PSG အသင်း၏ လက်ရှိကစားပုံနှင့်ပတ်သက်ပြီး ဝေဖန်မှုများထွက်ပေါ်နေသော်လည်း ပြောင်းလဲသွားမည်မဟုတ်ဟု အသင်းနည်းပြဖြစ်သူ ပိုချက်တီနိုက ပြောကြားခဲ့သည်။ ထို့ပြင် ၎င်းက ကစားသမားများ၏ထောက်ခံမှုကိုလည်း ရရှိထားသည်ဟု ဝန်ခံခဲ့သည်။
"ကျေးဇူးတင်ပါတယ်။ ကျွန်တော် အခြေအနေကောင်းသလို၊ တည်ငြိမ်မှုလည်း ရှိပါတယ်။ ကျွန်တော့်မှာ ကစားသမားတွေရဲ့ ပံ့ပိုးကူညီမှုတွေလည်း ရရှိထားပါတယ်။ အသင်းကို ဝေဖန်တိုက်ခိုက်ကြတာတွေကို ကျွန်တော် နားလည်ပါတယ်။ ဒီဝေဖန်မှုတွေအပေါ်လည်း လေးစားမှုရှိပါတယ်။ ကျွန်တော်တို့ ပိုကောင်းအောင်ကစားနိုင်သလားလို့မေးလာရင် ကစားနိုင်ပါတယ်။ ကျွန်တော်တို့ တချို့ကဏ္ဍတွေမှာ တိုးတက်လာနိုင်သလားလို့မေးလာရင် တိုးတက်နိုင်ပါတယ်။ ဒါပေမဲ့ PSG ကို မီးမောင်းထိုးကြည့်ပြီး ကလပ်အသင်းပတ်ဝန်းကျင်က ဆူညံသံတွေဟာ ကျွန်တော်တို့ကို တိုးတက်လာစေမှာ မဟုတ်ပါဘူး"ဟု ပိုချက်တီနိုက ပြောကြားခဲ့သည်။
PSG အသင်းသည် ချန်ပီယံလိဂ်တွင် နောက်တစ်ဆင့် တက်ရောက်ခဲ့ပြီး ပြင်သစ်လိဂ် အမှတ်ပေးဇယားတွင် ၁၁ မှတ်အထိဖြတ်ကာ ဦးဆောင်လျက်ရှိသည်။ သို့သော် ကမ္ဘာ့အကောင်းဆုံးဘောလုံးသမား မက်ဆီ ရောက်ရှိလာသည့် တိုက်စစ်ပိုင်းစွမ်းဆောင်ရည်မှာ မျှော်လင့်ထားသကဲ့သို့ ဖြစ်မလာခြင်းကြောင့် ဝေဖန်ခံနေရခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
