Top News

လော့စ်အိန်ဂျလိစ်တောမီးကြောင့် နေအိမ်ဆုံးရှုံးသွားသည့် အနုပညာရှင်များတွင် ပဲရစ်ဟီလ်တန်လည်း ပါဝင်
24htopnews | January 17, 2025 7:12 PM CST

အမေရိကန်ပြည်ထောင်စု ၊ လော့စ်အိန်ဂျလိစ်တွင် ဇန်နဝါရီ ၇ ရက်မနက်အစောပိုင်းကစတင်ပြီး တောမီးများ အကြီးအကျယ်လောင်ကျွမ်းလျက်ရှိရာ နာမည်ကျော်အနုပညာရှင်များ၏ နေအိမ်များလည်း မီးထဲပါသွားပြီး ပဲရစ်ဟီလ်တန်၏အိမ်လည်း ပါသွားသည်။

အိမ်ကို တောမီးဝါးမြိုသွားသည့်အတွက် ပြောမပြနိုင်အောင် စိတ်မကောင်းဖြစ်ရသည်ကို ဟီလ်တန်ဟိုတယ်လုပ်ငန်းစု၏ အမွေဆက်ခံသူများထဲမှတစ်ဦးဖြစ်သည့် အမေရိကန်သရုပ်ဆောင်၊ မော်ဒယ် ပဲရစ်ဟီလ်တန်က  အင်စတာဂရမ်တွင် ရေးတင်ထားသည်။ ၎င်း၏ ပို့စ်တွင် “မိသားစုနဲ့အတူထိုင်ပြီး သတင်းထဲမှာ  ကိုယ့်ရဲ့အိမ်ပြာကျသွားတာကို ကြည့်ရတယ်ဆိုတာ ဘယ်သူမှမကြုံသင့်တဲ့တွေ့ကြုံမှုပဲ။ မာလီဘူမှာရှိတဲ့ အဲဒီအိမ်မှာ အဖိုးမဖြတ်နိုင်တဲ့ အမှတ်တရတွေအများကြီးရှိတယ်။ သားဖီးနစ် လမ်းစလျှောက်တတ်တာ အဲဒီအိမ်မှာပဲ။ သမီးလန်ဒန်နဲ့လည်း အဲဒီမှာပဲ တစ်သက်တာအမှတ်တရတွေ ဖန်တီးသွားဖို့ စိတ်ကူးခဲ့တာ” ဟု ပဲရစ်က ရင်ဖွင့်ထားသည်။

တောမီးကြောင့် အိမ်ဆုံးရှုံးသွားသူများထဲ မင်းသားဂျွန်ဂွတ်မန်းနှင့် ဗြိတိန်ဝါရင့်မင်းသားကြီး အန်သနီဟော့ကင်းစ်တို့လည်း ပါနေပြီး Top Gun: Maverick သရုပ်ဆောင် မိုင်းလ်စ်တယ်လာတို့ ဇနီးမောင်နှံ၏ ဒေါ်လာခုနစ်သန်းခွဲတန်အိမ်လည်း မီးထဲပါသွားသည်။


READ NEXT
Cancel OK