အင်တာမီလန်အသင်းသည် ဆောက်သမ်တန်အသင်း နောက်ခံလူ စီဒရစ်အား ယခုရာသီကုန်အထိ အငှားဖြင့်ခေါ်ယူနိုင်ခဲ့ပြီဖြစ်ကြောင်းအတည်ပြုထုတ်ပြန်ခဲ့သည်။
အင်တာမီလန်အသင်းသည် အသက် (၂၇) နှစ်အရွယ်ရှိ ပေါ်တူဂီနောက်ခံလူ စီဒရစ်ကို ရာသီကုန်အထိ အငှားခေါ်ယူခဲ့ခြင်းအတွက် ပေါင် (၅) သိန်းပေးချေခဲ့ရပြီး ပေါင် (၉.၅) သန်းဖြင့်အပြီးသတ် ခေါ်ယူခွင့်ကိုပါ စာချုပ်တွင် ထည့်သွင်းချုပ်ဆိုခဲ့ကြောင်း သိရသည်။
အင်တာမီလန်အသင်း၏ ထုတ်ပြန်ချက်တွင် '' စီဒရစ်ဟာ ကျွန်တော်တို့အင်တာမီလန်အသင်းရဲ့ ကစားသမားသစ်ဖြစ်လာခဲ့ပါပြီ။ အသက် (၂၇) နှစ်ရှိပြီဖြစ်တဲ့ စီဒရစ်ဟာ ဆောက်သမ်တန်အသင်းကနေ ရာသီကုန်အထိ အငှားနဲ့ အသင်းကို ပြောင်းရွှေ့လာတာဖြစ်ပြီး အပြီးသတ် ခေါ်ယူခွင့်ကိုပါ စာချုပ်မှာ ထည့်သွင်းချုပ်ဆိုထားပါတယ်'' ဟု ပါရှိသည်။
စီဒရစ်သည် ပရော်ဖက်ရှင်နယ်ကစားသမားဘဝကို စပို့တင်းလစ္စဘွန်းအသင်းတွင် စတင်ခဲ့သူဖြစ်ပြီး ဆောက်သမ်တန်အသင်းကို ၂၀၁၅ ခုနှစ်တွင် ယူရို (၆.၅) သန်းဖြင့် ပြောင်းရွှေ့ခဲ့သည်။
၄င်းသည် ဆောက်သမ်တန်အသင်းအတွက် (၄) ရာသီအတွင်း ပြိုင်ပွဲစုံ (၁၁၂) ပွဲကစားခဲ့ပြီး (၂) ဂိုးသွင်းယူနိုင်ခဲ့သည်။ အင်တာမီလန်အသင်းသည် စီဒရစ်ကို ဒဏ်ရာရနေသည့် ဗာဆယ်လ်ကိုနေရာတွင် အစားထိုးရန် ခေါ်ယူခဲ့ခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
