ရန်ကုန်တိုင်းဒေသကြီးတွင် ၁၈ ရက် အတွင်း မီးလောင်မှု ၂၈ ကြိမ်ဖြစ်ပွားခဲ့ပြီး လေးဦးသေဆုံးခဲ့ကြောင်း သိရသည်။
ဇန်နဝါရီ ၁၃ ရက်မှ ဇန်နဝါရီ ၃၀ ရက် အတွင်း Grand Royal အရက်ချက်စက်ရုံ၊ စိန်ဂေဟာ အစရှိသည့် ဆုံးရှုံးမှုကြီးမားသည့် မီးလောင်မှုများဖြစ်ပွားခဲ့ပြီး အဆိုပါမီး လောင်မှုများကြောင့် မီးသတ်တပ်ဖွဲ့နှင့် ပရ ဟိတအဖွဲ့ဝင် ၂၀ ကျော် ထိခိုက်ဒဏ်ရာရရှိ ခဲ့သည်။ မှော်ဘီမြို့နယ် Grand Royal အရက်ချက်စက်ရုံမီးလောင်မှုအား ၁၆ နာရီ ကျော် မီးငြိှမ်းသတ်ခဲ့ရကြောင်း မြန်မာနိုင်ငံ မီးသတ်တပ်ဖွဲ့၏ ထုတ်ပြန်ချက်တွင် ဖော်ပြ ချက်များအရ သိရသည်။
အရက်ချက်စက်ရုံမှာ ဇန်နဝါရီ ၁၃ ရက် မွန်းလွဲ ၃ နာရီခွဲမှစတင်ကာ မီးစတင် လောင်ကျွမ်းခဲ့ခြင်းဖြစ်ပြီး ဇန်နဝါရီ ၁၄ ရက် နံနက် ၇ နာရီတွင်မှ မီးငြိမ်းခဲ့ခြင်းဖြစ်ကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက် အရ သိရသည်။
အဆိုပါမီးလောင်ကျွမ်းမှုအား မီးသတ် တပ်ဖွဲ့မှ Level 3 အဆင့်သတ်မှတ်ကာ မီး ငြိှမ်းသတ်ခဲ့ရပြီး မီးသတ်တပ်ဖွဲ့ဝင်နှင့်ပရဟိ တတပ်ဖွဲ့ဝင် ၁၉ ဦး ထိခိုက်ဒဏ်ရာရရှိခဲ့ ကြောင်း သိရသည်။
ထို့ပြင် ဇန်နဝါရီ ၂၇ ရက် ည ၇ နာရီခွဲ ကျော်တွင် လှိုင်သာယာမြို့နယ် မဟာမင်း ခေါင်လမ်းရှိ စိန်ဂေဟာတွင် မီးလောင်ကျွမ်း မှု ဖြစ်ပွားကြောင်း သတင်းရသဖြင့် မီးသတ် တပ်ဖွဲ့ဝင်များနှင့် ပရဟိတအဖွဲ့များမှ သွား ရောက်ခဲ့ကြောင်းသိရသည်။
စိန်ဂေဟာအပေါ်ထပ်မှ မီးစတင် လောင်ကျွမ်းခြင်းဖြစ်ပြီး ယင်းနောက် အခြား နေရာများသို့ မီးကူးစက်ခဲ့ခြင်းဖြစ်ကာ အဆို ပါမီးလောင်မှုကြောင့် အရန်မီးသတ်တပ်ဖွဲ့ ဝင်လေးဦးခန့် ထိခိုက်ဒဏ်ရာရရှိခဲ့သည်ဟု ပရဟိတအဖွဲ့ဝင်များထံမှ သိရသည်။
ဇန်နဝါရီ ၂၅ ရက် နံနက် ၂ နာရီကျော် ခန့်တွင် မြောက်ဒဂုံမြို့နယ် ၃၃ ရပ်ကွက် စိန် ပန်းမြိုင်(၁)လမ်းရှိ နေအိမ်တစ်အိမ် မီး လောင်ကျွမ်းသဖြင့် နေအိမ်ရှိ အသက် ၉၀ အရွယ်အဘွားအိုတစ်ဦး၊ အသက် ၃၀ အ ရွယ်သူနာပြုတစ်ဦး၊ အသက် ၂၀ ဝန်းကျင် ခန့်အရွယ်ရှိ သူနာပြုတစ်ဦးနှင့် အသက် ၅၀ အရွယ် အမျိုးသားတစ်ဦးတို့မှာ အခင်းဖြစ် နေရာတွင် သေဆုံးခဲ့သည်။
မီးလောင်မှု ၂၈ ကြိမ်တွင် မော်တော် ယာဉ်မီးလောင်မှု၊ နေအိမ်မီးလောင်မှုနှင့် မြက်ခြောက်မီးလောင်မှုများလည်း ပါဝင် သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
