အထင်ကရ အဂတိလိုက်စားမှုတွင် ပါကစ္စတန်ဝန်ကြီးချုပ်ဟောင်း အီမရန်ခန်းနှင့် ၎င်း၏ဇနီး ဘူရှရာဘီ ဘီတို့ကို ပါကစ္စတန်တရားရုံးက ပြစ်ဒဏ်များချမှတ်ခဲ့ရာ အီမရန်ခန်းသည် ထောင်ဒဏ် ၁၄ နှစ် ချမှတ်ခံခဲ့ ရသည်။
ခန်းသည် အမှု ၂၀၀ ခန့်ဖြင့် ၂၀၂၃ ခုနှစ် သြဂုတ်လကတည်း ထိန်းသိမ်းခံထားရသည်ဆိုသော်လည်း ၎င်းအားနိုင်ငံရေးမှ နောက်ဆုတ်သွားစေရန် ဖိအားပေးသည့်အနေဖြင့် နောက်ဆုံးစီရင်ချက်ကို အသုံးပြု လိုက်ခြင်း ဖြစ်သည်ဟု ၎င်း၏ပါတီ ပြောကြားခဲ့သည်။
“ကျွန်တော်က ဘာအပေးအယူကိုမှ လုပ်မှာမဟုတ်သလို အသက်ရှူပေါက်ရအောင်လည်း လုပ်မှာ မဟုတ်ပါဘူး”ဟု ပြစ်ဒဏ်ချမှတ်ခံရပြီးနောက် ခန်းက တရားရုံး ခန်းမထဲတွင် သတင်းထောက်များကို ပြောကြားခဲ့သည်။
အဂတိလိုက်စားမှု တိုက်ဖျက်ရေး တရားရုံးက ခန်းကို ထိန်းသိမ်းထားသည့် မြို့တော်အစ္စလာမ်မာဘတ်မြို့ အနီးရှိ ထောင်ထဲတွင် စုဝေးခဲ့ခြင်းဖြစ်ပြီး ၎င်းတို့ ဇနီးမောင်နှံအတူတကွ တည်ထောင်ထားသော Al-Qadir Trust ဖောင်ဒေးရှင်းနှင့် ဆက်နွှယ်နေသော အဂတိလိုက်စားမှုအတွက် နှစ်ဦးစလုံးကို ပြစ်ဒဏ်ချမှတ်ခဲ့ခြင်းဖြစ် သည်။
“တရားစီရင်ရေးကတော့ သူ့အလုပ်ကို သူလုပ်တာပါ။ ခန်းကို ပြစ်ဒဏ်စီရင်ခဲ့ပါတယ်”ဟု တရားသူကြီး နာဆာဂျာဗက်ရာနာက ပြောကြားခဲ့ပြီး ခန်းကို ထောင် ၁၄ နှစ်နှင့် ဘီဘီကို ထောင်ခုနစ်နှစ် ချမှတ်ခဲ့သည်။
Ref:AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
