လက်စတာအသင်း၏နည်းပြ ဘရန်ဒန်ရော်ဂျာက မန်စီးတီးနှင့်ပွဲတွင် ကွင်းလယ်ကစားသမား မတ်ဒီဆန် ပါဝင်ကစားနိုင်မည်ဟု အတည်ပြုပြောကြားခဲ့သည်။
အသက် (၂၄)နှစ်အရွယ်ရှိ အင်္ဂလန်ကွင်းလယ်ကစားသမား မတ်ဒီဆန်သည် ဖေဖော်ဝါရီ (၂၁)ရက်က ကစားခဲ့သည့် ပရီးမီးယားလိဂ်ပွဲစဉ် အက်စတွန်ဗီလာ (၁-၂) လက်စတာပွဲတွင် တင်ပါးဒဏ်ရာရရှိခဲ့ပြီး ပွဲချိန်(၆၄)မိနစ်တွင် မန်ဒီနှင့် လူစားလဲခဲ့ရသည်။
မတ်ဒီဆန်သည် အဆိုပါဒဏ်ရာကြောင့် ယင်းကတည်းက အနားယူနေရခဲ့ရပြီး အင်္ဂလန်အသင်း၏ ကမ္ဘာ့ဖလားခြေစစ်ပွဲ(၃)ပွဲစလုံးကို လွဲချော်ခဲ့ရသည်။
သို့သော် ယခုအခါ မတ်ဒီဆန်အနေဖြင့် လက်စတာအသင်းနှင့်အတူ လေ့ကျင့်မှု ပြန်လုပ်နိုင်ပြီဖြစ်ပြီး မန်စီးတီးနှင့်ပွဲတွင် ပါဝင်ကစားရန် အသင့်ဖြစ်နေပြီဟု ဘရန်ဒန်ရော်ဂျာက ပြောကြားခဲ့ခြင်းဖြစ်သည်။
ဘရန်ဒန်ရော်ဂျာက "အသင်းအတွက် သတင်းကောင်းပါပဲ။ မတ်ဒီဆန်အနေနဲ့ (၁၀၀)ရာခိုင်နှုန်း ကြံ့ခိုင်မှုမပြည့်ဝသေးပေမဲ့ မန်စီးတီးပွဲမှာ ပါဝင်ကစားဖို့ အသင့်ဖြစ်နေပါပြီ။ သူ့အနေနဲ့ ရာသီကုန်အထိ ကြံ့ခိုင်မှုအပြည့် ကစားနိုင်ဖို့ မျှော်လင့်ပါတယ်"ဟု ပြောကြားခဲ့သည်။
မတ်ဒီဆန်သည် ယခုရာသီတွင် လက်စတာအသင်းအတွက် ခြေစွမ်းပြကစားနေပြီး ပြိုင်ပွဲစုံ (၃၂)ပွဲတွင် (၁၁)ဂိုး သွင်းယူထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
