အာဆင်နယ်အသင်းက အီမရိတ်စ်ကွင်းမှာ မန်ယူအသင်းကို (၂-၀)ဂိုးနဲ့အနိုင်ကစားကာ FAဖလားရှုံးကြွေးဆပ်ခဲ့ပြီး မန်ယူယာယီနည်းပြ ဆိုးလ်ရှားကို ပရီးမီးယားလိဂ်မှာ ပထမဆုံးရှုံးပွဲနဲ့ ရင်ဆိုင်စေခဲ့ပါတယ်။
အာဆင်နယ်အသင်းအတွက် ဒီနိုင်ပွဲဟာ အဖိုးတန်ခဲ့ကာ တတိယနေရာက စပါးနဲ့(၁)မှတ်အကွာထိ ကပ်လိုက်လာပြီး ပရီးမီးယားလိဂ်လက်ကျန်(၈)ပွဲမှာ Big Six ပြိုင်ဘက်တွေနဲ့တွေ့ဆုံဖို့မရှိတာကလည်း တစ်ပန်းသာစေခဲ့တာပါ။
ပွဲအစပိုင်းမှာတော့ (၂)သင်းစလုံး Open Games ကစားခဲ့ကြလို့ ပွဲက ကြည့်ကောင်းခဲ့ပြီး (၂)သင်းစလုံး အခွင့်အရေးတွေလည်း ရခဲ့ကြပါတယ်။
လုခ်ရှောဖြတ်တင်ဘောကနေ လူကာကူ သွင်းယူမှု ဘားတန်းထိခဲ့လို့ မန်ယူအသင်း ဦးဆောင်ဂိုးနဲ့ လွဲချော်ခဲ့ရပါတယ်။
(၁၂)မိနစ်မှာ ရှာကာ ဂိုးဧရိယာအပြင်ကန်ချက်က မန်ယူဂိုးသမား ဒီဟေးယား တွက်ကိန်းမှားခဲ့လို့ ဂိုးပေးလိုက်ရပါတယ်။
ဒီဟေးယားဟာ ဒီရာသီပရီးမီးယားလိဂ်ပွဲတွေမှာ ဂိုးဧရိယာအပြင်က သွင်းယူမှုတွေကနေ ပေးလိုက်ရတဲ့ဂိုး (၆)ဂိုးအထိရှိပြီး ပြီးခဲ့တဲ့ရာသီကထက် (၂)ဆရှိခဲ့ပါတယ်။
ချာကာကတော့ သူ့ရဲ့ပရီးမီးယားလိဂ်သွင်းဂိုး(၇)ဂိုးမှာ (၆)ဂိုးက ဂိုးဧရိယာအပြင်ကနေ သွင်းယူခဲ့တာဖြစ်တယ်။
အာဆင်နယ်အတွက် ဒုတိယဂိုးကိုတော့ (၆၉)မိနစ်မှာ ဖရက်ဒ် ဧရိယာထဲမှာ လာကာဇက်ကိုတွန်းခဲ့လို့ရတဲ့ ပယ်နယ်တီကနေ အူဘာမီယန်းက ကန်သွင်းယူခဲ့ပါတယ်။
ရန်းစ်နဲ့ယူရိုပါလိဂ်မှာ နာမည်ပျက်ခဲ့တဲ့ အာဆင်နယ်အသင်းခံစစ်ရဲ့ခြေစွမ်းကတော့ ဒီနေ့ပွဲမှာ Credit ပေးရမှာဖြစ်ပါတယ်။
မန်ယူတိုက်စစ်မှာ လူကာကူက အတိုးအလှုပ်တွေနဲ့ အာဆင်နယ်နောက်တန်းကို ဖိအားပေးနိုင်ခဲ့ပေမယ့် အဆုံးသတ်မှုတွေတော့ အားနည်းခဲ့ပါတယ်။
လက်ကျန်ပွဲတွေမှာ ချယ်လ်ဆီး၊ မန်စီးတီးတို့နဲ့ ကစားရဖို့ရှိနေတဲ့ မန်ယူအနေနဲ့ အခုရှုံးပွဲကြောင့် လုံးဝအမှားမခံတဲ့အခြေအနေကို ရောက်ခဲ့ရပါတယ်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
