မကွေးတိုင်းဒေသကြီး အောင်လံမြို့နယ် သရက်ချောင်းကျေးရွာမှ ညီအစ်ကိုနှစ်ဦး ဒလန်ဟုစွပ်စွဲခံရပြီး သေနတ်၊ ဓားဖြင့် ပစ်ခတ်ထိုးခုတ်ခံရကာ ညီဖြစ်သူ သေဆုံးခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်သည်။
ဖေဖော်ဝါရီ ၂ ရက် ညနေ ၅ နာရီ ၂၀ မိနစ်တွင် အောင်လံမြို့နယ်၊ သရက်ချောင်းကျေးရွာနေ ဦးထက်စိန်၏ သားနှစ်ဦးဖြစ်သည့် ကိုဇော်မျိုးအောင် (၃၂)နှစ်နှင့် ကိုကျော်ရဲအောင် (ခ)ချင်းလေး(၃၀)နှစ်တို့သည် ဥယျဉ်ကျေးရွာနှင့် သရက်ချောင်း ကျေးရွာကြားရှိ ချောင်းအတွင်း အလုပ်လုပ်ကိုင်နေစဉ် PDFများက ရောက်ရှိလာပြီး ၎င်းတို့နှစ်ဦးအား ဒလန်ဟုစွပ်စွဲကာ သေနတ်၊ ဓားများဖြင့် ပစ်ခတ်၊ ထိုးခုတ်ခဲ့သဖြင့် ကိုဇော်မျိုးအောင်တွင် ဝမ်းဗိုက်နှင့် ယာပေါင်တို့၌ ထိုးသွင်းဒဏ်ရာနှစ်ချက်နှင့် ကိုကျော်ရဲအောင်(ခ)ချင်းလေးတွင် လည်ပင်း၊ ယာခြေသလုံးနှင့် နောက်ကျောတို့၌ ကျည်ဖောက်ဝင် ဒဏ်ရာသုံးချက်တို့ အသီးသီးရရှိခဲ့ကြောင်းသိရသည်။
ထို့နောက် ၎င်းတို့နှစ်ဦးအား ဆေးကုသမှုခံယူနိုင်ရေး ရွှေပန်းတောတိုက်နယ် ဆေးရုံသို့ ပို့ဆောင်ဆေးကုသမှုခံယူနေစဉ် ကိုကျော်ရဲအောင်(ခ)ချင်းလေးမှာ အခင်းဖြစ်စဉ်က ရရှိထားသည့် ဒဏ်ရာများဖြင့် သေဆုံးခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
