ဇန်နဝါရီ ၅ ရက်ညပိုင်းက အမေရိကန်ပြည်ထောင်စု၊ လော့စ်အိန်ဂျလိစ်တွင်ကျင်းပသည့် ၈၂ ကြိမ်မြောက် ရွှေကမ္ဘာလုံးရုပ်ရှင်ထူးချွန်ဆုပေးပွဲတွင် အသက် ၆၂ နှစ်အရွယ်ရှိ ဝါရင့်အမေရိကန်ရုပ်ရှင်မင်းသမီးဒမ်မီမိုးက The Substance ဇာတ်ကားဖြင့် အကောင်းဆုံးဇာတ်မြူးဇာတ်ဆောင်မင်းသမီးဆုကို ဆွတ်ခူးသွားခဲ့သည်။
ယင်းဆုသည် သရုပ်ဆောင်နှစ်သက်တမ်း ၄၅ နှစ်ဖြတ်ကျော်လာပြီးဖြစ်သည့် ဒမ်မီမိုးအတွက် ပထမဆုံးရသည့်ဆုလည်းဖြစ်၊ ၎င်းကိုယ်တိုင် မျှော်လင့်မထားသည့်ဆုလည်းဖြစ်သည်။
ဆုလက်ခံရယူရင်း ဒမ်မီက ဇာတ်ဆောင်မင်းသမီးဆုရမည်ဟု ထင်မထားသည့်အတွက် အံ့ဩသွားသည်ဟု ပြောသွားခဲ့သည်။ဇာတ်မြူးကဏ္ဍတွင် ဇာတ်ဆောင်မင်းသမီးဆုအတွက် နာမည်ကြီး Emilia Perez ဇာတ်ကားမှ ကာလာ ဆိုဖီယာ ဂတ်စ်ကွန်၊ Challengers ဇာတ်ကားမှ ဇန်ဒယာတို့ကို ကျော်တက်ပြီး ဒမ်မီကရွေးချယ်ခံလိုက်ရခြင်းဖြစ်သည်။
“တစ်ကယ်ပါ ဒီဆုရလိမ့်မယ်လို့ ကျွန်မမထင်ထားဘူး။ အံ့တောင်အံ့ဩသွားတယ်။ ကျွန်မ သရုပ်ဆောင်လုပ်လာတာကြာပြီလေ။ ၄၅ နှစ်တောင်ရှိရောပေါ့။ အခုမှ သရုပ်ဆောင်တစ်ဦးအနေနဲ့ ပထမဆုံးဆုရတာ။ အရမ်းဝမ်းသာမိပါတယ်” ဟု ဒမ်မီက စင်ပေါ်တွင်ဆုလက်ခံပြီးနောက်ပြောသည်။ The Substance ဇာတ်ညွှန်း ၎င်းဆီကိုရောက်မလာခင်က အတော်လေးစန်းကျနေချိန်နှင့် ကြုံနေရချိန်ဖြစ်သည်ဟုလည်း ဒမ်မီကဆိုသည်။
ရွှေကမ္ဘာလုံးဆုပေးပွဲသည် ဆုပေးပွဲရာသီ၏ ပထမဆုံးဆုပေးပွဲကြီးဖြစ်ပြီး အော်စကာဆုပေးပွဲအတွက် ဆုရှင်များကို ကြိုခန့်မှန်းနိုင်သည့် ဆုပေးပွဲအဖြစ် သတ်မှတ်ကြသည်။ ဒမ်မီက ယခုရွှေကမ္ဘာလုံးဆုရလိုက်သည့်အတွက် နောက်တစ်ဆင့် ၎င်း၏အော်စကာမျှော်လင့်ချက်က ပိုပြီးအလားအလာကောင်းသွားသည်။
၁၉၇၀ ပြည့်နှစ်ကာလအတွင်း လွှတ်တော်အမတ်ခင်ပွန်းသည် ပျောက်သွားမှုကို လိုက်လံဖော်ထုတ်သည့်အမျိုးသမီးအကြောင်း ဇာတ်အိမ်တည်ထားသည့် I’m Still Here ဇာတ်ကားမှ ဖာနန်ဒါ ထောရက်စ်က ဒရာမာဇာတ်ဆောင်မင်းသမီးဆုရခဲ့ပြီး ဘရာဇီးရုပ်ရှင်မင်းသမီးများထဲ ၎င်းက ယင်းဆုကိုပထမဆုံးရသူဖြစ်သည်။
အဓိကဆုကြီးဖြစ်သည့် အကောင်းဆုံးဒရာမာဇာတ်ကားဆုကို The Brutalist က ဆွတ်ခူးသွားပြီး ဆလီနာဂိုးမတ်ဇ်ပါဝင်ကာ ဆန်ခါတင်စာရင်းထွက်လာစဉ်က ဆု ၁၀ ဆုဖြင့် ဦးဆောင်ခဲ့သည့် မှုခင်းဇာတ်မြူးရုပ်ရှင် Emilia Perez က အကောင်းဆုံးဇာတ်မြူးဇာတ်ကားဆုကို သိမ်းပိုက်သွားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
