Top News

ဖိလစ်ပိုင်ရေတပ်သည်ပင်လယ်ပြင်တွင် စက်ချွတ်ယွင်းသွားသည့် သင်္ဘောနှင့်အတူ ခြောက်ရက်ကြာ မျောပါနေသည့် လူပေါင်း ၁၂၁ ဦးကို ကယ်တင်နိုင်ခဲ့ကြောင်း ဇန်နဝါရီ ၁၅ ရက်က ပြောကြားခဲ့သည်။

J Sayang 1 အမည်ရှိ အဆိုပါသင်္ဘောသည် ဇန်နဝါရီ ၈ ရက်က ဆူးလူးပင်လယ်ကိုဖြတ်ပြီး ပြည်တွင်းခရီးစဉ်တစ်ခုသွားရောက်ချိန်တွင် လောင်စာဆီပြတ်လပ်သွားပြီး အင်ဂျင်နှိုးမရတော့သဖြင့် ပင်လယ်အတွင်းမျောပါနေခဲ့ ခြင်းဖြစ်ကြောင်း ဖိလစ်ပိုင်ရေတပ်က ထုတ်ပြန်ခဲ့သည်။ ထိုသင်္ဘောသည် ဆက်သွယ်ရေးစနစ်များလည်းချွတ်ယွင်းခဲ့သဖြင့် အဆက်အသွယ်ပြတ်တောက်သွားခဲ့သည်ဟုဆိုသည်။

ဖိလစ်ပိုင်ရေတပ်ကင်းလှည့်သင်္ဘော တစ်စင်းကမူ ပျောက်ဆုံးနေသည့် ထိုသင်္ဘောကိုရှာဖွေရာတွင် ဇန်နဝါရီ ၁၄ ရက်က ဖိလစ်ပိုင်နိုင်ငံတောင်ပိုင်း တာဝီတာဝီကျွန်းစု၏ ကမ်းလွန်ရေပြင်တွင်တွေ့ရှိခဲ့သည်။ ထိုသင်္ဘော ပေါ်တွင်ခရီးသည် ၁၀၆ ဦးနှင့် သင်္ဘောအမှုထမ်း ၁၅ ဦးလိုက်ပါခဲ့ပြီး အားလုံးသည်ဖိလစ် ပိုင်နိုငင်ံသားများဖြစ်ကာ ပင်လယ်အတွင်းမျောပါနေချိန်တွင် အစားအစာနှင့်ရေကို ချွေတာခဲ့ရသဖြင့် ပင်ပန်းနွမ်းနယ်နေကြကြောင်း ထုတ်ပြန်ချက်တွင် ဖော်ပြခဲ့သည်။

Ref: AFP