၂၀၂၄-၂၀၂၅ ရာသီ FA ဖလားပြိုင်ပွဲ ၏ တတိယအဆင့်နှင့် စတုတ္ထအဆင့် ပွဲစဉ်အားလုံးတွင် VAR စနစ် အသုံးပြုမည်မဟုတ်ကြောင်း သိရသည်။
အင်္ဂလန်ဘောလုံးအဖွဲ့ချုပ် (FA) သည် FA ဖလားပြိုင်ပွဲ၌ VAR စနစ် အသုံးပြုမှုကို ၂၀၁၇-၂၀၁၈ ရာသီတွင် စတင်ခဲ့ပြီး အခြေခံအဆောက်အအုံနှင့် ကုန်ကျစရိတ် ကန့်သတ်ချက်များကြောင့် ထိုစဉ်က ပရီးမီးယားလိဂ် ကလပ်များ၏ အိမ်ကွင်းပွဲစဉ်များ၌သာ အသုံးပြုခဲ့သည်။
သို့သော် ယခုရာသီတွင် ပရီးမီးယားလိဂ်ကလပ်များ စတင်ပါဝင်လာသည့် တတိယအဆင့်နှင့် စတုတ္ထအဆင့်ပွဲစဉ်များကိုပါ VAR စနစ် အသုံးပြုတော့မည်မဟုတ်ဘဲ ပဥ္စမအဆင့်မှသာ စတင်အသုံးပြုမည်ဖြစ် ကြောင်း သိရသည်။ FA ဖလားပြိုင်ပွဲကို ပထမအဆင့်မှ ဗိုလ်လုပွဲအထိ စုစုပေါင်း အဆင့်ရှစ်ခုဖြင့် ကျင်းပလျက်ရှိပြီး ပထမအဆင့်တွင် Non-League ကလပ် ၃၂ သင်း၊ League Two ကလပ် ၂၄ သင်းနှင့် League One ကလပ် ၂၄ သင်း စတင်ယှဉ်ပြိုင်ရကာ ပရီးမီးယားလိဂ်ကလပ် အသင်း ၂၀ နှင့် ချန် ပီယံရှစ်ကလပ် ၂၄ သင်းမှာမူ တတိယအဆင့်မှ စတင်ယှဉ်ပြိုင်ရခြင်းဖြစ်သည်။
FA သည် ယခုရာသီတွင် စည်းမျဉ်းအချို့ ကိုလည်း အပြောင်းအလဲပြုလုပ်ထားပြီး မိနစ် ၉၀ ပြီးဆုံးချိန်အထိ သရေရလဒ်ထွက်ပေါ်ပါက ပြန်ကန်ပွဲကစားရသည့်စနစ်ကို ပထမအဆင့်မှ စတင်ဖျက်သိမ်းကာ သရေကျပါက အချိန်ပိုနှင့် ပယ်နယ်တီ ဆက်လက်ယှဉ်ပြိုင်ရမည်ဖြစ်သည်။
ပြန်ကန်ပွဲမပါဝင်သည့်စနစ် အသုံးပြုရန် FA နှင့် ပရီးမီးယားလိဂ်အကြား ခြောက်နှစ်သဘောတူညီမှုရရှိထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
