လီဗာပူးလ်နည်းပြ ယာဂန်ကလော့ပ်က ပွဲအစပိုင်းတွင် ပယ်နယ်တီဧရိယာအတွင်း အာနိုးလ်၏လက်မောင်းနှင့်ဘောလုံးထိသွားမှုကို သူ့အနေဖြင့် မမြင်တွေ့ကြောင်း ထုတ်ဖော်ပြောကြားခဲ့သည်။
'' ပက်(ဂွါဒီယိုလာ)ရဲ့ခံစားချက်ကို ကျွန်တော် စာနာနားလည်ပါတယ်။ ဒါပေမဲ့ ဒီအခြေအနေကို ကျွန်တော် မမြင်ခဲ့ပါဘူး။ ကျွန်တော် ကြားတာကတော့ ဘောလုံးဟာ ဒေးဗစ်ဆေးလ်ဗားရဲ့လက်မောင်းနဲ့ထိပြီး အာနိုးလ်ကို ထပ်ထိခဲ့တယ်ဆိုတာပါ''ဟု ပြောကြားခဲ့သည်။
ထို့ပြင် ကလော့ပ်က မန်စီးတီးကဲ့သို့အသင်းမျိုးကို အနိုင်ရရန်အတွက် လုံးဝအာရုံစိုက်ပြီး စုစည်းမှုအပြည့်နှင့်ကစားရန်လိုကြောင်းလည်း သုံးသပ်ခဲ့သည်။
'' သူတို့(စီးတီး)ကစားတာ ကောင်းပါတယ်။ အိုး တကယ်ကောင်းတာပါ။ ကျွန်တော်တို့ အစွမ်းကုန်ကာကွယ်ခဲ့ရတယ်။ ဒါပေမဲ့ ကျွန်တော်တို့က အံ့အားသင့်ဖွယ်ဂိုးတွေ သွင်းယူနိုင်ခဲ့ပါတယ်။ ဒီပွဲက ကစားရအတော်ခက်ခဲတဲ့ပွဲပါ။ ပြိုင်ဆိုင်မှုပြင်းထန်ပြီး ပွဲကြီးပွဲကောင်းတစ်ပွဲပါပဲ။ ကစားသမားတွေက အာရုံစူးစိုက်မှုအပြည့်နဲ့ ကစားခဲ့ကြတယ်။ ဒါဟာ အရမ်းကောင်းပါတယ်။ ဒီအချက်က စီးတီးကို အနိုင်ယူနိုင်တဲ့ တစ်ခုတည်းသောနည်းလမ်းပါပဲ။ တခြားအသင်းတွေအဖို့က ဒီ့ပြင်နည်းလမ်းတွေ ရှိကောင်းရှိနိုင်ပါတယ်။ ဒါပေမဲ့ ကျွန်တော်တို့အတွက်က ဒီနည်းလမ်းတစ်ခုပါပဲ''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
