နယူးကာဆယ်အသင်းတိုက်စစ်မှူး အီဆက်ခ်သည် ပရီးမီးယားလိဂ် တစ်လတာအကောင်းဆုံးကစားသမားဆုနှင့် သွင်းဂိုးဆုကို တစ်ပြိုင်တည်းရရှိသည့် ခြောက်ဦးမြောက် ကစားသမားအဖြစ် မှတ်တမ်းဝင်ခဲ့ကြောင်း သိရသည်။
ဒီဇင်ဘာအတွက် ပရီးမီးယားလိဂ် အကောင်းဆုံးဆုရရှိသူများကို ဇန်နဝါရီ ၁၀ ရက်တွင် ထုတ်ပြန်ရာ ဆွီဒင်လက်ရွေးစင် ကစားသမား အီဆက်ခ် (၂၅ နှစ်) ကစားသမားဆုနှင့် သွင်းဂိုးဆု ဆွတ်ခူးရရှိခဲ့သည်။ အီဆက်ခ်သည် ဒီဇင်ဘာပွဲကျပ်ကာလအတွင်း ယှဉ်ပြိုင်ကစားသည့် ပရီးမီးယားလိဂ်ပွဲစဉ် ခြောက်ပွဲစလုံး ဂိုးသွင်းယူနိုင်ခဲ့ပြီး ရှစ်ဂိုးသွင်းယူကာ ဂိုးဖန်တီးမှုနှစ်ကြိမ် ပြုလုပ်နိုင်ခဲ့သည်။
အီဆက်ခ်သည် အစ်ဝစ်ချ်အသင်းနှင့်ပွဲတွင် ဟက်ထရစ်အပါအဝင် လီဗာပူးလ်၊ ဘရန့်ဖို့ဒ်၊ လက်စတာ၊ ဗီလာ၊ မန်ယူအသင်းတို့နှင့်ပွဲများတွင် တစ်ဂိုးစီ သွင်းယူနိုင်ခဲ့ခြင်းဖြစ်သည်။ ၎င်းအနေဖြင့် တစ်လတာအကောင်းဆုံး ကစားသမားဆုကို ပထမဆုံးအကြိမ်ရရှိ ခြင်းဖြစ်ပြီး လီဗာပူးလ်အသင်းနှင့်ပွဲ၌ ၁၈ ကိုက်စည်းအပြင်ဘက်မှ အပြင်းကန်သွင်းယူခဲ့သည့်ဂိုးဖြင့် အကောင်းဆုံးသွင်းဂိုးဆုကိုပါ ရယူနိုင်ခဲ့သည်။
သို့ဖြစ်ရာ အီဆက်ခ်သည် ဘရူနိုဖာနန်ဒက်စ် (၂၀၂၀ ဇွန်)၊ လင်ဂတ် (၂၀၂၁ ဧပြီ)၊ ဆာလာ (၂၀၂၁ အောက်တိုဘာ)၊ အယ်လ်မီရွန် (၂၀၂၂ အောက်တိုဘာ) နှင့် ပါလ်မာ (၂၀၂၄ ဧပြီ) တို့ပြီးလျှင် ယင်းဆုနှစ်ခုကို တစ်ပြိုင်တည်းရရှိသည့် ခြောက်ဦးမြောက် ကစားသမားအဖြစ် မှတ်တမ်းဝင်ခဲ့သည်။
ထို့ပြင် အီဆက်ခ်သည် ယွန်းဘတ် (၂၀၂၂ ဧပြီ)၊ အယ်လ်မန်ဒါ (၂၀၁၀ နိုဝင်ဘာ) နှင့် အီဘရာဟီမိုဗစ် (၂၀၁၆ ဒီဇင်ဘာ) တို့ပြီးလျှင် တစ်လတာအကောင်းဆုံးကစားသမားဆုရရှိသည့် စတုတ္ထမြောက် ဆွီဒင်ကစားသမား ဖြစ်လာခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
