နာပိုလီအသင်းနည်းပြ ကွန်တီက ဂျော်ဂျီယာတောင်ပံကစားသမား ခွါရတ်စကယ်လီယာအနေဖြင့် အသင်းမှ ချက်ချင်းထွက်ခွာခွင့်ပြုရန် တောင်းဆိုထားကြောင်း အတည်ပြုပြောကြားခဲ့သည်။
အာဂျင်တီးနားဂန္ထဝင် မာရာဒိုနာနှင့် နှိုင်းယှဉ်၍ "ခွါရာဒိုနာ"၊ မက်ဆီနှင့်နှိုင်းယှဉ် ၍ "ဂျော်ဂျီယာမက်ဆီ" အဖြစ် ချီးကျူးခံထားရသူ ခွါရတ်စကယ်လီယာသည် ၂၀၂၂-၂၀၂၃ ရာသီက နာပိုလီအသင်း စီးရီးအေချန်ပီယံ ဆုရရှိရာတွင် အဓိက ကစားသမားအဖြစ် ပါဝင်ခဲ့သူဖြစ်သည်။
ခွါရတ်စကယ်လီယာ၏စာချုပ်မှာ ၂၀၂၇ ခုနှစ်အထိ နှစ်နှစ်ခွဲကျန်ရှိနေသော်လည်း ၎င်းကအသင်းမှ ချက်ချင်းထွက်ခွာခွင့်ပြုရန် တောင်းဆိုထားကြောင်း အသင်းနည်းပြဖြစ်သူ ကွန်တီက အတည်ပြုပြောကြားခဲ့ခြင်းဖြစ်သည်။
သတင်းစာရှင်းလင်းပွဲတွင် ကွန်တီက "ခွါရတ်စကယ်လီယာက အသင်းကထွက်ခွာခွင့်ပြုဖို့ တောင်းဆိုခဲ့ပါတယ်။ ကျွန်တော် သူနဲ့စကားပြောပြီးပါပြီ။ အသင်းကနေ ချက်ချင်းထွက်ခွာမယ့်အစီအစဉ်ကို သူကိုယ်တိုင်အတည်ပြုပါတယ်။ သက်တမ်းတိုးရမယ့် စာချုပ်တစ်ခု ရှိနေပါတယ်။ နှစ်ဖက်စလုံးကို လက်တွဲပြီး အတူဆက်လုပ်ဖို့အတွက် စည်းရုံးတာကို လုံလောက်အောင် ကျွန်တော်မလုပ်နိုင်ဘူးဆိုတာ သေချာပါတယ်။ အသင်းမှာမနေချင်တဲ့ ကစားသမားကို ချည်နှောင်မထားချင်တာကြောင့် ကျွန်တော့်ဘက်က ခြေတစ်လှမ်း ဆုတ်လိုက်ပါမယ်" ဟု ပြောကြားခဲ့သည်။
ခွါရတ်စကယ်လီယာကို PSG ၊ လီဗာပူးလ်၊ ချယ်လ်ဆီးစသည့် ဥရောပထိပ်တန်းကလပ်များစွာက ခေါ်ယူရန် စိတ်ဝင်စားနေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
