Top News

မိသားစုရန်ပွဲဖြစ်ပြီးနောက် Zayn Malik နှင့် Gigi Hadid တို့ လမ်းခွဲလိုက်ကြ
24htopnews | January 15, 2025 11:12 AM CST

One Direction အဖွဲ့ဝင်ဟောင်း အဆိုတော် Zayn Malik နှင့်စူပါမော်ဒယ် Gigi Hadid တို့ လမ်းခွဲထားကြောင်း ဖျော်ဖြေရေး ဝက်ဘ်ဆိုက်ဖြစ်သည့် People က သတင်းရင်းမြစ်များကိုကိုးကားပြီး အောက်တိုဘာ ၂၈ ရက်တွင် ဖော်ပြထားသည်။

Hadid မိသားစု၏ မိတ်ဆွေဟုဆိုလာသူတစ်ဦး ပြောချက်အရ ၎င်းတို့စုံတွဲသည် လက်ရှိတွင် အတူမနေတော့ပေ။

စက်တင်ဘာ ၂၉ ရက်က အိမ်တွင်းစကားများမှုတွင် Malik က Gigi ၏မိခင် Yo-landa Hadid ကို နှုတ်ဖြင့်ပြောဆိုရုံသာမက လက်ပါပါခဲ့ပြီး ထိုကိစ္စဖြစ်ပြီးနောက် ကွဲသွားခြင်းဖြစ်သည်။ Malik တို့ စုံတွဲတွင် Khai ဆိုသည့် တစ်နှစ်သမီးလေးတစ်ဦး ရှိသည်။ Gigi က သမီးဖြစ်သူအတွက် အကောင်းဆုံးဖြစ်ရေးကိုသာ အာရုံရှိသည်ဟုလည်း ဆိုသည်။

Gigi နှင့် သူမ၏မိခင်အပေါ် ပြောဆိုကျူးလွန်ခဲ့မှုများအတွက် စွဲဆိုခံထားရသည့် စွဲချက်လေးခုကို Malik က ဝန်ခံခြင်းမရှိသော်လည်း ခုခံကာကွယ်ခြင်းလည်း မပြုလုပ်ခဲ့ပေ။ထို့ကြောင့် ပေးလာသည့်ပြစ်ဒဏ်ကို လက်ခံခဲ့ပြီး ၎င်းကို စွဲချက်လေးခုအတွက် ရက်ပေါင်း ၃၆၀ ကြာ ခံဝန်ချုပ်ဖြင့်လွှတ်ကာ ပြုပြင်ရေးသင်တန်းများ တက်ခိုင်းမည်ဖြစ်သည်။


READ NEXT
Cancel OK