PSG အသင်း၏ တိုက်စစ်မှူး ဘာပေက ပြင်သစ်မီဒီယာများ၏ ဖိအားပေးမှုကြောင့် အသင်းမှ ထွက်ခွာဖွယ်ရှိသည်ဟု ထုတ်ဖော်ပြောကြားခဲ့သည်။
ဘာပေသည် ဥရောပထိပ်သီး အသင်းများစွာ၏ ခေယူရန် စိတ်ဝင် စားခြင်းခံနေရသူတစ်ဦးဖြစ်၍ ယခုကဲ့သို့ ပြောကြားမှုမှာ အပြောင်းအရွှေ့သတင်းများကို ပိုမိုလှုပ်ခတ်သွားစေခဲ့သည်။
ဘာပေက ပြည်ပမှ လာရောက်ကစားနေသူများထက် ပြင်သစ်ကစားသမားဖြစ်နေခြင်းက မီဒီယာများ၏ မျက်စိဒေါက်ထောက်ကြည့်ခြင်းနှင့် ပိုမိုရင်ဆိုင်ရပြီး ယင်းအခြေအနေမှာ စိတ်ပျက်စရာဖြစ်သည်ဟုလည်း ဆိုခဲ့သည်။
ဘာပေက "မီဒီယာတွေရဲ့ ဝေဖန်မှုတွေက စိတ် ပျက်စရာကောင်းလွန်းပါတယ်။ အထူးသဖြင့် ကိုယ့်နိုင်ငံက ကလပ်အ သင်းတစ်သင်းမှာ ကစားနေပြီး လက်ရွေးစင်အသင်းအတွက်လည်း အ ကောင်းဆုံးဖြစ်အောင် ကြိုးစားနေရချိန်မှာ ပိုဆိုးပါတယ်။ ဒါဟာ ပြည်ပကစားသမားတွေနဲ့လည်း ခြားနားပါတယ်။ ဘောလုံးကစားရတာ ပျော်ရွှင်မှုရှိဖို့လိုပါတယ်။ PSG မှာ ဆက်နေမလား၊ လမ်းခွဲမလားဆိုတာ ဆုံးဖြတ်ရ မယ့်အခြေအနေရောက်လာပါပြီ"ဟု ပြောကြားခဲ့သည်။
PSG အသင်းနှင့် ချုပ်ဆိုထားသည့် ဘာပေ၏ စာချုပ်မှာ ၂၀၂၂ ဇွန်လ (၃၀)ရက်တွင် ကုန်ဆုံးမည်ဖြစ်ပြီး PSG အသင်းသည် ၎င်းကို သက်တမ်းတိုးရန်ကြိုးပမ်းမှုအဆင်မပြေပါက လာမည့်နွေရာသီအပြောင်းအရွှေ့ကာလတွင် ရောင်းထုတ်ဖွယ်ရှိနေသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
