ရန်ကုန်တိုင်းဒေသကြီး ရွှေပြည်သာမြို့နယ်တွင် မီးလောင်မှုဖြစ်ပွားရာ အမျိုးသမီးတစ်ဦး သေဆုံးခဲ့ကြောင်း အဆိုပါမီးလောင်မှုဖြစ်စဉ်ကို သွားရောက်ကူညီခဲ့သည့် ရွှေမေတ္တာလူမှုကူညီရေးအသင်းမှ မရွှေလဲ့က ပြောကြားသည်။
မီးလောင်မှုမှာ ဇန်နဝါရီ ၇ ရက် နံနက် ၅ နာရီခန့်တွင် ရန်ကုန်တိုင်းဒေသကြီး ရွှေပြည်သာမြို့နယ် ၅ ရပ်ကွက် သီရိမင်္ဂလာပတ်လမ်းတွင် ဖြစ်ပွားခဲ့ခြင်းဖြစ်သည်။
“မီးလောင်တဲ့နေရာမှာ အမျိုးသမီး အလောင်းတစ်လောင်း တွေ့တယ်။ အခုတော့ အဲ့ဒီမီးလောင်တဲ့သူတွေကို ကယ်ဆယ်ရေးနေရာမှာ ထားထားတယ်။ စုစုပေါင်း ၁၀၀ ကျော်ရှိတယ်” ဟု ရွှေမေတ္တာဖောင်ဒေးရှင်းမှ မရွှေလဲ့က ပြောကြားသည်။
သေဆုံးသူမှာ အသက် ၃၅ နှစ်အရွယ်ရှိပြီဖြစ်သည့် အမျိုးသမီးတစ်ဦးဖြစ်ကြောင်း၊ ထို့ပြင် မီးလောင်မှုဖြစ်ပွားရာနေရာတွင် မီးလောင်ကျွမ်းခံရကာ သေဆုံးနေသည့် ခွေးလေးတစ်ကောင်ကိုလည်း တွေ့ရှိခဲ့ရကြောင်း သိရသည်။
“အမျိုးသမီးအလောင်းလည်း တွေ့တယ်။ ခွေးလေးတစ်ကောင်ကိုလည်း ပိမိလို့ မထွက်နိုင်ဘဲ မီးလောင်တဲ့ဒဏ်ရာတွေနဲ့ သေနေတာကိုတွေ့တယ်” ဟု ရွှေမေတ္တာလူမှုကူညီရေးအသင်းမှ မရွှေလဲ့က ပြောကြားသည်။
မီးလောင်မှုမှာ တစ်နာရီနီးပါးကြာမြင့်ခဲ့ပြီး Level 1 အဆင့်ဖြင့် ငြိှမ်းသတ်ခဲ့ရကာ နံနက် ၆ နာရီ ၁၉ မိနစ်မှ မီးငြိမ်းခဲ့ကြောင်း မြန်မာနိုင်ငံမီးသတ်တပ်ဖွဲ့က ထုတ်ပြန်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
