မလေးရှားနိုင်ငံသို့ သွားရောက်မည့် ဘင်္ဂါလီ ၁၇၃ ဦး တင်ဆောင်လာသည့် လှေတစ်စင်းကို ကော့သောင်းမြို့ ရေပြင်တွင် တပ်မတော် ( ရေ ) မှဖမ်းဆီးရမိခဲ့သည်။
အဆိုပါ ဘင်္ဂါလီများ တင်ဆောင်လာသည့်လှေအား ဒီဇင်ဘာ ၁၅ ရက် နံနက် ၉ နာရီကျော်တွင် သံကျွန်းအနောက်ဘက် ၁၃၅ မိုင်အကွာတွင် ဖမ်းဆီးရမိခဲ့ခြင်းဖြစ်သည်။
“အဲဒီလှေက နိုဝင်ဘာ ၂၇ ရက်က မြိတ်မြို့ကနေ ထွက်ခွာသွားတယ်။ ဘင်္ဂလားဒေ့ရှ် နိုင်ငံပိုင်တဲ့ စိန့်မာတင်ကျွန်း တောင်ဘက် ရှစ်မိုင်အကွာရေပြင်မှာ သွားရောက် စောင့်ဆိုင်းခဲ့တယ်။ ဘင်္ဂလားဒေ့ရှ်နိုင်ငံသား အာမတ်ဆိုသူက ဒီဇင်ဘာ ၄ ရက်၊ ၆ ရက်နဲ့ ၁၀ ရက်နေ့တွေမှာ လှေငယ်တွေနှင့် သုံးခေါက်တိတိ လာရောက် ပို့ဆောင်ခဲ့တယ်။ ဘင်္ဂလားဒေ့ရှ် နိုင်ငံမှာရှိတဲ့ ဟိုဒူဟာလန် ဒုက္ခသည်စခန်းကနေ သုံးခေါက်တိတိ လူမှောင်ခိုလုပ်တဲ့ သူတွေက လှေပေါ်ကို တင်ခဲ့ကြတယ်။ အဲဒီကနေတစ်ဆင့် မလေးရှားနိုင်ငံကို သွားဖို့အတွက် အခုလို ဖမ်းဆီးခံခဲ့ရတယ်” ဟု ကမ်းရိုးတန်းဒေသ တိုင်းစစ်ဌာနချုပ်မှ တိုင်းဦးစီးမှူး ဗိုလ်မှူးကြီး သန့်ဇင်ဦးက ပြောကြားသည်။
ဖမ်းဆီးရမိသည့် လှေမှာ အလျား ၆၅ ပေ၊ အနံ ၁၁ ပေရှိပြီး စစ်ဆေးမေးမြန်းချက်များအရ ပိုင်ရှင်မှာ မြိတ်မြို့ မြို့သစ်ရပ်ကွက်နေ ဦးအောင်မျိုးဆိုသူ ဖြစ်ကြောင်း၊ လှေပဲ့နင်းမှာ မြိတ်မြို့နယ် အင်းလေးမြိုင်ရပ်ကွက်မှ ဦးမျိုးဇော်ဆိုသူ ဖြစ်ကြောင်း ၎င်းကဆက်လက် ပြောကြားသည်။
လှေပေါ်တွင် ဘင်္ဂါလီအမျိုးသား ၈၂ ဦး၊ အမျိုးသမီး ၆၉ ဦး၊ ယောကျ်ားလေး ၁၃ ဦး၊ အမျိုးသမီးငယ် ကိုးဦး စုစုပေါင်း ၁၇၃ ဦး ဖြစ်ကြောင်း၊ လှေသား ခုနစ်ဦး ပါဝင်ကြောင်း၊ ဖမ်းဆီးရမိသူများကို ဇာဒက်ငယ်ကျွန်း အနီးတွင် ထိန်းသိမ်းထားဆဲဖြစ်ပြီး တာဝန်ရှိသူများက စစ်ဆေးဆောင်ရွက်နေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
