို့ရက်တွေမှာ ကုန်ဝင်သလောက် အဝယ်ရှိပေမဲ့ တစ်ချို့ရက်မှာ ပွဲရုံတွေက သိမ်းရတာတွေ ရှိတယ်။ လောဆယ် ပြည်တွင်းအားပြုနေရတယ် ' ဟု ကြက်သွန်ရောင်းဝယ်ရေး လုပ်ကိုင်သူတစ်ဦးက ပြောကြားသည်။
ပခုက္ကူကြက်သွန်စျေးကွက်သို့ ပခုက္ကူ ၊ ပေါက် နှင့် ဆိပ်ဖြူနယ်များမှ ထွက်ရှိသည့် ကြက်သွန်များ စတင်ဝင်ရောက်နေပြီး လက်ရှိပေါက်စျေးနှုန်း အရ တောင်သူများအဆင်ပြေမှု မရှိကြောင်း သိရသည်။
' ကုန်းစိုက်သမားက ခုမှ စရောင်းတုန်းရှိသေးတယ်။ စျေးက ကျနေပြီ။ နောက်ရက်တွေဆို ကြက်သွန်က ပိုပေါလာမှာ ။ လက်ရှိစျေးက သယ်ယူစရိတ် ပွဲခနှုတ် အလုပ်သမားခ နှုတ်ရင် တောင်သူရှုံးသေးတယ်။ မြေဆီစျေးကောင်း စိုက်စရိတ်တက်တော့ အရင်းကြီးတယ်။ စျေးက မရဖြစ်နေတယ် ' ဟု ကြက်သွန်လာရောက်ရောင်းချသူ တစ်ဦးက ပြောကြားသည်။
ပခုက္ကူကြက်သွန်စျေးကွက်သို့ အဓိကလာရောက်ရောင်းချသည့် ပေါက် ၊ ပုလဲမြို့နယ်များတွင် စစ်အုပ်ချုပ်ရေးအမိန့် ထုတ်ပြန်ထားသည့်အတွက် ရောင်းဝယ်စိုက်ပျိုးရေး အခက်အခဲကြုံတွေ့မည်ကို စိုးရိမ်နေကြောင်း ဒေသခံများထံမှ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
