မင်းသားပတ်ဂျောင်မင်နှင့် တွဲဖက်သရုပ်ဆောင်ထားသည့် Newtopia ဇွန်ဘီး ဒရာမာရုပ်သံဇာတ်လမ်းတွဲအတွက် အက်ရှင်သင်တန်းကျောင်းတက်ခဲ့ရသည်ဟု အဆိုတော်၊ သရုပ်ဆောင်ဂျီဆူးက ယင်းဇာတ်လမ်းတွဲအတွက်ပြုလုပ်သည့် သတင်းစာရှင်းလင်းပွဲတွင် ဖွင့်ဟသွားသည်။
Deliver Us From Evil ၊ Smugglers စသည့်ရုပ်ရှင်ကားများဖြင့် သရုပ်ဆောင်ပိုင်နိုင်ခဲ့သည့် ပတ်ဂျောင်မင်က Newtopia တွင် စစ်သားလီဂျယ်ယွန်းအဖြစ် ၊ ဂျီဆူးက ၎င်း၏ချစ်သူယောင်ဂျူးအဖြစ်မြင်ရမည်။ဇွန်ဘီး များလွှမ်းမိုးသွားသည့် ဆိုးလ်မြို့တွင် ချစ်သူနှစ်ဦး တစ်ဦးကိုတစ်ဦးလိုက်ရှာကြပုံကို ဇာတ် လမ်းဆင်ရိုက်ကူးထားသည်။
သတင်းစာရှင်းလင်းပွဲတွင် ဂျီဆူးက “ဇွန်ဘီးရုပ်ရှင်တွေလည်း အများကြီးကြည့်ဖူးပါတယ်။ ဒါပေမဲ့ Newtopia ဇာတ်ညွှန်းကိုဖတ်လိုက်တော့ ဇွန်ဘီးသီးသန့်တင်မဟုတ်တာ သိိလိုက်ရတယ်။ လုံးဝဇွန်ဘီးဇာတ်လမ်း သစ်ပုံစံမျိုး။ နောက်ပြီးယောင်ဂျူးဇာတ်ကောင်က စိတ်ဝင်စားစရာကောင်းတယ်။ ကိုယ်ပိုင်အစွမ်းအစနဲ့ ရှင်သန်တဲ့ကာရိုက်တာမျိုး သရုပ်ဆောင်ကြည့်ချင်တယ်။ ဒါ့ကြောင့်စဉ်းစားမနေဘဲ လက်ခံလိုက်တယ်”ဟု ပြော သွားသည်။
ဆက်ပြီး “အစပိုင်းမှာ ရှေ့ကျွမ်းထိုးတာကို သိပ်မလုပ်နိုင်ဘူး။ ဒါပေမဲ့အက်ရှင်သင် တန်းကျောင်းတက်ပြီးတော့ ရှေ့ကျွမ်းထိုးကို ဆက်တိုက်ငါးခါလုပ်နိုင်သွားတယ်။ နောက်ကျွမ်းထိုးက ပိုခက်တယ်။ သင်တန်းမှာလေ့ ကျင့်ရတဲ့အတွက် သက်လုံကောင်းသွားတယ်။ အက်ရှင်ခန်းတွေလည်းရိုက်ရော အရမ်းအသုံးဝင်တယ်” ဟုလည်း ဂျီဆူးကပြောပြ သည်။Newtopia ကို ဖေဖော်ဝါရီ ၇ ရက်တွင် Coupang Play မှ စတင်ပြသသွားမည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
