အာဆင်နယ်အသင်းနည်းပြ အာတီတာက FA ဖလားပွဲစဉ်တွင် ဒူးဒဏ်ရာရရှိခဲ့သည့် တိုက်စစ်ကစားသမား ဂျေးဆူး၏ဒဏ်ရာအတွက် စိုးရိမ်မိကြောင်း ထုတ်ဖော်ပြောကြားသည်။
ဂျေးဆူးသည် မန်ယူအသင်းအား ပယ်နယ်တီဖြင့် ရှုံးနိမ့်သည့် FA ဖလား တတိယအဆင့် အိမ်ကွင်းပွဲစဉ်တွင် ဘရူနိုဖာနန်ဒက်စ်ကို တားဆီးရန် ကြိုးပမ်းစဉ် ဒူးဒဏ်ရာရရှိခဲ့ခြင်းဖြစ်သည်။
၎င်းအနေဖြင့် ပထမပိုင်း မိနစ် ၄၀ မှာပင် စတာလင်နှင့် လူစားလဲခဲ့ရပြီး ထမ်းစင်ဖြင့် သယ်ထုတ်သွားရသောကြောင့် အာတီတာက ယခုလို ပြောကြားခြင်းဖြစ်သည်။
'' တော်တော်လေး စိုးရိမ်စရာပါ။ ဒါက ကျွန်တော့်ခံစားချက်ပါ။ သူက ဒူးကိုထိခိုက်မိတာဖြစ်ပြီး တော်တော်လေးနာကျင်နေလို့ ထမ်းစင်နဲ့ သယ်ထုတ်သွားရပါတယ်။ အဲဒီပုံစံကြည့်ရတာ သိပ်မကောင်းပါဘူး။ ဒါက နောက်တစ်ဖက် (၂၀၂၂ ကမ္ဘာ့ဖလားပြိုင်ပွဲတွင် ဒူးအရွတ်ဒဏ်ရာရရှိခဲ့ခြင်းကိုရည်ရွယ်၍) ကို ထိခိုက်မိတာပါ။ သူက နာကျင်နေလို့ ထွက်သွားတာပါ'' ဟု ၎င်းက ဆိုသည်။
ဆာကာအပြင် ဂျေးဆူးပါ ဒဏ်ရာရရှိသွားသဖြင့် ဇန်နဝါရီအပြောင်းအရွှေ့ကာလအတွင်း ကစားသမားသစ်ခေါ်ယူရန် အစီအစဉ်ရှိမရှိ ဆက်လက်မေးမြန်းမှုအပေါ် အာတီတာက ''ကျွန်တော်တို့အနေနဲ့ ဘာနဲ့မှ နီးစပ်မှုမရှိသေးပါဘူး။ ကျွန်တော်တို့မှာရှိနေတဲ့ ကစားသမားတွေကိုပဲ အာရုံစိုက်ထားပါတယ်။ အသင်းက အမြဲတမ်းအလုပ်လုပ်နေပါတယ်။ ကျွန်တော်တို့အနေနဲ့ ကိုယ့်အသင်း တိုးတက်လာအောင် အမြဲတမ်းကြိုးစားလုပ်ကိုင်နေတာပါ။ ဒါပေမဲ့ ကိုယ့်ရဲ့အရင်းအမြစ် တွေ၊ ကစားသမားတွေက ပိုကောင်းအောင် လုပ်နိုင်ပါတယ်'' ဟု ဖြေကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
