ချယ်လ်ဆီးကွင်းလယ်လူ ကွန်တေသည် တံကောက်ကြောဒဏ်ရာကြောင့် ပေါ်တိုအသင်းနှင့် ကစားမည့် ချန်ပီယံလိဂ်ကွာတားဖိုင်နယ် ပထမအကျော့ပွဲစဉ်ကို လွဲချော်မည်ဖြစ်ကြောင်း သိရှိရသည်။
ကွန်တေသည် မတ်လ (၂၄)ရက်က ကစားခဲ့သည့် ၂၀၂၂ ကမ္ဘာ့ဖလား(ဥရောပဇုန်)ခြေစစ်ပွဲ ပြင်သစ် (၁-၁) ယူကရိန်းပွဲတွင် တံကောက်ကြောဒဏ်ရာ ရရှိခဲ့ခြင်းဖြစ်သည်။
ကွန်တေသည် အဆိုပါဒဏ်ရာကြောင့် ပြင်သစ်အသင်း၏ ကမ္ဘာ့ဖလားခြေစစ်ပွဲ (၂)ပွဲကို လွဲချော်ခဲ့ပြီး လက်ရှိတွင် တစ်ဦးချင်းလေ့ကျင့်ရေးအစီအစဉ်များကိုသာ ပြုလုပ်နိုင်သေးကြောင်း သိရှိရသည်။
ထို့ကြောင့် တူဟယ်လ်က ကွန်တေအနေဖြင့် ဧပြီလ (၄)ရက်တွင် ကစားမည့် ဝက်စ်ဘရွန်းနှင့်ပွဲကို လွဲချော်မည်ဖြစ်သလို၊ ဧပြီလ (၇)ရက်တွင်ကစားမည့် ပေါ်တိုနှင့် ချန်ပီယံလိဂ်ကွာတားဖိုင်နယ် ပထမအကျော့ပွဲစဉ်ကိုလည်း လွဲချော်မည်ဖြစ်ကြောင်း ပြောကြားခဲ့သည်။
တူဟယ်လ်က "ကွန်တေဟာ တစ်ဦးချင်းလေ့ကျင့်ခန်းတွေတော့ ပြုလုပ်နေပါတယ်။ ဒါပေမဲ့ ဝက်စ်ဘရွန်းနဲ့ပွဲမှာတော့ ပါနိုင်မှာ မဟုတ်ပါဘူး။ သူက နိုင်ငံအသင်းအတွက် ကစားရင် ဒဏ်ရာရရှိခဲ့တာပါ။ ကွန်တေအနေနဲ့ ပေါ်တိုနဲ့ ကစားမယ့် ချန်ပီယံလိဂ်ကွာတားဖိုင်နယ် ဒုတိယအကျော့မှာတော့ ပါဝင်နိုင်မယ်လို့ ထင်ပါတယ်"ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
