ကရင်ပြည်နယ်၊ ဘားအံမြို့နယ်၊ ဖားပုတောင်အနီး သံလွင်မြစ်ကမ်းဘေးတွင် ဖေဖေါ်ဝါရီလ ၃ ရက် မွန်းလွဲပိုင်းက ရေဆင်းကူးရာမှ အသက် ၁၈ နှစ်အရွယ် လူငယ်တစ်ဦး ရေနစ်သေဆုံးခဲ့ကြောင်း ပရဟိတလူမှုကူညီကယ်ဆယ်ရေးအဖွဲ့များထံမှ သိရသည်။
ဖေဖေါ်ဝါရီလ (၃) ရက် မွန်းလွဲ သုံး နာရီဝန်းကျင်အချိန်က ဖားပုတောင်အနီး သံလွင်မြစ်ကမ်းဘေးတွင် ရေကူးဆော့ကစားကြရာမှ ဘားအံမြို့နယ်၊ လှာကာကျေးရွာ၊ ဓမ္မပါလရပ်နေ မောင်ပြည့်ချမ်းအောင် (၁၈) နှစ်မှာ ရေနစ်ပျောက်ဆုံးခဲ့သည်ဟု သိရကြောင်း ဘားအံမြို့နယ် အခြေစိုက် ပရဟိတလူမှုကူညီကယ်ဆယ်ရေးအဖွဲ့မှ တာဝန်ရှိသူတစ်ဦးက ပြောကြားသည်။
၎င်းကဆက်လက်ပြီး "မနေ့ညနေကတည်းက ရှာဖွေမှုတွေလုပ်ဆောင်ခဲ့ပေမယ့် မတွေ့ခဲ့ဘူး။ ဒီနေ့ (ဖေဖေါ်ဝါရီလ (၄) ရက်) မှာတော့ မြန်မာနိုင်ငံမီးသတ်တပ်ဖွဲ့က Rescue Team ရယ်၊ မာဃ (သံလွင်အနောက်) လူမှုကူညီကယ်ဆယ်ရေးအသင်း၊ နောက် ပေးဆပ်သူ Rescue Team အပြင် မော်လမြိုင်က ရာမည လူမှုကူညီကယ်ဆယ်ရေးအဖွဲ့က Diver Team အဖွဲ့ကပါလာရောက်အားဖြည့်ပြီး ရှာဖွေရေးတွေဆောင်ရွက်ခဲ့တဲ့အခါမှာ ဒီနေ့ မနက် (၁၁) နာရီလောက်မှာ မောင်ပြည့်ချမ်းအောင် ရဲ့ ရုပ်အလောင်းကို သူရေနစ်သွားတယ်ဆိုတဲ့ နေရာအနီးမှာပဲ ပြန်လည်ဆယ်ယူရရှိခဲ့ပါတယ်" ဟု ပြောကြားသည်။
ရေနစ်သေဆုံးခဲ့သည့် မောင်ပြည့်ချမ်းအောင် ၏ ရုပ်အလောင်းအား လူမှုကူညီကယ်ဆယ်ရေးအဖွဲ့မှ လူနာတင်ယာဉ်ဖြင့် ဘားအံပြည်သူ့ဆေးရုံကြီးရှိ ရင်ခွဲရုံသို့ ပို့ဆောင်ပေးခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
