Top News

မြိတ်-ကော့သောင်းလမ်းအပိုင်းတွင်တခြားလမ်းကြောင်းများထက် ရေလမ်းခရီး ကို ဒေသခံများ စတင်အားပြုလာနေရ ကြောင်းသိရသည်။

တနင်္သာရီတိုင်းဒေသကြီးအတွင်းရှိမြိတ်-ကော့သောင်း ကားလမ်းအပိုင်းတွင် နယ် မြေမတည်ငြိမ်မှုများ မကြာခဏဖြစ်ပေါ်နေခြင်း၊လေယာဉ်စျေးနှုန်း ကြီးမြင့်ခြင်းများ ကြောင့် ရေလမ်းခရီးကိုပိုမိုအားထားလာ နေ ရကြောင်းဒေသခံများက ပြောကြားသည်။

“မြိတ်-တနင်္သာရီ-ဘုတ်ပြင်းအထိ ကို ကားလမ်းတစ်လျှောက် မတည်ငြိမ်ဘူး။ ဘယ် အချိန်ဘာဖြစ်မယ် မပြောတတ်ဘူး၊တိုက်ခိုက် မှုတွေမကြာခဏဆိုသလိုဖြစ်နေတယ်၊ဂိတ်တွေကလည်း အများကြီးပဲ ကားခထက် ဂိတ် ကြေးတွေက ပိုများနေတယ်။ ပြည်သူတွေ ရောင်းဝယ်ဖောက်ကားဖို့က စရိတ်တွေများ လာနေတယ်၊ ကုန်ကားတွေ၊ အိမ်စီးကား တချို့တော့သွားနေတယ်၊ ကားလမ်းအသုံးပြု မှုတော့အတော်နည်းပြီးစိတ်ချရတဲ့ ရေလမ်း ခရီးကိုပြည်သူတွေ စတင်ရွေးချယ်လာကြ ပြီ” ဟု ခရီးသွားလာနေသူများက ပြောကြား သည်။

ကုန်းလမ်းခရီး စိတ်မချရသည့် အပြင် လေယာဉ်ခရီးစဉ်လက်မှတ်များက သာမန် ပြည်သူများလက်လှမ်း မမှီတော့ကြောင်းသိရ သည်။

“လုပ်ငန်းရှင် တချို့ကတော့ စပိဘုတ် တွေ ပြေးဆွဲပေးနေတယ်၊ တိုက်ပွဲကြောင့် လမ်း ပိတ်တဲ့အချိန် ပြေးဆွဲပေးနေရာမှ အခု ဆိုရင် ပုံမှန် ခရီးစဉ်မျိုးပြေးဆွဲပေးနေရတယ်၊ လူတစ်ဦးကို မြိတ်-ကော့ သောင်း နှစ်သိန်း ကျပ်စျေး ရှိတယ်၊ ကြာချိန် ၆ နာရီရှိတယ်၊စပိ ဘုတ်ဖြစ်တဲ့အတွက်သာမန်ခရီးသွားတွေအတွက်တော့ အဆင်ပြေတယ်၊ကုန်စည်တင်လို့မရဘူး၊အခြေခံလူတန်းစားတွေ မစီးနိုင် သေးဘူး ” ဟု ကော့သောင်းဒေသခံ တစ်ဦးက ပြောကြားသည်။

လေကြောင်းခရီးစဉ်မှာမြိတ်-ကော့ သောင်းခရီးအ တွက် ကျပ်သုံးသိန်းခွဲနီးပါး ပေါက်စျေးရှိနေပြီး ယခင်ကပြေး ဆွဲခဲ့ဖူးသော ကမ်းရိုးတန်းသွား အမြန်ရေယာဉ်များကို ပြည်သူများ ပိုမိုမျှော်လင့်နေကြောင်း သိရ သည်။