စစ်ကိုင်းတိုင်းဒေသကြီး၊ အရာတော် မြို့နယ်၊ ငွေတွင်းကျေးရွာ၌ မင်္ဂလာပွဲကျင်းပနေသည့် မဏ္ဍပ်ပေါ်သို့ PDF များကဒရုန်းဖြင့် Drop Bomb တစ်လုံး ပစ်ချတိုက်ခိုက်ခဲ့သဖြင့် သတို့သားအပါအဝင် မင်္ဂလာပွဲသို့ ရောက်ရှိနေသည့် ပြည်သူငါးဦးထိခိုက် ဒဏ်ရာရရှိခဲ့ကြောင်း သိရသည်။
ဖေဖော်ဝါရီ ၂ ရက် နံနက် ၉ နာရီခွဲတွင် အရာတော်မြို့နယ်၊ ငွေတွင်း ကျေးရွာနေသူ များဖြစ်သည့် မောင်နောင်နောင်(၂၀ နှစ်)နှင့် မနွယ်သဇင်မိုး (၁၉ နှစ်)တို့၏ မင်္ဂလာဧည့်ခံပွဲအား ဦးလှိုင်မိုး၏နေအိမ်ရှေ့ မဏ္ဍပ်၌ ကျင်းပနေစဉ် မင်္ဂလာမဏ္ဍပ်ပေါ်သို့ PDF များက ယင်းမာကန်ကျေးရွာဘက်မှနေ၍ဒရုန်းဖြင့် Drop Bomb တစ်လုံးပစ်ချတိုက်ခိုက်ခဲ့ရာ Drop Bomb မှာ မဏ္ဍပ်ပေါ်သို့ ကျရောက်ပေါက်ကွဲခဲ့ပြီး ပေါက်ကွဲမှုကြောင့် မဏ္ဍပ်အတွင်းရှိနေသည့် သတို့သား မောင်နောင်နောင်အပါအဝင် ပြည်သူ အမျိုးသား ငါးဦးတို့တွင် ဗုံးစထိမှန်ဒဏ်ရာများ အသီးသီးရရှိခဲ့သဖြင့် အရာတော်မြို့နယ် ပြည်သူ့ဆေးရုံ၌ ဆေးကုသမှုခံယူခဲ့ရကြောင်းသိရသည်။
ထိုသို့မင်္ဂလာပွဲအတွင်းသို့ ပစ်ခတ်တိုက်ခိုက်ခဲ့သူများအား ဖော်ထုတ်ဖမ်းဆီးနိုင်ရေးနှင့် နယ်မြေတည်ငြိမ်အေးချမ်းရေးတို့အတွက် လုံခြုံရေးတပ်ဖွဲ့ဝင်များက နယ်မြေလုံခြုံရေးလုပ်ငန်းများအား ဆက်လက် ဆောင်ရွက်လျက်ရှိကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
