အေစီမီလန်အသင်း နည်းစနစ်ဒါရိုက်တာ ပေါ်လိုမာလ်ဒီနီသည် တစ်နှစ်တာ အကောင်းဆုံး မန်နေဂျာဆု ဆွတ်ခူးရရှိခဲ့ကြောင်း သိရသည်။
ယင်းဆုမှာ The Philosopher ဟု ထင်ရှားသည့် နာမည်ကြီး အီတလီနည်းပြဟောင်း မန်လီယိုစကိုပစ်နိုကို ဂုဏ်ပြုပေးအပ်သည့် ဆုဖြစ်ပြီး မာလ်ဒီနီအနေဖြင့် ငွေကြေးနှင့် အခက်အခဲများကြား ရုန်းကန်နေရသည့် အေစီမီလန်အသင်းအား ချန်ပီယံဆုစိန်ခေါ် နိုင်ရန်နှင့် ဥရောပဝင်ခွင့် ပြန်လည်ရရှိစေရန် စွမ်းဆောင်ပေးနိုင်သဖြင့် ချီးမြှင့်ခံရခြင်းဖြစ်သည်။
"အေစီမီလန်၊ အီတလီတို့နဲ့အတူ အောင်မြင်တဲ့သမိုင်းကြောင်း ပိုင်ဆိုင်ပြီးတဲ့နောက် သူက ဒါရိုက်တာကောင်းတစ်ယောက်အဖြစ် ကိုယ့်ကိုယ်ကို ဖော်ပြနိုင်ခဲ့ပါတယ်။ သူဟာ အေစီမီလန်အသင်းရဲ့ နည်းစနစ်ဒါရိုက်တာတစ်ယောက်အနေနဲ့ စီးပွားရေးဖွံ့ဖြိုးတိုးတက်မှုအတွက် ရေရှည်ရည်မှန်းချက်နဲ့ အားကစားကဏ္ဍမှာလည်း ကောင်းမွန်တဲ့ရလဒ်တွေကို ပေါင်းစပ်ပေးနိုင်ခဲ့ပါတယ်။ သူဟာ မီလန်ကို ပြန်လည်အသက်သွင်းဖို့၊ အဆုံးမရှိတဲ့ ဇာတ်လမ်းတစ်ပုဒ်မှာ စာမျက်နှာသစ်ရေးထိုးဖို့ အခြေခံကျတဲ့ ပုဂ္ဂိုလ်တစ်ဦးဖြစ်ပါတယ်" ဟု ဆုရွေးချယ်ရေးကော်မတီ၏ ထုတ်ပြန်ချက်တွင် ဖော်ပြထားသည်။
အသက် ၅၃ နှစ်ရှိပြီဖြစ်သည့် မာလ်ဒီနီ သည် ၂၀၀၉ ခုနှစ်တွင် ကစားသမားဘဝမှ အနားယူပြီးနောက် နည်းပြလောကသို့ ဝင်ရောက်ခဲ့ခြင်းမရှိဘဲ ၂၀၁၈ ခုနှစ်တွင် အေစီမီလန်အသင်း အားကစားနည်းဗျူဟာနှင့် ဖွံ့ဖြိုးတိုးတက်ရေး ဒါရိုက်တာအဖြစ် ဆောင် ရွက်ခဲ့ပြီး ၂၀၁၉ ခုနှစ် ဇွန်လတွင် နည်းစနစ် ဒါရိုက်တာအဖြစ် ရာထူးတိုးမြှင့်ခံခဲ့ရသူဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
