ယီမင်နိုင်ငံရှိ သူပုန်များ ထိန်းချုပ်ထားသော အယ်ဘေဒါပြည်နယ်တွင် သဘာဝဓာတ်ငွေ့ ပြန်ဖြည့်ပေးသည့် ဆိုင်တစ်ဆိုင်၌ ပေါက်ကွဲမှုဖြစ်ပွားပြီး လူ ၁၂ ဦး သေဆုံးကာ လူ ၁၀၀ ကျော် ထိခိုက်ဒဏ်ရာ ရရှိခဲ့ကြောင်း တာဝန်ရှိသူနှစ်ဦးက ဇန်နဝါရီ ၁၂ ရက်တွင် ပြောကြားခဲ့သည်။
အယ်ဇာဟာဒေသရှိ ဓာတ်ငွေ့ဆိုင်၏ သိုလှောင်ခန်းတွင် ဇန်နဝါရီ ၁၁ ရက်က ပေါက်ကွဲမှုကြောင့် လူ ၁၂ ဦးသေဆုံးခဲ့ကာ ၁ဝဝကျော် ထိခိုက်ဒဏ်ရာ ရရှိခဲ့ကြောင်း ပြည်နယ်၏ ဆက်သွယ်ရေးအကြီးအကဲ အာရက်ဖ်အယ်ဂမ်ရီက ဆိုသည်။
ပေါက်ကွဲမှု ဖြစ်ပွားချိန်တွင် ဆိုင်၌ ဝယ်သူများရှိနေကြောင်း နောက်ထပ်ဒေသခံ တာဝန်ရှိသူတစ်ဦးက ဆိုသည်။
လူမှုမီဒီယာတွင် ပျံ့နှံ့နေသော ဗီဒီယိုများ၌ ဓာတ်ငွေ့ဆိုင်တွင် ဒါဇင်နှင့်ချီသော ကားများ တန်းစီနေစဉ် ပေါက်ကွဲမှုဖြစ်ပွားပြီး မီးခိုးများ ထွက်ပေါ်နေပုံကို မြင်တွေ့ရသည်။
အေအက်ဖ်ပီ သတင်းဌာနက လူမှုမီဒီယာတွင် ပျံ့နှံ့နေသော ဗီဒီယိုများသည် အစစ်အမှန်ဖြစ်ကြောင်း အတည်ပြုထားသည်။
ယီမင်တွင် ယင်းကဲ့သို့ မတော်တဆဖြစ်ပွားမှုမှာ ပထမဆုံးအကြိမ် မဟုတ်ပေ။
အီရန် ကျောထောက်နောက်ခံပြု ဟူရ်သီသူပုန်များနှင့် အစိုးရတပ်ဖွဲ့များကြား တိုက်ပွဲဖြစ်ပွားနေသည် ဟုယူဆသည့် ယင်းဒေသတွင် ဖြစ်ပွားသော ထိုပေါက်ကွဲမှု ဖြစ်ပွားရသည့် အကြောင်းအရင်းကို မသိရသေးပေ။
Ref:AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
