ရီးယဲလ်နောက်ခံလူ မီလီတို၏ ခြေထောက်ကို လက်သီးဖြင့် ထိုးခဲ့သည့် အင်တာမီလန်ကွင်းလယ်လူ မီလီတိုအား တိုက်ရိုက်အနီကတ်ဖြင့် ထုတ်ပယ်ခဲ့ခြင်းကို ဘောလုံးပရိသတ်များက လူမှုကွန်ရက်များတွင် ဝေဖန်ခဲ့ကြောင်း သိရသည်။
ပြီးခဲ့သည့်အင်္ဂါနေ့က ကစားခဲ့သည့် ချန်ပီယံလိဂ်အုပ်စုပွဲစဉ် (၆) ရီးယဲလ်မက်ဒရစ် (၂-၀) အင်တာမီလန်ပွဲ၏ ပွဲချိန် (၆၄)မိနစ်တွင် ဘာရယ်လာ နှင့် မီလီတိုတို့ ဘောလုံးယှဉ်လုရာ လဲကျနေသည့် ဘာရယ်လာက မီလီတို၏ခြေထောက်ကို လက်သီးဖြင့် ထိုးခဲ့ခြင်းဖြစ်သည်။
ယင်းနောက် ၎င်းတို့နှစ်ဦးသည် အချေအတင်စကားများခဲ့ကြပြီး နှစ်ဖက်အသင်းဖော်များက ဝင်ရောက်ဖျန်ဖြေခဲ့ရသည်။
ယင်းပွဲတွင် ကွင်းလယ်ဒိုင်အဖြစ် ဆောင်ရွက်နေသည့် ဖိလစ်ဘတ်ချ်က မီလီတို၏ခြေထောက်ကို လက်သီးဖြင့် ထိုးခဲ့သည့် ဘာရယ်လာအား တိုက်ရိုက်အနီကတ်ပြကာ ထုတ်ပယ်ခဲ့သည်။
သို့သော် ဘောလုံးပရိသတ်များသည် ဖိလစ်ဘတ်ချ်၏ဆုံးဖြတ်ချက်ကို မကျေနပ်ဘဲ လူမှုကွန်ရက်များတွင် ဝေဖန်ခဲ့ကြသည်။
ပရိသတ်တစ်ဦးက ''ဘာရယ်လာ အနီကတ်တဲ့။ ဘောလုံးဟာ အထိမခံလောက်အောင် နူးညံ့သွားပြီလား''ဟုရေးသားခဲ့သလို၊ အခြားပရိသတ်တစ်ဦးကလည်း ''ဘာရယ်လာကို အနီကတ်ပြတာ ပြင်းထန်ပါတယ်''ဟု Twitter တွင် ရေးသားခဲ့သည်။
ဘာရယ်လာသည် အဆိုပါအနီကတ်အပြခံခဲ့ရခြင်းကြောင့် ချန်ပီယံလိဂ် ရှုံးထွက် (၁၆)သင်းအဆင့် ပ- ကျော့ပွဲကို လွဲချော်တော့မည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
