မြိတ်မြို့တွင်မီးလောင်မှုကြောင့် အမျိုးသားတစ်ဦးသေဆုံးပြီး အဆောက်အအုံ သုံးလုံးမီးလောင်ကျွမ်း
တနင်္သာရီတိုင်းဒေသကြီး၊ မြိတ်မြို့၊ အလယ်ကျွန်းရပ်ကွက်၊ မင်္ဂလာလမ်းသွယ်ရှိ နေအိမ်တစ်အိမ်တွင် စတင်မီးလောင်ကျွမ်းမှုကြောင့် အမျိုးသားတစ်ဦးသေဆုံးပြီး အဆောက်အအုံ သုံးလုံးမီးလောင်ဆုံးရှုံးခဲ့ကြောင်း သိရသည်။
သေဆုံးသူမှာ အသက် ၃၈ နှစ်အရွယ်ရှိ ဦးတင်ယု(ခ)သံချောင်းဆိုသူ ဖြစ်ကြောင်း သိရသည်။
"အဲဒီအိမ်မှာ မူးယစ်ဆေးဝါးသုံးစွဲပြီးဆေးကြောင်နေတဲ့သူက မီးရှို့လိုက်တာဖြစ်မယ်၊ ကျွန်တော်တို့သိရလောက်က ကိုသံချောင်းနှင့်သူ့ညီတို့ညကစကားများခဲ့တယ်၊ မနက်အစောကြီး သုံးနာရီခွဲလောက်မှာ အဲဒီအိမ်ကနေမီးလောင်ပြီး ကိုသံချောင်းလည်းမီးထဲမှာသေဆုံးသွားတယ်၊ အခုမီးရှို့တဲ့သူကို ရဲတပ်ဖွဲ့ကဖမ်းဆီးရမိထားပြီလို့သိရတယ်၊ အရှေ့မှာရှိတဲ့ ပိုက်ဆိုင်နှင့်နေအိမ်တစ်လုံးလည်းမီးထဲပါသွားခဲ့ရတယ်၊ ညအချိန်ဆိုတော့လူတွေလွတ်အောင်ထွက်ပြေးရပြီး ဘာမှသယ်ထုတ်လို့မရလိုက်ကြဘူး"လို့ ရပ်ကွက်နေသူများကပြောကြားခဲ့သည်။
မီးလောင်မှုဖြစ်ပွားရာသို့ ခရိုင်မီးသတ်ဦးစီးမှူး ဦးစန်းဦး ဦးဆောင်သောမီးသတ်တပ်ဖွဲ့များ၊မီးသတ်ရေယာဉ်များ၊ရေသယ်ကားများ၊တာဝန်ရှိသူများ၊ပရဟိတအသင်းများနှင့်ဒေသခံများ ဝိုင်းဝန်းငြှိမ်းသတ်မှုကြောင့်နံနက် လေးနာရီတွင် မီးငြိမ်းသတ်နိုင်ခဲ့ကြောင်း သိရသည်။
မီးလောင်မှုဖြစ်စဉ်အသေးစိတ်နှင့် လူသေဆုံးမှုအပေါ် တာဝန်ရှိသူများကစစ်ဆေးနေပြီး ဥပဒေအတိုင်းဆောင်ရွက်နေကြောင်းသိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
